السلام عليكم ورحمة الله وبركاته
مساكم الله بالرضا و المسرات و العلوم الطيبات
شلونكم شخباركم
شلون الربع و الربعات
شلون الزلمة و الزلماي
وشلون الجو و الاجواء
شلون الذود و الحلال
شلون الربيع و الفقع ( التسمأ)
شلون الشيبان و الشويبات
بعد هالمقدمة الطويلة
تنهيدة اطول
آآآآآآآآآآآآآآآآآآآآآآآآآآآآآآهآآآآآآآآآ آآآآآآآآآآآآآآآآآآآآآآآآآ
فهد و ما ادراك ما فهد
فهد ولدي عمره سنتين
الولد ذكي ما شاء الله عليه
بس شقي شقي شقي
اهيييييييييييييب
و هالحين بذكر لكم مواقفي مع هالولد
ألا يا زينتس يالهديا
(نورة) و على قولة فهودي نونا
اخته الصغنونة اللي متوطي حوض بطنه
اول موقف :
مرة لج علي هالصغير و لوه لجة و ازعاج
و ما يجيك الازعاج إلا لما تلبس الشماغ و العقال <<<<<يدري ان بوه طلعة
يجيك مدرعم الوغد
بابا بابا
اقوله نعم
يقول طط طط (عن عن ) <<<< يقال لوه يقلد صوت المواتر
طبعا طط طط صوت الهرن
عن عن صوت الموتر لا اشتغل
المهم و انا اخذه لاجل يعيش من في البيت بهناء و سلام
و اروح ادودج بوه بحايل
ما دريت إلا أذن علي المغرب و انا بعيد عن البيت
اويلي
المهم و اصفط عند مسجد
و انزله معي للمسجد
و يوم كبر الإمام و الولد ما ازين منوه جالسن قدامي و يراعي لي و يغمز <<<<ابوك بسوق انت
المهم سجد الإمام و سجدنا
اللي جنبي طاح عقالوه
و يقوم فهد و ياخذ عقالوه
و يلعب بحسبة العقال لعب
و انا اراعي لوه و ابتسم <<<<< ودوه يغولوه
المهم و تجين فكرة
و اعطيه عقالي بزعمي انه يبي يرجع عقال الرجل
الولد اخذ عقالي و لبسوه على راسوه
و عقال الرجل ماسكوه بيديه يمغط بوه و يلعب بوه نوع دركسون موتر
و كل ما سمعت عن عن و انا اكتم انفاسي
لما قضت الصلاة <<<<<<حسيت انها اطول صلاة بحياتي
و اخذه عندي و اعطي الرجل عقالوه ووجهي حمر تقل مقروص
و اطلع من المسجد و ارميه بالسيت الخلفي
الموقف الثاني
كنت جاي من الدوام تعبان هلكان و لا قيلت الظهر
و آخذه معي العصر للمراجيح
يسميها ويوي
و انا العبه بالزحاليق و المراجيح
و تركته و اروح اجلس لي على الجلسات
و راحت علي نومة و انا جالس
و ما صحيت إلا على جعير ياعوذة الله
و ابحر إلا هذا فهد متولج لوه بنت عمره 5 سنين و ممعط شوشته
و ابو البنت يصيح عليه
هجي عن الوغد يا بنت
و فهد شغال ضرب و رفس و كفوف و بقوس و ركب
هالمروح ما ادري طالعن على من
مستشر الولد
يوم راعيت و إلا أبو البنت كبري 10 مرات
و يده تلعب قدام وجهي
قمت اركض و اخذ هالماخوذ و رمية موفقة للسيت الخلفي
اويلي
وش اقول
ووش اخلي
المهم تعبت من الكتابة
تحرونا بالجزء الثاني
تشااااااااااااااااااااااااااااااو
----------------
أبو فهد الهمزاني
رد مع اقتباس
المشاركة الأصلية كتبت بواسطة عبدالله الجعيثن
المفضلات