رافع ضغطي من سنـــــيـــــــــن وش الحل ؟؟
السلام عليكم
أنا عندي مشكله ورافعه ضغطي ويمكن أغلبكم مارتن عليه المشكله !!
المشكله
شخص أعرفه ودايم أتواجه معه
كل مانتناقش في مجلس أو في أي مكان وهو موجود يسأل
عن اللي نتناقش فيه !
مثل
قبل يومين جالسين نتكلم عن مباراة النصر والهلال
فجأه خش عرض بالموضوع وقام يسأل أسئله تافهه مثل النصر من أي مدينه !!
من أفضل اللاعبين من الفريقين !
جاوبته قلت النصر من كوريا وأفضل اللاعبين عبدالملك الحوثي وحسني مبارك !!
زعل قال أنت تستهزي وكل ما أسأل عن شي تزعل وش السبب
قلت له يابن الحلال أنت سألت وأنا جاوبت وين الخطاء !!
قال انا أعرف النصر وأعرف اللاعبين اكثر منك
قلت طيب ليه تسأل إذا أنت عارف !
سكت وطلع
وهالشي دايم يحصل معي من نفس الشخص يسأل عن أشياء وأدري أنه يعرف هالشي واحاول أعطيه المعلومه خطاء عشان أشوف ردة فعله وأبي أعلمه أن أسلوبه خطاء !
أبي الحل مع النوعيه اللي زي كذا !!
وليه يسأل عن شي وهو عارفه ؟؟
وآسف إذا ماوضحت الموضوع
رد مع اقتباس
ثالثاً: إذا زعل ( غضب ) شخص ما من شيء يعني أن هذا الشيء يعنى له شيء أنا لا ادعوك للاحتقار ولكن إذا تتبعت كل مشكلة تحدث لك مهما كانت ! لن تسير ستقف ! لا احب الفلسفه لكني ربما اتفلسف قليلاً. أعطيك مثال بسيط لو خرجت للعمل او للدراسة ..الخ وشغلت سيارتك وتبادر إلى ذهنك أنك سمعت صوت بالمحرك ثم نزلت وفتحت غطاء المحرك وبحثت عن مصدر الصوت لم تجد شي والصوت يبدو طبيعياً اقفلت الغطاء وقبل أن تركب لفت انتباهك وجود قطعة خشب وفيها مسمار قريبه نوعا ما لــ إطار السيارة ! ثم قلت من يا ترى الذي وضع هذه ؟؟ اها ولد جارنا اللي غاثنا من العام ، دقيت الجرس وطلع جارك عليه ثوب النوم يعرك عيونه: هلا العمدة ، :هلا! هلا مسمارٍ بعينك ! ... الخ وفي اثناء سيرك مع الطريق كدت ان تصطدم بسيارة عن يمينك اثناء التجاوز لجهل السائق ثم اشرت بيدك( انت صاحي )؟ ما تشوووف ! ورد عليك انت اللي منعمي ! وقف على اليمين وقف .. اوقف وانا اخو مضايف شمر ، وطلعت القناة وصفقته الا هو منبطح ! جت الشرطه وحولوك للقسم ... وعيا يتنازل..الخ متى ستصل للعمل؟ لن تصل في ذلك اليوم وربما تفصل ان حوكمت وربما لا! لا يهم .. الذي أعنيه انك وانا والاخر لو واجهته مشكلة او حالةغير طبيعية مثل صاحب النصر! وتجاهلها طالما انه لن تعيقه او تقف في طريقه ولسان حاله يقول ( ماني فاضي اللي بعده عندي اهم ) ستسير وتصل + الراحة والطمأنينه + انك لن ترى لك خصوم في نهاية المطاف وستجد الجميع راضٍ عنــك .. استاذي هل سبق وان واجهت شخصاً من وراء زجاج يحدثك ويشير بيده إليك حتماً لا تسمعه ولكنك ترى اشارته وتعابير وجهه ان كانت عابسه لو دققت ستجده يشتمك ربما وهناك لن تتمالك نفسك ! لكن لو صرفت عنه نظرك وادرت له ظهرك النتيجه لن يؤثر فيك .. والقاعدة انها لو قابلتك حالة مثل هذه كل ما عليك اخراج الريموت من جيبك وضغطه لنزول حاجز زجاي من السقف إلى الارض وبه عازل صوتي وحبذا لو كان من النوع القاتم المظلل بحيث لا ترى من خلفه ..! جرب وانا متأكد بأنك ستشكرني واتمنى ذلك ليس شكري بل ان تفعل .. لك ودي ،،،،،،،،
المشاركة الأصلية كتبت بواسطة ليالي نـــ ج ـــد
المفضلات