[align=center]
.
.
.
.
بسم الله الرحمن الرحيم
السلام عليكم ورحمة الله وبركاته
أقدم لكم هذه القصيدة وهي للشاعر المغفور له بأذن الله /مفرح الضمني
[poem=font="simplified arabic,5,#ffa100,bold,normal" bkcolor="#2c2c04" bkimage="" border="none,4,#400000" type=0 line=0 align=center use=ex num="0,#400000"]
أنا رفيقي ماسمـع اللـي حكابـه=لو جاتني منه السوالـف مضاريـع
اقرا مفاهيمـه واحسـب حسابـه=واشوف مدخال القـدم والمطاليـع
ماني عجول ٍ بالزعـل فـي غيابـه=قدّام ماسمع منه مااعطي ولا ابيـع
لاخيـر فـي رفقـه بليـا حبابـه=ولاخير في جمع القلـوب المواجيـع
رفيقـك الغالـي تحمّـل عتـابـه=واحلم عليه ليـا دفعتـه دوافيـع
شيِـع ثنـاه ولاتبـيـن عيـابـه=عـاره يعـورك يابعيـد المراميـع
خله على بعـدك يسـرح ركابـه=يقضي سنه ولا شهـور ٍ واسابيـع
وليا طلبـك الصلـح يامرحبابـه=سهـل طريقـه لا يجيلـه موانيـع
واحفظ لسانك عنه واستر جنابـه=لاتجرحه بيـن الذيـاب المجاويـع
ترى اللسان ملكـع ٍ يندعـا بـه=مثل الحصان اللي يبي له مصاريـع
واجعل على هرج ٍ تقولـه رقابـه=عقل ٍ يصرف طايشـات المواضيـع
والصمت في بعض المجالـس مهابـه=يكفيك شر اهل الفمي اللواسيـع
عن كلمة يقضب خطاهـا قضابـه=يركض عليه مصنع الهرج تصنيـع
خله يروح ومنك خـال ٍ جرابـه=يرجع كما المفلس بسوق المطاميـع
واحفظ صداقـة طيبيـن القرابـه=ربعك ليا قلت عليـك المشاريـع
سيف ٍ نهار الضيق تقضب نصابـه=ياقاك من حدب السيوف البواتيـع
ولا جفاك الـدار مالـك ومابـه=رزقك على اللي طوع الكون تطويع
مقعدك في حـزم ٍ تطـارد سرابـه=اخير من شوف الوجيـه المدانيـع
خطو الرخوم مصاحبيـن الخيابـه=تجار هـرج وباللـوازم كراسيـع
الرجل مثل الذيـب رزقـه نهابـه=ياخذ مع الدو الخـلاوي قراطيـع
والطيب ضلع زاميـات ٍ هضابـه=للريح في شامخ ركونـه ذعاذيـع
عسر المراقي يتعـب اللـي رقابـه=ماياكره كـود الحـرار القواطيـع
والا الردى جرف ٍ هيـال ٍ ترابـه=حولـه لزهـران المقافـي مرابيـع
يرقد به الحصني ويلقى الذرى بـه=والبوم بين غصون قشعـه مواقيـع
رجل على الناموس بيـض ٍ ثيابـه=ورجل ٍ يرقعها على المتـن ترقيـع
ورجل يزايـم علتـه مـن عذابـه=عيـدان نـاره للقريـب مواليـع
على ربوعـه كـل يـوم ٍ طلابـه=خمـاش وجـه ولالقيبـه منافيـع
ورجل ٍ مـع الايـام ماينصخابـه=عون الرفيق ليا صفعت الصوافيـع
غيث ٍ على من جاه يمطر سحابـه=عشبه على روس النوابـي مفاقيـع
ورجل ٍ كما ليث ٍ عطيب ٍ صوابـه=من دون حقه سنع الخصم تسنيـع
طيب وعصمان الشـوارب تهابـه=يرجى وتخشاه الرجال الصعاصيـع
ومن لادرى بالناس ماحد ٍ درى به=ماله على سجل النشامـا تواقيـع
ومن لايحوش النعم فـاول شبابـه=في شيبته يحسب حساب المراضيـع
وختامها ذكـر النبـي والصحابـه=واستغفر اللي مايضيع ولا يضيـع[/poem][/align]
رد مع اقتباس
المفضلات