للتاريخ قصيده الشريف محمد دون زياده او نقصان

**ابو عبدالعزيز** · 18-12-2009 03:36

المشاركة الأصلية كتبت بواسطة أبـو فهد

الاخ ابو عبدالعزيز

اشكرك من كل قلب لما تعنيته لتدوين هذه القصيدة و استحضارها من احفاد الشريف محمد

كما نود ممن له اعتراض على القصيدة أن يوضح لنا الابيات المضافة او المحذوفة ليتم مناقشتها

لاحقاق و ارضاء جميع وجهات النظر و عدم اختلاف القلوب باختلاف وجهات النظر

---------------
أبو فهد الهمزاني

العفو يابو فهد والقصيده عدد بيوتها (49) بيت بدون زياده او نقصان وهي كما وصلت

من احفاد الشريف محمد والاصل موجوده عند شخص من رموز شمر واللي يبي

يعارض حياه الله ارسله له

**ابو عبدالعزيز** · 18-12-2009 03:38

المشاركة الأصلية كتبت بواسطة ابو احمد الدغير

الاخ الفاضل ابو عبد العزيز بيض الله وجهك واسمح لي بالاضافة ابن هثمي حصل اثنين من خيل الشريف واحدة ريشه والاخرى لا يحضرني اسمها الان وهذا شيئ مؤكد
ودمت بالعز

من يحصل شئ يستاهله بس انا كتبت اللي مرسل مع القصيده بدون زياده او نقص

**المفضلي11** · 21-12-2009 08:10

ابو عبدالعزيز ياملا العافيه على القصيده هذي مشكور ولا هنت
الراويه المخضرم انت كل شي تعارضه ليه؟
انا اقول لك اذا انت معارض جب الصحيح ولا اسكت انا قايل لك قبل جب دليل او اسكت

**ابو عبدالعزيز** · 07-01-2010 10:52

المشاركة الأصلية كتبت بواسطة المفضلي11

ابو عبدالعزيز ياملا العافيه على القصيده هذي مشكور ولا هنت
الراويه المخضرم انت كل شي تعارضه ليه؟
انا اقول لك اذا انت معارض جب الصحيح ولا اسكت انا قايل لك قبل جب دليل او اسكت

ياهلا وسهلا وحياك الله وتسد كل غيبه

**عبدالله الجعيثن** · 08-01-2010 00:57

ابو عبدالعزيز

هذي القصيده الحقيقيه

واللي غيره ...... تحريف

وموجوده على هالرابط

http://www.shmmr.net/vb/t43262.html#post482340

المشاركة الأصلية كتبت بواسطة فواز الغسلان

بسم الله الرحمن الرحيم

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]

قصيدة الشريف محمد بن عون بن الحارث بعد معركته مع شمر حسب ماحفظتها من جدي رحمه الله

وكانت القصيده على هذا النحو الى حدود عام 1403 للهجره عندما بدأت تتغير وتزداد والغريب ان احد

الرواة سجلها في شريط وبعد عام سجلها هو بنفسه وفيها زيادة عشر ابيات عن الاولى ثم سجلها

الثالثه وفيها خمسة عشر بيت زياده عن سابقاتها ومع ذلك تمر مرور الكرام دون ان يلتفت احد لهذا

اللعب بتاريخ الجماعه وأقسم بالله ان الاخ نايف الحواس الخمسان رحمه الله واجه هذا الشخص قبل

وفاته وكانت بينهما صداقه فقال له نايف ليش حست قصيدة الشريف فرد عليه يقول ضاحكا انا ماحستها

لكن سويت لها ديكورات بس000 وهذا الجواب يغني عن غيره00 والقصيده :

يامن لعينن للشريف محمد = تهلهل دمع وسط الراس حادر

جريت السرايا من الطايف والحرم = وصلنا وجلنا يم واد الدواسر

وصلنا على ابن حميد بالنير وانتحى = اقفى وقفى عن لقانا مخاير

وصفقناهن باليسرى على الصقور وانتحوا = اقفوا وعرفوا به حمران النواظر

وجينا الديرة اللي اسمها باسم اهلها = كرام اللحى بايام حر المساعر

رجنا وروجنا بديار شمر = بديار مروين العدى بالشواطر

مناخنا لعبده تسعين ليله = بساقي بزاخه لاسقتها المواطر

وفاضوا مع بيضاء وفضنا وراهم = لجوا والتجوا في طمان المغاتر

بالتلعة اللي جعلها لساقي الحيى = التلعة اللي كل حصوه جفادر

وجتنا السرايا بين متالع والحضن = تسمع زغاريت البنات الجواهر

جتنا جحافلهم على ظهور ظمر = قب(ن) يشادي صرعهن كل نادر

اذا اقبلن مثل الشياهين للعلف = وان ادبرن مثل اللقاح الصوادر

وتطاردن باللغف في حد موقق = وصارت علينا من كبار الكساير

صحنا وقلنا الخيل يابيص فكنا = يابيص يابيص الوغى يابن شاكر

رده عليهم بيص واحمر السماء = وصارت فروق الخيل مثل البواخر

تسمع حسيس سيوفهم في ظهورنا = مثل نشيش المزن من نو ماطر

وتشوف جثي الخيل من حر ضربهم = مثل خشب سدرن مع السيل حادر

عبده وزوبع لاتصافوا بينهم =حريبهم ضاقت عليه المعابر

يامكرمين الجار ياغش ضدهم = وساع الطعون ومدركين التفاخر

يامدلهين الخور بارض المخافه = لاجاء نهارن فيه وارد وصادر

وردنا الحليفه تاركينن شيوخنا = فياض وحوشان ومقتفي الخيل ناصر

وتركنا سالم والزناتي عبدالله = والله عليمن بالخفى والظواهر

ملنا عليهم ميلتن من خطانا = وانا على ماقدر الله صابر

حلفت ماتي ديارهم عقب مامضى = لما نتواجه عند رب المقادر

هذا كلامن للشريف محمد = يذكر فعولن ماضي(ن) له بوادر

وختامها صلو على سيد الملا = عداد من أذن براس المنابر[/poem]

هذي القصيده الثابته واللي غيره يحتاج مجهود لاثباته والسلام00000

((((( الراوي )))))

**واحد شقردي** · 08-01-2010 01:59

^
^

الله يبيض وجهك على التوضيح

وشكر ابو عبد العزيز على فتح الموضوع ثاني مره

**أخو نجلا** · 22-01-2010 01:13

الاخ ابو عبد العزيز
اولا ما أسس هالموقع وهالمنتدى الا خدمة لها القبيلة ولاهدافها السامية ........ وتوحيد الصف ماهو مثل تفريقه وانت فاهم كلامي
ثانيا قصيدة الشريف اللي انت اوردت الله يجزاك خير معروفة بدون ماتذكر ادلة من (..الاردن والاشراف.....الخ) راجع موقع الاشراف
الشي الاخير لابارك الله بالشي اللي يزعل او يفرق بين شمر لو كان صحيح
ولك تحياتي

**خلف الرويتع** · 23-01-2010 05:45

اخي ابو عبد العزيز السلام عليكم ورحمه الله وبركاته معك خلف عتيق الرويتع الربع التومي الشمري

اخي ابو عبد العزيز انت تقول في العنوان للتاريخ ومن واجب التاريخ علينا ومن الامانه التاريخيه علينا ان نحتج على مانعتقد انه خطاء ومحرف حيث انك تقول انك حصلت على هذه القصيده من احفاد محمد الشريف وانا لااشك بذلك ولكن اطالبك باسماء اولالك الاحفاد فانا كتبت اسمي سداسي لكي تعرف من المتحدث معك ومعهم اخي العزيز محمد نريد اسمائهم ثلاثيه فقط وارقام تلفوناتهم او زودهم برقم جوالي لكي تتضح الحقيقه ونعرف مصدر تلك القصيده وانا اقول ان هذه القصيده محرفه والدليل من نفس القصيده

نرجع الى موضوع القصيده وسبب احتجاجي وتفنيد صحة القصيده حيث ان القصيده تقول

البدايه هذا البيت
وهزنا بعض القبايل عنا وانتحو ==== وعرفو بها حمران النواظر

المقصود قبيله مطير واعتقد الجميع يعلم ان ديار مطير واين تقع عن حائل

وفاجينا سلطان السويطي بغاره ==== ولاهو عن تالي التوالي مبادر

وخذينا بوش السويطات على الحفر ==== وياما طاح في وسطهن كل شاطر

في هذه الابيات يقصد قبيله الظفير والكل يعلم اين تقع ديار الظفير ويعلم اين يقع الحفر عن حائل

وهزنا بعض القبايل وللعراق انتحو ==== لياما شربنا من ديار المغاير

والكل يعلم انك عندم تكون في حفر الباطن يكون العراق على يمينك وحائل على يسارك اذن اتضحه الصوره اين كان الشريف يسار حفر الباطن اتجه الى ديار شمر وانا سمعت انه يقال انه اخذ الظفير على الضلفعه وليس على الحفر وعلى كل حال اذا كان على الحفر او الضلفعه فهو قدم الى حائل من جهة القصيم اما من الحفر او الضلفعه نفس الاتجاه بعد ذلك يقول

وردينا باليسرى على ديار شمر ==== وساع الصحون مدلهت كل فاطر

وجينا وجتنا سربة زوبعيه ==== قب يلاوي مصرعه كل نادر

وطاردنا بيض بسلفان موقق ==== وكد طيرت شخص المهار الاكادر

وفاضو مع الشعيب بيض وفضنا باثرهم ==== وفاضو والتجو بطمان المغادر

هنا نريد من احفاد الشريف تفسير وجود هذا البيت كيف تحول من جهة الشرق الى حائل الى جهة الغرب والكل يعلم ان موقق غرب حائل وجيش الشريف شرق حائل انا لاالوم احفاد الشريف فهم لايعرفون حائل وقرى حائل ولكن الشريف يقول في قصيده وردينا ياليسر على ديار شمر وانا زوبع هم اول من قابل الشريف وانهم كانو بسلفان موقق (( طيب موقق يحدها من الشرق والجنوب سسلسة جبال أجا ومن الشمال النفود الكبيره ومن الغرب سهول منبسطه يعني من واين جاهم الشريف من غير مايمر على ديار الاسلم ومن غير ان يمر على حائل

ومنهم نحيناهن على ديار عبده ==== وحنا وعبده بين وارد وصادر

ومناخنا لعبدة تسعين ليله ==== بالتلعه اللي حصاها جفادر

كيف تجي هذه القصيده من موقق نحيناهن على ديار عبده وكان قادم من جهة القصيم والحفر يعني قصيده متهالكه فكيف تكون لتاريخ

اخي ابو عبد العزيز نحن في هذه الموقع لانفرق بين اسلمي وعبدي وزوبعي هذه مضايف شمر وطيب اقصى شمري طيب لنا جميعاً ولانريد ان نظلم او نبخس حق احد وخصوصاً المغازي والتاريخ فهو امانه وسنموت ويبقى ماكتبناه الى الاجيال القادمه اذا يجب ان نكتب بكل صرحه ونتجرد من العنصريه التي تبخس حق من سبقونا وانا عندم كتبت هذا الموضوع سببين اولاً انا اشك ان هذه القصيده محرفه وذكرت لكم بالشرح سبب شكوكي والسبب الثاني يندرج من تغيير المنكر باليد والسان والقلب وعندم تجد كذب في قصيده الشريف التي بخسه حق زوبع بالمشاركه وهزيمه الشريف مع العلم ان اشرف اقسم انه لن يغزي شمر بعد ذلك بسبب ان شمر كلهم شاركو في حربه وذلك النصر لم يكن لعبده فقط حسب قصيده الشريف فانا متابع لكم وسوف اقتنع من الشخص الذي يخالفني الراي ويفندي حججي التي ذكرتها وانا مستعد لتراجع اذا اقتنعت بذلك

وانا حسب قناعتي ان القصيده التي اوردها الاخ العزيز مزيون المضايف فواز الغسلان هي افضل واجمل والشمل بهذا الموضوع فيجب ان تكون هي القصيده الحقيقيه وهي مرضيه لجميع الاطراف حسب اعتقادي

اخي ابو عبد العزيز انا اعلم انك ناقل للخبر ولكن يهمنا في هذا الموقع الحقيقه فقط وعندم تتضح الحقيقه لايمنع من التراجع تقبل تحياتي اخوك ابو عتيق

**ابو عبدالعزيز** · 10-02-2010 04:37

الاخ اخو نجلا وين التفرقه برائك وهل التوثيق يعتبر تفرقه بنظرك ام يسبب لك ازعاج

وبعدين تعال ايش تقصد بفاهم قصدي والله مافهمتك ولاادري وش قصدك انت اصلا

**ابو عبدالعزيز** · 10-02-2010 04:52

الاخ خلف الرويتع المسئلة ليست اعتقادات كما تظن او تخمين او ان مسار الطرق بالماضي مثل الان شوارع محدده ليش شايفهم راكبين سيارات هم ههههه

على شان تحدد خط سيرهم غريب استنتاجك بخصوص الطريق واقولك خالفك الصواب بهذا الاستنتاج الغير موفق وليس كل مجتهد مصيب

وبعدين شكلك ماتعرف الديره زين انت تقول كيف تجي من موقق نحينانهن على ديار عبده هل موقق من جهة القصيم ههههه حسب كلامك

وهل هي بعيده عن عبده وهل تعلم ان الحفير لايفصلها عن موقق الا سوى كم كيلو والحفير وتوارن تحادد املاك عبده من جهة اجا صح معلوماتك بالغالي

وبعدين مايحتاج ترسل جوالك او شئ من هذا القبيل ان كان عندك ادنى شك اذهب الى من وصلة له القصيده وهو من رموز شمر وستجد الجواب

عنده باذن الله وهو راوي من الطراز الاول ويعتبر مرجع ومحفظه للقبيله كافه ( والقصيده موجود لدى الشيخ / ماجد العقاب العجل ) اذهب له وتأكد بنفسك

وهو بدوره اعطاها شخص وبدوري كتبتها هنا للتاريخ فهل لديك اعتراض لااريد الخوض ببعض نقاطك ،، لانها بعيده عن الموضوع

وشكرا لك