*
*
*
*
الشاعر/عبد الرزاق الهذيل
أسم كبير في خارطة الشعر الخليجي ويعتبر من شعراء الشعر النبطي المخضرمين
وأحد أهم مؤسسي مدرسة الشعر بمدينة الشعراء شاعر برتبة استاذ شهد له بذلك اعظم أدباء الخليج
يمنح القلوب عذوبة الشعر وعذوبة الإحساس ويخط تفاصيل التفرد الشعري في مفردة القصيده
من مواليد مدينة القريات في أقصى الشمال من مملكتنا الحبيبة
بدأ مشوارة الشعري وأيضا الصحفي منذ عقدين من الزمان حيث عمل بأكثر من مطبوعة منها على سبيل المثال:
*زاوية (ملاحظات شعبية) في جريدة البلاد وهي نقدية وأيضاً صفحة وجدانيات في نفس الجريدة
* عامود شبة يومي( الكي على الوجع ) في جريدة اليوم
*زاوية أسبوعيه في جريدة الجزيرة
وأيضاً له العديد من المشاركات الشعرية في بعض الصحف والمجلات السعودية والخليجية
أمسياته الشعرية
اقام العديد من الأمسيات سواء داخل مدينته (القريات) كان أخرها
في مهرجان الصيف في العام الماضي
و خارجها كانت آخر أمسياته في مدينة الجبيل قبل ثلاثة أعوام
وأقام أمسية له في مهرجان الجنادرية عام 1418هـ
قال في إحدى لقاءاته عندما سئل عن الشعر
أن الشعر اذا له حسنات تذكر لعل من أهمّها بالنسبة لي
أنه قام بدور الوسيط بيني وبين جمهوري وكان سبباً في تعرفي على الناس
والذي وصفهم على حد قوله (أي الجمهور) انهم الثروة الحقيقية والتي
طالما فاخر بهم في قصائده
أبتعد عن الساحة الشعبيه من خلال النشر منذ ما يقارب تسع سنوات
والأسباب على حد تعبيره
ان هذه الساحة (اي الشعبيه) لم تعد تفرق بين الصالح والطالح
هو الشاعر الذي صنّف الحب على ثلاث أصناف حيث قال:
حب ٍ يموت وحب يبقى معي حي=وحبٍ يمر القلب مر السحــــابه
[poem=font="Simplified Arabic,5,#FFA100,bold,normal" bkcolor="#111101" bkimage="" border="none,4,#400000" type=0 line=0 align=center use=ex num="0,#400000"]
مهما يكون الشعور اللي علـي بـادي=لا زلت انا الوارد اللي ماطـوى حبلـه
على القـراح الزلالـي طـال تـردادي=اشرب واصدر ظما مدري وش اشرب له
يا من تغاربتي غيابـي وهـو عـادي=بُعد الرجل عن دواعي ذله اهيـب لـه
ماامشي قبل لا اعرف الوجهه بلا قادي=ولا اصلـي الا وانـا متقبـل القبـلـه
منزالي النايفه عـن حـدري الـوادي=ورجلٍ يجي في مسيل السيل يـا هبلـه
أبعدت مالي غـرض فـي ذل مقعـادي=ما دام يلعب لي الذعـذاع والعـب لـه
ماني لعرفي مع هـل العـرف متـرادي=لاشك كبدي من اللـي شفـت مندبلـه
يا لاقيـة خيـر هـاك العلـم للغـادي=اللي عجز يفرق الشيحه مـن الربلـه
أمانـتـك بلغـيـه لـكـل حـسـادي=لا غارت الكدش وكحيـلان باصطبلـه
أنا أول العشر مانـي للعشـر حـادي=مالك ومال افتـراض الجاهـل الأبلـه
يموت انا حاسدي مـا ياصـل ابعـادي=منّي نجوم السما لو يفهـم اقـرب لـه
ولابد ما الهايج المايـج يجـي هـادي=وكلٍ يشاف المكان اللـي يناسـب لـه
إن مت مات النبـي وآبـاي واجـدادي=وما دام لي يـومٍ مانـي ميّـتٍ قبلـه [/poem]
[poem=font="Simplified Arabic,5,#FFA100,bold,normal" bkcolor="#111101" bkimage="" border="none,4,#400000" type=0 line=0 align=center use=ex num="0,#400000"]
ماني على ظنـك ولا انتـه بغلطـان=الوقـت مانعلـم خوافـي صـدوفـه
إتعب إركابي مقصدي طيب وحسـان=حرٍ ويشبـع مـن مساطـي كفوفـه
اكبر مـن المنقـود وصفـه بليهـان=مرامـه العليـا ويلحـق أشفـوفـه
شاعر من العصـلان لشعـر عنـوان=لأطلق عنان البيت تدهـش أحروفـه
إن ضاق صدره جاب لولوا ومرجـان=وإن راق جـاب المستحيلـة يحوفـه
والياحصل من صاحبي زلـة اللسـان=أدمح لـه الزلـة وراعـي أظروفـه
والليـل يفتـح للخيـالات بيـبـان=وتفضح أنجومه مستتر وسط جوفـه
وصـوّر المستـور صـوره للعيـان=تأتي قصيـده دون وصـب وكلوفـه
راسي وعيني والصدر كنهـا أوطـان=سكانهـم عالـم وغيـر أمعـروفـه
عالم على الإسـرار ستـرٍ وكتمـان=بعيونهـم اقـرأء وجيهـن تشوفـه
بصمت السكون اجر حرفي على أوزان=ارفع به المرفـوع فـي راس نوفـه
ولاني على ظنك ولا انتـه بغلطـان=الوقـت مانعلـم خوافـي صـدوفـه [/poem]
[poem=font="Simplified Arabic,5,#FFA100,bold,normal" bkcolor="#111101" bkimage="" border="none,4,#400000" type=0 line=0 align=center use=ex num="0,#400000"]
أببعـد عنّـك لديـارٍ بعـيـده=أبرحل واترك الديـره لاهلهـا
أبنسى وأبتدي صفحة جديـده=وأصلّح حالتـي وأرفـع خللها
عنيد وقمت اصارع لي عنيـده=ابي ترضى وهي يكثر زعلهـا
زرعت الزرع ما نلت الحصيده=تموت بساع ما يطلع سبلهـا
تعبت ولا وصلت اللي اريـده=ومات بداخل عيونـي أملهـا
تدور براسـي أحـلامٍ سعيـده=وطيفـك لا تذكرتـه غسلهـا
أبرحل وأترك الحـال الزهيـده=وأبدل بالوعر واسـع سهلهـا
يعاف السوق من يخسر رصيده=ويترك ديرته من عاف اهلهـا
[/poem]
[poem=font="Simplified Arabic,5,#FFA100,bold,normal" bkcolor="#111101" bkimage="" border="none,4,#400000" type=0 line=0 align=center use=ex num="0,#400000"]
ليتك اللي مستشيرٍ لـك بخيـص=قبل تظلـم غافـلٍ بـك مـا درى
مقفيٍ قديت لـه دبـر القميـص=واتهمته بالردى محـض افتـرى
كان عنده بالرجا تالـي بصيـص=قبل يجري له معاك اللـي جـرى
لين حديته على الكـدر النغيـص=ورحت تحرم ناظـره لـذْ الكـرى
يوم شاف انك تسومه بالرخيـص=وكل همّك تحرجـه بيـن الـورى
شال جرحه واحترف مثل القريص=من بعد ما السمْ بأطرافـه سـرى
يدري انه عنّك ابد ماله محيـص=وشاهده غير يتعامـى لـو يـرى
ضد بحرٍ لا سبر غـورة وغيـص=قبـل بتـعٍ ينفهـق عـنـه ورى
وش يخيفك من بواريد القنيـص=وانت لـك فـي كـل نايفـةٍ ذرى
يعترض من دونك الصعب العويص=ولا يطولـك فـي ثريـاك الثـرى
عمر زود الحرص ما فاد الحريص=ومن تبرى من غوى نفسه بـرى
وأنت لو شاورت لك فطنٍ بخيص=ما درى عن سرّك اللـي مـا درى [/poem]
[poem=font="Simplified Arabic,5,#FFA100,bold,normal" bkcolor="#111101" bkimage="" border="none,4,#400000" type=0 line=0 align=center use=ex num="0,#400000"]
أستباح الجور روحي والشقا الخافي ظهـر=ما منع بلواي صبر ولا قطع رجواي يـاس
أجتهد واسعى ولكن حظي اشبعنـي قهـر=كل ما قلت يْتعدل حاربـه شبـه انتكـاس
قمت اجاهد عز نفسي واحتمل ضيم الدهـر=ورغم حرماني حييت بعزتي مرفـوع راس
كل ما وجه الزمان بوجهي اظلـم واقفهـر=ابتسم واصمد بوجهه في ثبات وقو بـاس
ما سألته عن احتراق وطول تفكير وسهـر=ولااثنى عزمي جحودٍألمسه من بعض ناس
من خطب ود الخلايق يلزمـه يدفـع مهـر=واحتمالي للمصايب جا على هذا الاسـاس
ودي اواسي فوادٍ في رضـم جـور ٍصهـر=ودي اضحك ودي ابكي دامني شايف وحاس
ودي أنثر لا ضحكت بضحكتي عطر الزهـر=ودي أنظم من دموعي لا بكيت عقود ماس
ودي العطشان يارد بي على مجـرى نهـر=ماه عذب وفيه جذب وفيه للشمس انعكاس
ودي ودي ولكـن حظـي اشبعنـي قهـر=وأمتحني في هموم ٍ مالها حصـر وقيـاس [/poem]
[poem=font="Simplified Arabic,5,#FFA100,bold,normal" bkcolor="#111101" bkimage="" border="none,4,#400000" type=0 line=0 align=center use=ex num="0,#400000"]
يا فاتنـي حبـك تملّـك شعـوري=وخلاني اهمل واجباتي مع النـاس
ما شوف في دنياي غيرك ضروري=لقيت بك عقب الشقا زود الأونـاس
يضيق بالي يـوم افكـر بامـوري=وانسى الشقا لامن ذكرتك والاتعاس
لرضاك يا نـوّار عمـري ونـوريه=رجة عذولي تحت الاقدام تنـداس
يابـو شفايـا كنهـن ورد جـوري=وعيون خرس مع حوَرها بها انعاس
تأثير نظرتها علـى القلـب فـوري=لا حققت بي عينك النظره احتـاس
سبحان من خلاك بالزيـن حـوري=مالك بكل البيض يا خلـي اجنـاس
انت الذي حبي لك اشعـل غـروري=ما عدّت مهتـمٍ بغيـرك ولا حـاس
والله يا روحي لو الشـور شـوري=ما فارقك لحظه رغم ظرفي المـاس [/poem]
[poem=font="Simplified Arabic,5,#FFA100,bold,normal" bkcolor="#111101" bkimage="" border="none,4,#400000" type=0 line=0 align=center use=ex num="0,#400000"]
ما عقبكم يا ناعس الطرف مجلاس=بالديره اللي كـن اهلهـا غرايـم
عقبك حياتي ضايعه مالها سـاس=دايم وأنا ببحـور الاحـزان عايـم
غديت عقبك كن ماني مع النـاس=مثل الغريب اللي يشوف الهضايـم
يروح ليلي مـا تهنيـت بنعـاس=اقضيـه صاحـي ولانـي بنايـم
والله لو مالي سوى وقت الادماس=والضيقة اللي تقصم الصدر دايـم
ما والله ابقى للقـراده والاتعـاس=واصبر على ضيم الدهر صبر صايم
اخاف يقتلني عقب فقـدك اليـاس=وأنا على رجـواك مابـي عزايـم
يا منوّة المشتاق يا عطر الانفاس=يا منتق الخفاق عن كـل ضايـم
جيتك ترى ماهمني بعد وأرمـاس=ولا ردني عن جيّتـك لـوم لايـم
أنت الغنيمة والتفرط بـك افـلاس=وإن جيت ابغنم انت راس الغنايـم [/poem]
[poem=font="Simplified Arabic,5,#FFA100,bold,normal" bkcolor="#111101" bkimage="" border="none,4,#400000" type=0 line=0 align=center use=ex num="0,#400000"]
ما للكلام إن قلّ والا كثـر سـاس=مادمت بعونك تشـوف الحقيقـه
حقيقة فيها عن الحـب مقيـاس=تحكي بها حال العشيـق لعشيقـه
لامن تلاقى شوف الأعين والأنفاس=ودق الخفوق وزاد سرعة خفيقـه
تلقى دليل اللي يحبك بالاحسـاس=لا صار حبه عـن كلامـه يعيقـه
تلقاه مثل اللي لجى فيه وسـواس=تشـوف بسماتـه تدفـق طليقـه
مفزوع لا يبكي ولا يشتكي بـاس=عطشان رويـانٍ ولا ابتـل ريقـه
يسكر بلا خمرٍ وينعس بلا نعـاس=وعينه تشوف ولا يقـدي طريقـه
عواطفه مع نشوة الحب تحتـاس=فيها يضيق الصدر من دون ضيقه
مثله مثل مستاحشٍ شاف الأوناس=طريـد قـوم مزبنينـه فريـقـه
يا شف روحي يا مرامي مع الناس=يا بلسم تبري الجـروح الغميقـه
وحيّاة من حط المفاتن لك لبـاس=واعطاك تاج الحسن دون الخليقه
اني بحبك ذبت يالجوهـر المـاس=وعليك نفسـي بالمـودة شفيقـه
لك بالشفاقه مثل ابودباس لدباس=ومثل المهادي بالوفا مـع رفيقـه
وشلون تنشد عن غلاً ماله قياس=عقلي وروحي في بحوره غريقـه
هو ما كفى شيٍ من الراس للراس=يومك تبي بالهرج منـي وثيقـه
[/poem]
[poem=font="Simplified Arabic,5,#FFA100,bold,normal" bkcolor="#111101" bkimage="" border="none,4,#400000" type=0 line=0 align=center use=ex num="0,#400000"]
لا تشتكي يا زيد قـلّ السعـاده=يازيد أنا طالبك لا تشتكـي لـي
كان المحبـة تعتبرهـا قـراده=فانا مليت من القـراده شليلـي
همي عبدني في حياتـي عبـادة=يا زيد عيّـا لا يخلـي سبيلـي
الليل ياما راعني فـي سـواده=لا اقبل سواده كل هـمٍ يجينـي
يفرض عليه سلطته واضطه=ادهلا شك وش بيدي على جور ليلي
كن الفراش من القـراده ستـاده=بس آتململ ليـن ينهـد حيلـي
يقطعّك يا حـب بليـا استفـاده=أموت وجد وصاحبي ما دري لي
بلاي قلـبٍ مـا يخلـي عنـاده=واتبع رضاه وضيّـع الله دليلـي
ياما رجيته ميـر مابـه هـواده=امّا امتثل والا يـا ويـل ويلـي
قلبٍ تموحه بالهوى كـل غـاده=عز الله انـي منّـه واعزتيلـي
يا ليت ربي حـط فيـه البـلاده=أقل مابه راحتي هـي حصيلـي
[/poem]
رد مع اقتباس
المفضلات