قمة الحقاره او قساوة قلب او وش تقول انت !!

**ريم شمر** · 13-12-2009 03:22

اتمنى من الجميع

وضع هذه العباره في اليوتويب Infant Swimming

لرؤية الكميه الهائله من المقاطع الشبيهه بهذا المقطع

واذا امكن التفرج على بعضها

خصوصا ذلك الاب الذي يصور ابنه الرضيع وهو يسقط في المسبح

دون ان يتحرك

فهل مايفعله هولاء تعليم ومايفعله الاب السعودي جريمه!!!!

روقوا يالعرب

**الحنشل** · 13-12-2009 03:32

أم طلال

المشكله أننا كمجتمع أصبح الإعلام يتحكم في عقولنا بشكل كلي

فما يصوره الإعلام أنه خاطئ فهو خاطئ ,, و العكس بالعكس

\
/
\

بالمختصر ..

الإعلام يقول أن تصرف الأب جريمه في حق الطفولة ... إذاً المجتمع أيضاً يرى ذلك

**ريم شمر** · 13-12-2009 03:44

احسنت يالحنشل !!! وهذا هو الواقع للأسف !!

واتوقع لو عرض المقطع على انه أب شجاع يسعى لتعليم ابنائه وزرع الثقه بانفسهم

لكانت ردود الفعل تختلف

اغلبها على الاقل

انا اتحدث عن جميع المنتديات التي اوردت المقطع

وماحصل من تفاعل نتيجة لأسلوب عرضه

ولعنوانه ولما يراد ان يفهم منه وبالتالي يحكم عليه !!

فقط لنحكم عقولنا ولنضع الصوره في موقعها الحقيقي

بعيد عن تضخيم الاعلام

مجرد نظره متعمقه للمقطع بدون اي تأثيرات خارجيه

تخبرك ان الامور ليس كما يراد لها ان تكون

**يـــوسف** · 13-12-2009 07:50

http://www.youtube.com/watch?v=OmqfhecS1Jg

وين حقوق الأنسان

**ريال الفسحه** · 13-12-2009 08:01

نياها ها ها

<--- تارك شغلوه وجالس ومستانس بردود الحنشل وريم

ريمنا

لاعدمناتس بس وين اللي يسمع

**منصور الغايب** · 13-12-2009 08:40

حياك الله يامنصور ....

وأعجبني تقديمك للموضوع بمقدمة جعلت منه مادة تصلح للنقاش ...

بخلاف من يأتي ويضع مقطع يوتيوب ويغضب عندما يتم نقله للمنقول ...

ثم أما بعد ...

فأنا موافق تماما للاخوة ريال والحنشل ...

فالمقطع لا يخرج عن كونه تعليم للسباحة ... واتقدم بالشكر الجزيل للحنشل على ايضاحه موضوع أنت ومالك لابيك ... ولا يقتل والد بولده ..

شكرا يالسمي ...

**منصور الـ ع ـطآوي** · 13-12-2009 08:45

اول شي يا هلا فيك ريال فسحه

المشاركة الأصلية كتبت بواسطة ريال الفسحه

يارجال ماهنا الا العافيه
لكن ربعنا واعلامنا ماعندك احد من شافوا الفديو
رفعوها لحقوق الانسان ورفعوها وسوهها قضيه
هو اخطا فعلا ولكن لايستحق كل هذا التشهير
وتدخل حقوق الانسان ..

انت قلته انه اخطاء

ثانيا

كلنا نذكر اكثر من مقطع لاجانب ومنهم الحرمه الاستراليه
الي قطة ولده الرضيع بالمسبح وهي جالسه تراعي له وهو
يطفو على الماء

نسيت المره الي دخلت النار بسبب قطه
و نسيت الرجال الي دخل الجنه بسبب ***
شلون طفل !!

وكاني بكل اعلامي يقول شف شلون تعود الطفل على السباحه
شف جراءة الام تبي ولدها يطلع قوي

ويوم سواها السعودي ربعنا قالوا تخلف

لاحظ بين المقطع الي حطيته انا و الي حطه يوسف
صح ان الطفل شبه يعرف يسبح بالعمر
بس المقطع الي حطيته انا
يقول الله وكبر !
يقول خله تشرق !
يقول خله تشرب ماء !
نسيت انه طفل عنده النفس قصير و هذا يغطسه بالماء و يقلبه على وجهه
شلون تتنفس !
علي الحرام ما متخلف الا حنا واننا شعب دلوخ

وماعندك احد

ياخي وغدوه وبكيفوه بوه ماسوا بوه جريمه عشان
الناس تدخل

لو الدنيا كذا على كلامك كان نشوف الاب يبع ولد او يسوي شي و لا يضرب اي حساب لاحد

كل واحد يراعي لوغده ولالوه شغل بخلق الله

لو شفت اب يضرب طفل صغير عمره 5 سنوات يضربه ابوه بسكين عشان يعلمه الرجوله و القساوه وش تبي تقول

حياااك الله

**εïз خزامى εïз** · 13-12-2009 08:49

هو من نآحية تصرف اجرآمي
ففهو اكيد لأنهم مآرحمو طفله
ومن نىحية يقطع القلب
بغيت ابكي
لكن مستحيل يتركونهآ تموت هذا هو الشئ الاكيد
يآرب ان اهلي مسوين نفس الشئ فيني بس وانا كبيره مو طفله
وصحيح حسيتهآ توحش وكذآ
بس بنفسي افكر مستحيل يتركوني اموووت
الطفله تفرق بأنهآ رآح تآخذ موقف او تتحسس من ابوهآ ومآتثق تقعد معآه
تبغى امهآ لآنو تحسه بيسوس نفس الشئ مرآ ثآنيه ولو بشئ بسيط
لآنه بغاآ يموتهآ
ميرسي منصور لهالموضووع
يسلمو

**منصور الـ ع ـطآوي** · 13-12-2009 09:02

المشاركة الأصلية كتبت بواسطة طِفــلة القمَـــر..]

قسم بالله العظيم خنقتني العبره يوم شفته ..

معقوله فيه ناس كذا ..؟؟

ماهم ناس هذولا الا حيوانات ..

ولا حيوانات بعد..

الحيوانات فيها رأفه ورحمه ..

هذولا وحوش ..

كائنات بلا قلب ..

...

يعني بزعمهم يبون يعودون البنيه عالسباحه

مجااانين..

طيب لو طبت فيه بيوم لحالها ماعندها أحد وغرقت ..!!

....

شكراً منصور عالمقطع اللي يقطع القلب..

فيه ناس العن من كذا يا طفلة

وحياااك الله

**عبسي** · 13-12-2009 09:03

أي واحد من اهل الرياض أكيد يعرف فندق السفير << ياقدمي هههههههه

المهم قبل خمس سنوات كنت عند خوالي بالرياض

الوقت كان العصر وحر وحر الرياض مايحتاج وصف

رحت مع عيال خالي للمسبح اللي بالفندق عشان نسبح

يوم وصلت المسبح لقيت أطفال كبر اللي بالمقطع واكبر كلهم جايين مع اخوانهم

وفيه مدرب خاص لهم المهم يمسكهم واحد واحد المدرب ويرميهم بوسط المسبح

وكان عمقه مترين ونص والله يصيحون صياح الأطفال وأخوانهم يطالعون لهم المهم

أنا زعلت وأنا أروح يم واحد من أخوانهم قلت يابشر أخوك يبي يموت من الصياح وانت تتفرج

وهو يضحك قال ماتدري خله يصيح ألحين عشان بكرى ما يموت من الغرق !!

ورجعة لعيال خالي وفهموني الموضوع ومنه عرفت انهم على صح !

^

طولت عليكم ههههههههه

على العموم طول بالك منصور شوف عيني بكرى عيالك ترميهم بوسط المسبح ههههههههههه