المشاركة الأصلية كتبت بواسطة شرهــه
مقدمه ...
وعليكم السلام ورحمة الله وبركاته
منذو نعومة اظافري كان يراودني شعور غريب
نعومة مخالبتس
كنت اشعر بإني انسان غير عادي
و هذا الصحيح
دائمن ما اشعر بأنني سأفعل شين
نعم سأفعل شين
قبل ان اموت و سيخلدني التاريخ
حتى ولادتي سبحان الل كانت غير شكل
ليه متى فقست بيضتتس
انولدت وفي فمي ملعقه من خشب
إلا ألماس
ودائما ما كنت افكر
ماذا سأفعل يا ترا للعالم
وأنا في مدينه صغيره ما يجي عدد سكانها الخمسين الألف ..
عادي بجيب لي مزمار و طاقية و نلم لنا كم من قرش بهالطاقية من العزف
كنت اظن اني ولدت في المكان الخطأ وفي الزمن الخطأ
تسنتس دارية خخخخخ
إلى أن جاء ذلك اليوم ...
يا ويس حالي
الذي اكتشفت فيه انني مخطئه وايقنت اني ولدت في الزمن والمكان المناسبين
ايه هذا الحتسي
بداية المجد ..
وش المجد قناة مثلا
شرهه شرهه شرهه
باختصار ام جنيب
وأنا اقمز من النوم
ام جنيب ما تقامز
الا هذا اخوي يقول قومي يا سويدة الوجه قومي
ظلمتس بزعمي مرقطة الوجه
الله يخسك
وأنا اقوم قلت هاه وشو
قال البسي شرشفتس واطلعي يبيتس سمو الأمير
وخروا عنها
و هو يروح وأنا انخرع
وشو أميره
امير بقعا أي أمير
معقوله حظي تعدل
بياع الفول بيبأى بياع فول
معقوله معه كندره و يبيني البسه وتصير قدي
معه خيشة يمكن تجي قدتس
يا الله وأنا اتحمس حيل حيل
وانا اقفز من السرير واخذ شرشفي الاحمر واطلع
وخذنا شرشف حمر 
يا والله يمار بيتنا زحمه زحمه ما لك مخش
كل رجال الحاره وحريم الحاره بوه
وانواع العساكر فيه اللي لابس اخضر
وفيه اسود وفيه بردغاني وفيه اصفر
بنجوم وبدون نجوم
لا يكون جايكم ولي العهد
و انواع المسدسات والرشاشات وحوسه ودعثه
وانامشي من عندهم
متهوله
وعيوني يتلاوذن أتشوف لي واحدن معوه كندره
خربت الدعوة
يوم جيت الصاله الا عمتي الصنوت مراكيتن له واحد وتقهويه وطاقته حنتس معه
يوم دخلت قالوا وغدان الحاره
هذي شرهه
هذي هي
هذي هي
وأنا انخرع وجيت ابنحاش
الا الرشاشات كلهن مصوبتن علي
اعترفي وش مخربة
وأنا اتنح
كالعادة
قال اللي مراكين عمتي أنا خالد بن سلطان الخير
نائب وزير الدفاع والمفتش العام السعودي
موب نائب لانه مساعد النائب ابو داحم
وأنا اتنك
قلت وشو وش قاعد تخربط انت
قال أنا خالد بن سلطان الخير
و أنا اموت من الضحك احسبه ينكت
و هو يزقرن هكا الواحد
وأنا اجلس بالأرض من الخرعه
قلت طيب يا سيدي الامير طلع الكندره وخلصنا
ما اقولكم مخربتها
قال وشو
قلت اخلص ابتقوسه
قال مجنونه انتي
قلت المجنون والله اللي جابته امي طال عمرك
قال الامير اي كندره واي خرابيط
اي والله اي كندره و اي بطيخ
قلت انت وش تبي مني الحين وأنا ابتسي أول ماقلته
قال انتي شرهه
لا شرهة هانم
قلت وصلت على خير آمر
قال وصلنا من مصادرنا الخاصه انتس قناصه وحنا محتاجين بالحرب اللي ضد الحوثيين
لقناصين مثلتس وشرواتس
وخروا يا ولد
قلت شرواك الطيب طال عمرك بس انا انا ما
وما خلاني اكمل قاطعن على طول وقال
شرهه وطنتس محتاجتس
وهو يراعي بنظره كله وطنيه وحماس
وأنا اقمز
صورة واحد يعطي تحية
قلت طيب عندي استفسار
قال سمي
قلت من قال لكم انني قناصه
قال وصلنا خبر من عيوننا اللي بالمضايف
انهم سامعينن ابو غازي و ابو ضاري وابوفارس والحنشل يقولونوه
وقالوا لي كذلك عيال حارتكم
وهو يجي ولد جيراننا قال اشهد بالله انه القناصه ياطويل العمر
مايكسر لمبات الشارع اللي بحارتنا الا هي>>اقصى انجازاته
وكنت اقول له لا يا شرهه هذي اموال دوله مايصحش كذا
وماتطيعن
بس سحب عليه الامير
ومشا وخلاه و هو يحتسي
وقال لي جهزي شنطتتس نبي نمشي مافيه وقت
قلت آبشر طال عمرك
و عمرتس
وانا اروح يم الحجره ابولم هدومي
ما صرفوا لتس بدلة حربية ؟
حسبي الله عليكم تسانكم نكبتوني
صحيح انني صويبه بس ماعمري مسكت سلاح أنا حدي نبيلات
>>منبطحه و تبتسي
يا حلولات بس لو إن الفشق ينقرط قرط زي الرضم هاتس
تسان العن اوم الرزفه
انتظرونا في الجزءءءء الثاني
التنسيم في العدد القادم
مع بقية الاحداث ورحلة تجنيدي مع الجيش السعودي و عمايلي بالحوثنا هالمعتوهين اللي ماطلعوا الا امس
والحمد الله على سلامتي
تحياتي ....
رد مع اقتباس
المفضلات