[align=center]
[poem=font="Simplified Arabic,5,#FF6400,bold,normal" bkcolor="#0E0E00" bkimage="" border="none,4,#400000" type=0 line=0 align=center use=ex num="0,#400000"]
جيتك على وضح النقا وافتح الباب = واثق خطا والدلفحه مشيها عيب
شاعر ولاعبها على راس مرقاب =تخظعلي الأبيات غصبا مهو طيب
اغوص ببحور المعاني ولاهاب= ومن غبها أنقل جزيله بترتيب
وهبه من المعبود جتني وانا شاب = ماهي دراسه بالمدارس وتدريب
آرد على الجزله كما وردة عقاب= ليا ظرب منه الحباري معاطيب
اطول واليمنى لها مد كساب= وعن الخطا جنبت انا الفكر تجنيب
ماني صغير يهيم مع ظحكة الناب =لي باع في دنيا الورى بالتجاريب
"عزه،،،كرامه" سمعتي بين الأجناب= ذا راس مالي غايتي والمكاسيب
سقت النظر للعاليه واحسب احساب = عن زله تفتح وراها عذاريب
اصوغ والفكره لها القلب جذاب = ارسل بها سحب ترادم مهاديب
سحابه رعادها يرعب رعاب= منها طويلات الشوامخ مراعيب
لاروحت بدريه والهوى هاب = سوت على وجه البسيطه تعاجيب
قام يتلوى سيلها كنه الداب = قلع هشيم القاع شرقن وتغريب
ونظمت من فوق الورق كل ما طاب = عازم على تحريرها للأصاحيب
اتعب على الخوه وتقدير الاصحاب= نية صفا مالي وراها مطاليب
انا اتفاخر في عريبين الانساب =اللي لهم "قدر وحشمه وتوجيب"
شخص محله مايتسدد اليا غاب = ماينقطع طاريه عند المعازيب
وشخص عليه من المداخيل مشعاب=حذرى تهقوابه ترى الخايب يخيب
من تجربه عايشتها وعلم شياب=ماصور الواقع على غير تصويب
عرفي يجملني مع ابعاد واقراب= حكيم واحسبها عن النقص تحسيب [/poem]
الشاعر القدير عبدالله رغيان الحويطي [/align]
رد مع اقتباس
المفضلات