تقبلوووها
ولا تسألون عن مناسبتها!!!
كل من بالكون ربي يرزقه
رازق الاسماك في غب البحور
جاعل الاسلام شمس مشرقه
محيي الاموات في يوم النشور
نفسي اللي صابها نوع غلقه
اعتزلت وقلت.. لرحاها تدور
ينفتح باب القصايد.. وآرتقه
ماني اللي حب بالساحه ظهور
ماعلى حب السواليف شفقه
والمجالس فيها سب وهرج زور
القصص في جوف عود مصندقه
مالقى من يسأله بعض الامور
الجماعه تجتمع لاجل ورقه
والبلوت يشتت انظار الحضور
ماعرفت من الرجال الا ثقه
كم تمنيت النداوي والجسور
الكريم من الرجاجيل اعشقه
شيخ قوم مجلسه كله بخور
ولا كرهت من الرجال الا سلقه
دايم ينبح تقل تسلبن عقور
لامشى الرجال عرضه يشلقه
بندقه باعراض خلق الله تثور
وانت ياللي فيك كبره وطفقه
لاتعذرب دار جدك يامعثور
تبني الابيات وتهد شنقه
لاتخبّط وانت راسك راس ثور
باشتك بنت "السبيت" بتمحقه
ولاتلاقي من فواكهها قشور
عقرب سمه تحاول تدفقه
صار ابن عمك هدفها من شهور
بانصحك وافهم كلامي والفقه
لاتعرض دار وافين الشبور
اللسان حصان..هذّب منطقه
واحشم لسانك ترا الدنيا تدور
رد مع اقتباس
المفضلات