السلام عليكم ورحمة الله وبركاته ....
قبل ثلاثة أو اربع ديات
قالتلي شموخ شماليه انه الحين بالطريق
ماشيتن من الحفر تبي حايل
قلت مرينا يافلانه
قالت لا من زينكم وتسبدي اقطع كم كيلو عشان اجي رفحا
ومدري وشو
وطول المكالمه قاعدتن تهزأ وتسب
وأنا انغبن
وأنا انصفر
و يرتفع ضغطي وحالتي حاله >>>هذا من زود الحميا
قلت اويطي هالحايلية المروحه تسبسبنا كل هالسب
انا اوريه
و نويت الإنتقام
وأنا البس السناوي و فنيلة العلاق وفوقهن لهن ثوب والبس شماغ وآدق اللطمه>>>>سنع تنكر
واخذ مفتاح ددسنا وآحرك
و انا ادعس>>امشي ميتين وثمانين
والشرر يتطاير من عويناتي
اللي تقل مزاقيط
ومابعيوني الا مفرق لينه وشموخ
وابشركم و أنا اصل بالسلامه
وانا البق جنب الطريق
اتحرا أهل ست الحسن
يمرون من هنا
وأنا جالسه وشوي
الا فيه ناس نزلوا
ياربيه تقل صلبه
وغادين و رجال وحريم و هم يفرشون فرشتهم
و يجلسون
وكل هذا وأنا اراعي
وأنا اشوف هكا البنت اللي منا زين زوله
تقل زول جعل ^_^
واراعي ياربي هالزول شايفته
وشبعانتن من شوفه
مهو غريبن علي
ياربي منهي هذي منهي
الا هذي شموخ شماليه
وأنا اشغل السياره واسوي خمسات على اهله واغبر عليهم وعلى غداهم
واجي عند شموخ و اتله مع
قرونه واحطه بالحوض وأنحاش
و هذي هي عندي
و هذا مقطع فيديو به شموخ و هي تستنجد
>>شموخ وجهه مبقس و بجنبه ثنين لابسينن هالفيدات و ماطالعن الا عويناتهم وكلن متقلدن رشاشه
ومتعصبينن بعصايب خضر مكتوبن عليهن الله أكبر
ابو سلطان انقذوني لا اريد الموت
ابوغازي منصور الغايب هيلب مي بليز بليز عاااااااااع
الشبث يارجالي صلفيق يارجالي
افزعوا لي نخيتكم
لوليتا ارجوكي شام انقذيني
لا اريد الموت
لا اريد الموت
>خلص المقطع
هاه يابو سلطان
هاه يابو غازي
تبونه اقرزوا لي
مية الف دولار
و ددسن به هنقلين
وطياره توديني لسويسرا
والا ......
>>>حاطتن السكين على رقبة شموخ
معكم ثلاث أيام فقط ..
على فكره شموخ صحيح تدخل بس المسدس على راسه
تحياتي
ابو سياف الرفحاوي
المشاركة الأصلية كتبت بواسطة شرهــه
المفضلات