كم راح من عمري
السلام عليكم ورحمه الله وبركاته
قصيدة للشاعر / زياد ابن نحيت .. يسندها على أخوه أيوب ،،،،
كم راح من عمري وانا ودي اتـــــوب ** ولولا الهوي والنفس كان امس تايب
عشرين عام امني النفس يا ايوب ** لين اكتشفت اني مع الوقت شـــــــــــايب
راحت حياتي بين طالب ومطلوب ** ولي خاطر(ن) لو طبت ماهو بطـــايب
طول الامل في مثل هالوضع عذروب ** ومن يامن الدنيا وغدر النـــــــــــوايب
خدعني التسويف واغرتني ادروب ** وياكثر ما واجهت فيهـــــــــــــا غرايب
واخاف من يوم(ن) بها الموت مكتوب ** لاحوالوبي بين عــــــــوج النصايب
في منزل(ن) مظلم عن الناس محجوب ** محجـــــوب حتى عن هبوب الهبايب
وصار الكفن يا ايوب يغني عن الثوب ** وفارقت ربعي والأهل والقـــــــرايب
ولاعاد فيها جاه واموال واسلوب ** ولاعاد فيها حب خشم وطــــــــــــــلايب
من المهد لين الحد وقت محسوب ** ماضاع شي ولابقي شي غــــــــــــــــايب
رد مع اقتباس
المفضلات