وبعض غلطات عمري صعب تبريرها

[فواز الغسلان]

[poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/5.gif" border="double,8," type=2 line=0 align=center use=ex num="0,black""]

لاح فجر العوارض عقب ماكان ليل=وشيب الاجواد يرفع قـدر توقيرهـا
قام يجري لطيشي في بياضه غسيـل=وراح شر الليالـي وابـتـدى خــيرهـا
وناتـج اللي مضى لي بالمرابـح قليـل=وبعض غلطات عمري صعب تبريرها
كيف الاعمار ضاعت بين قالٍ وقيـل=مثل ركـض الاصـايل في مضاميرها
كنت احب المثلث واكره المستطيـل=واجمع الحـر الاشقر مع عصافيرهـا
واكتشفت الحقايق يوم حان الرحيل=والخزاين فـتـحـنـا رمـز تشـفـيـرهـا
ولو فهمت الخلايق قبل وقتٍ طويـل=كـان نـصـف الخسـاره تـم توفيرهـا
التجارب عطتنـي بالفيافـي دليـل=مثل عين المراصد عقـب تطويرهـا
صار دربيل فكري في مداه ألف ميل=والجـروف الـصـغـيـره تـم تكـبـيرهـا
بس الايام راحت كنهـا جري خيل=او عـجاجة خريـفٍ ضايـعٍ طيرهـا
ليت للي مضى لي من حياتي بديـل=وكل ساعه يجـيـني بالـزمـن غـيرهـا
لاجل تمشي ركابي في ظلالٍ ظليـل=ثم ابدل دروب الزمـل فـي سيرهـا
وادري ان الجـمـايل ماتطفي غليـل=في قلـوب الاوادم عقـب تـنـفـيـرهـا
وان مشيت القوايل ماتركت الصميـل=يـمـكـن ان الـفـيــافـي ناشـفٍ بيرهـا
واترك اهل الفراغه والرخى واستقيل=وافتح ابواب فكري عقـب تسكيرهـا
كنت بالحلم اشاهد نصف زملي هزيل=وقلت الاضغاث هذي صعب تعبيرها
كيف تصدق مدامي شوق زين الجديل=وان دخلت المجالس حـزت تقديرهـا
اثـر زرعي بذرته في بطون المسيـل=ماذكـرت السحـايـب فـي قواطيرهـا
ويوم لاحت بروقه مثل قدح الفتيـل=والـرعـــايـد لـغـومٍ ثـار تفـجـيــرهـا
اعدم السيل زرعي مابقى به حصيل=وشال جـدران بيتي رغـم تسويرهـا
ومن نـفـعـتـه بطيبي او منحته جميـل=غـاب غـيـبـة هــنـودٍ تـم تسـفـيرهـا
او غدى بالطلايب تقل سيف سليـل=وجت جيوشه تطالب فـي فواتيرهـا
قلت ابي من كـرمكم عن كرمنا مثيـل=قـالــوا افـعـال طيبـك تـم تجـيـيــرهـا
في زمـان الحـضـاره حط عقد وكفيـل=تـر حـقـوق الاوادم صـعـب تدويرها
راح وقت السواني مع غروس النخيل=وصـار شـرب الحدايق من نوافـيـرها
قلت وقت الحـضـاره مايـغـر الاصيـل=ولا قـريـت الخـديـعـه ضـمـن تـقـريرها
قالوا الكذب موضه والتلاعب موديل=ولا تصـيـد الـبـنــادق قـبــل تـنـظـيرها
مايـفـيــد الـحـمـايـم سـجـعهـا بالهديـل=مـع طـيـــورٍ تـهــاجـم فـي مـنــاقـيـرهـا
قلت طـيـرك نـشـوفه بالـمـعارك ذليل=وبـنـدقـك بـالـقـرابــه سهـل تـثـويـرها
ولو لرزق الخـلايـق بـالاوادم وكـيـل=شـفـت الارزاق كـلـه تـم تـصـديرها
وكـل هـذي دروسٍ لو ثـمـنهـا ثقيـل=لاجـل تـنـبـيـه نـاسٍ تـم تخديــرهـا
ولاجل نلقى لغلـطـات المحاكـم مزيـل=ونـنـقـض احـكام نـاسٍ تـم تـمـريـرها
ونعتذر عن عـزيـزٍ صار حكمه هبيـل=وعـن تـواريــخ نـاسٍ بـان تـزويـرهـا
وعن عـدالـة زمانٍ كل يـومٍ تـمـيـل=واخـتـلاف السياسه فـي مـعـايـيرها
من يخالف عـربـنـا صار حكمه عميل=صـار عـذرٍ عـلـى الـلـي تــم تهجيرها
وليش شتم اليهودي صار يملا الزبيل=وبايـع الـقـدس يلـعـب فـي دنانـيرها
دون شـارون نـاسٍ بـالخـيـانـه تكـيـل=لاجل شارون تـتـعـب في مشاويرها
مثل ركض الحليله لاجل عين الحليل=ومع صـفـوف الـصـحـابه تم تصويرها
نـصف شعبه نـشـوفـه بـالمقـابر قتيـل=وقـيـمة اللــي تـبــقـى تـم تدمـيرهـا
وصار درب الـعـقـيده للمصالح سبيل=وقـبـل ذبـح الاوادم قــم بـتـكـفـيـرها
وليش اجيب الادله تشبه السلسبيل=وعـقـب بكـرا نـبدل حكم تـفــسـيــرها
نوب نـمدح عـقـيـدة ساحل الدردنيل=ثــم نـطــرق خـشـبـنـا فـي مسامـيرها
ثـم يكـفــر ويـصـبـح ما لكـفــره مثيل=وكـل عــام تـجـــدد فــي دســاتـيــرها
وليش نرمي على الشـيعه كلامٍ رزيل=ولاجل تحـذيـر الامه زاد تـكـريــرها
ونـمـدح اولاد رومـا بالكـلام الجـزيل=والـكـنـــايـس نـسـيـنـا شــر تـنـصـيرها
اترك الراس ينزف ثـم اخيط الشليل=وش ذبحـنـا سـوى الغرب وطوابيرها
وليش كـيـل الـمدايح والـثناء والجميل=في رجـالٍ تـشـوف الـنـاس تقـصيرهـا
وكان فكري يـسـير بسكة المستحيـل=فالـمـصيــبـه مـن الـعـالـم وتـفـكـيــرهـا
[/poem]

[بشير اللويش]

الشامخ ابوفهد

لا يسعني الا ان اقول صح لسانك يالغلا

وانت شاعر عملاق وكفو يابدوي

كل يوم وانت متجدد بجديدك

لا عدمناك وعساك على القوه

( ترى الشمال ممطور ومشتاق لك يابعد حيي )

اخوك الصغير

الراسي

[شرهه]

صح لساااانك ...


و للامانه استمتعت جدا بقراءة هذا النص




و فالك البيرق

[سلطااان السويري]

صح لسانك واعتلى شانك

لك كل الود والتقدير

[رادار الحرف]

فواز الغسلان
تتقزم الحروف في الرد على نصك العملاق كشخصك النقي
واقسم برب الكعبه ان كل بيت من نصك عن قصيده
وقد شدني جدا مطلع النص
لاح فجر العوارض عقب ماكان ليل=وشيب الاجواد يرفع قـدر توقيرهـا
آآآه ليتك تشارك بشاعر المليون لأنك كفو ومطلع على بحور الشعر
وتكتب في الكثير منها لاسيما وانك ملم المام - اشتهرت فيه - في
موروثنا الشعبي
صح لسانك
رادار الحرف

[هايس الشمري]

الجزل ابو فهد




صح لساانك بلا عدد يا بعدي..



اخووك

[لوليتا]

*
*

كل بيت قصيدة مستقلة
وكل بيت حكمة لمن يثمنها



فواز الغسلان

راااائع جدا جدا
من اجمل ما قرأت لك

صح لسانك مليووون

وطبت يا شاعر

*
*

[ح.م.ي.د.الغفيلي]

صح لسانك وعلا شانك


قصيدة تستحق الاشادة

[نايف حزوم]

ابو فهد وما زلت تقطف لنا من الروائع المعطره بعبق الاصاله الله لا يهينك وصح الله لسااانك مليااااااار