يالزريقي ولايهينون الربع مادامك قلت قصتك مع جاك( يمشي وراك) قصدي شيراك ابي اقولكم قصتي وسمعوها ولاتقاطعوني ومبداء قصتي انه في يوم من الايام وفي حزة الضبان ( السن نه) صحيت يوم الخميس ناوي المقناص فسقان والله ومير احمل غريضاتي وفريشي وبنيدقي وبريس الشاهي واركب دسيتني واحرك والنيه عبلة (مضبة) يعني مليانتن من الضبان ومير يومني اقبلت على العبلة ولياهاك (العار) رازن راسه وانا والله اني ماحب رميته بهالوضع لاني افضل رميته وهو مابينن منه الا رموشه (تكفى يالبواردي) احم احم المهم وجهة راس بنيدسي يمه والله ومير تثور قبل ماعطيها الاوامر المهم اللي حصل حصل والصيدة راحت والرزق على الله ورديت يدي لبسيكت معي وفتحت حليبةٍ معي واكلت وشربت حتى تنفست الصعداء( وش رايكم بللاهي عليكم مثقف مو) وشغلت وحركت ومشيت شوي واللا قدامي هاك الدسيتن الثمانية والسبعين بس والله شكلها نظيفه واني اشوف هاك الرجال اللي معطيني ظهره وشكله محدودب واثريه يحفر له ضب مصوبه ومير يوم ناظرت في وجهه ويعتريني الشبه في الرجال واشد النظر واقول في نفسي الرجال اعرفة بس غاب عني هالساعة وقال لي وبلكنة انقليزية واو ورااك تأين في قلت هالحين عرفتك يالملعون انت بوش قال وسلت قلت وشجابك هنيا قال والله سوفة اينك قلت علميبكم ماتاكلون الضبان قال والله كابلني واحد من اللي يدرسون عندنا ومدحها الي ويقول ان مفعولها اكوى من مفعول الفياقراء عندكم وحيس انها ماتوجد عندنا سرحت الجهمة من واشنطن مالي قصد غيرها وابسرك صندوق الددسن مليان. والله ومير يقعد يتنشدني عن علوم الضبان وانا انشدة عن علوم الربيع عندهم(يالله من فضلك الجنة) (وبستذكاري لموضوع القدس) قلت هيه بابوش انت علامك يومنك تقوم مع السلب شارون ضدنا قال والله اني معكم وابوي معكم لينن بعض الناس سوو السواه اللي انت خابرها وهاذي امورن ماينسكت عنها وعلم ربعك يجيبون الرجال اللي انت خابره والا الوجه من الوجه ابيض قلت هيه على هونك يارجال والله ان علومك هاذي لتعود اخرطي لياقابلة الرجال اللي شرقيٍ منا قال والله مايهزني ولو بكبر شعرة قلت الايام متلاحقه قال انت تامر بس شي تراني تواكرت قلت لبدن .......
منوتي في البر يطرقني نسيمه في دكاك مايجيني فيه نامس
رد مع اقتباس
المفضلات