مقدمه ...
منذو نعومة اظافري كان يراودني شعور غريب
كنت اشعر بإني انسان غير عادي
دائمن ما اشعر بأنني سأفعل شين
نعم سأفعل شين
قبل ان اموت و سيخلدني التاريخ
حتى ولادتي سبحان الل كانت غير شكل
انولدت وفي فمي ملعقه من خشب
ودائما ما كنت افكر
ماذا سأفعل يا ترا للعالم
وأنا في مدينه صغيره ما يجي عدد سكانها الخمسين الألف ..
كنت اظن اني ولدت في المكان الخطأ وفي الزمن الخطأ
إلى أن جاء ذلك اليوم ...
الذي اكتشفت فيه انني مخطئه وايقنت اني ولدت في الزمن والمكان المناسبين
بداية المجد ..
شرهه شرهه شرهه
وأنا اقمز من النوم
الا هذا اخوي يقول قومي يا سويدة الوجه قومي
الله يخسك
وأنا اقوم قلت هاه وشو
قال البسي شرشفتس واطلعي يبيتس سمو الأمير
و هو يروح وأنا انخرع
وشو أميره
معقوله حظي تعدل
معقوله معه كندره و يبيني البسه وتصير قدي
يا الله وأنا اتحمس حيل حيل
وانا اقفز من السرير واخذ شرشفي الاحمر واطلع
يا والله يمار بيتنا زحمه زحمه ما لك مخش
كل رجال الحاره وحريم الحاره بوه
وانواع العساكر فيه اللي لابس اخضر
وفيه اسود وفيه بردغاني وفيه اصفر
بنجوم وبدون نجوم
و انواع المسدسات والرشاشات وحوسه ودعثه
وانامشي من عندهم
متهوله
وعيوني يتلاوذن أتشوف لي واحدن معوه كندره
يوم جيت الصاله الا عمتي الصنوت مراكيتن له واحد وتقهويه وطاقته حنتس معه
يوم دخلت قالوا وغدان الحاره
هذي شرهه
هذي هي
هذي هي
وأنا انخرع وجيت ابنحاش
الا الرشاشات كلهن مصوبتن علي
وأنا اتنح
قال اللي مراكين عمتي أنا خالد بن سلطان الخير
نائب وزير الدفاع والمفتش العام السعودي
وأنا اتنك
قلت وشو وش قاعد تخربط انت
قال أنا خالد بن سلطان الخير
و أنا اموت من الضحك احسبه ينكت
و هو يزقرن هكا الواحد
وأنا اجلس بالأرض من الخرعه
قلت طيب يا سيدي الامير طلع الكندره وخلصنا
قال وشو
قلت اخلص ابتقوسه
قال مجنونه انتي
قلت المجنون والله اللي جابته امي طال عمرك
قال الامير اي كندره واي خرابيط
قلت انت وش تبي مني الحين وأنا ابتسي أول ماقلته
قال انتي شرهه
قلت وصلت على خير آمر
قال وصلنا من مصادرنا الخاصه انتس قناصه وحنا محتاجين بالحرب اللي ضد الحوثيين
لقناصين مثلتس وشرواتس
قلت شرواك الطيب طال عمرك بس انا انا ما
وما خلاني اكمل قاطعن على طول وقال
شرهه وطنتس محتاجتس
وهو يراعي بنظره كله وطنيه وحماس
وأنا اقمز
قلت طيب عندي استفسار
قال سمي
قلت من قال لكم انني قناصه
قال وصلنا خبر من عيوننا اللي بالمضايف
انهم سامعينن ابو غازي و ابو ضاري وابوفارس والحنشل يقولونوه
وقالوا لي كذلك عيال حارتكم
وهو يجي ولد جيراننا قال اشهد بالله انه القناصه ياطويل العمر
مايكسر لمبات الشارع اللي بحارتنا الا هي>>اقصى انجازاته
وكنت اقول له لا يا شرهه هذي اموال دوله مايصحش كذا
وماتطيعن
بس سحب عليه الامير
ومشا وخلاه و هو يحتسي
وقال لي جهزي شنطتتس نبي نمشي مافيه وقت
قلت آبشر طال عمرك
وانا اروح يم الحجره ابولم هدومي
حسبي الله عليكم تسانكم نكبتوني
صحيح انني صويبه بس ماعمري مسكت سلاح أنا حدي نبيلات
>>منبطحه و تبتسي
يا حلولات بس لو إن الفشق ينقرط قرط زي الرضم هاتس
تسان العن اوم الرزفه
انتظرونا في الجزءءءء الثاني
مع بقية الاحداث ورحلة تجنيدي مع الجيش السعودي و عمايلي بالحوثنا هالمعتوهين اللي ماطلعوا الا امس
والحمد الله على سلامتي
تحياتي ....
رد مع اقتباس
المفضلات