ابي قطه ( تعويض )

**منصور الـ ع ـطآوي** · 28-11-2009 15:48

السلام عليكم

مساء الخير

يالربع

نمت امس حوالي الساعه 8 بالليل و متدفي و يا زين النومه

و كنت نايم و مرتاح

و لا حسيت بشي

الا الساعه 3 الفجر

يوم اقوم الا الارض مبلوله

و السقف ينقط ماء

و اقوم ابي اشوف وش السالفه

يوم الاستراحه تقل بحيره

امشي و الارض كله ماء

المصيبه ان الفرش كله راحت

و المجلس راح كله من دلال و الهيتر و لا باقي شي

و كل شي بالاستراحه شبع ماء

و نسيت الكهرب و لا تذكرته الا اخر شي

و اروح اطفيه

و بعد فتره رحت شغلته مدري ليه

يوم شغلته التمس الكهرب << مقرود

و التلفون بعد خربان دقيت عليهم يقول البوكسيه خربانه عندي من المطر

و اللحين ما عندي مكان انام فيه

و لا عندي ملابس و المغاسل مسكره معيدين

و حتى العدنيه راحت بعد مع الحوسه << الي يعرفه زين والي ما يعرفه لا يسال

يا شين الحاله هذي كله قراده في قراده

و عقبالكم ان شاء الله

الوكاد ابي قطه تعويض للي راح من الاستراحه

و القطه حطوه عند يوسف و هو يرسله لي

و لا اوصيكم كثرو القطه

**حيل حليل** · 28-11-2009 15:55

ابشر بالعوض
<< الله من الصدز

يارجال اهم شي انك سلمت
ولا الباقي هين

بعدين مالقيت الا يوسف يجمع القطه
تراه انسان نصاب
والله لا يبلفك
مار دور غيره

منصور
ياحلو عيد الفطر بس
انواع الطهبله بأكا الاستراحه

**الشمـــ نور ــــري** · 28-11-2009 16:24

منصوور انا حااسه فيك...

اليوم حالتي من حالتك...

تخيل دخلت علي اختي وانا نايمه وفتحت اللمبه ويم اقووم ولا المااء تاارس الغرفه

وانا انقز ويصير اخف مني مافيه...

ولا الغرفه كله ماء ..والسبب البلكوون عندي طافحه من المطر ..لاني ناسيه لا افتح البالوعه كرمك الله مالت البلكونه

ورااحت الملابس كلهاا مبلله ونعالي المكيااج منثر ع الارض كله راااح وخرب ...راح كل شغلي جعلكم ماتروحون روحته

<__الله عظامي متكسره والسبه شطف المااي والتنظيف....

**الشمـــ نور ــــري** · 28-11-2009 16:25

يعني حتى انا حطني معااك بالحسبه ابي من القطيه....

ابي اعوض خسايري وممتلكاتي اللي راحن....

**يـــوسف** · 28-11-2009 16:54

8
8
8
8
8

كل عام وانتي بخير

منصور تبي تعويض

تبي رضمه

قبلك انا وماجاني شي بس جتن خيمة باكستانية وبعته بـ150 ريال وكرز دخان

لي نكسة

**فوووز** · 28-11-2009 17:01

الحمدلله على السلامة

فكك الله من الكهرب يابن الحلال..

إذا سلم العود الحال يعود...

معوض خير بإذن الله..

**شموخ شمالية** · 28-11-2009 17:24

الحمدلله ع السلامة يامنصور
وعيدك مبارك
وعساك من عوادة

أبشر ولايهمك راح أرسل لك القطية
بس أخاف اذا أرسلناه ليوسف يعرس بهن !!

عساكم من عوادة جميعآ
وأحترامي للجميع

**هلآ الآسلميهـ** · 28-11-2009 18:18

و حتى العدنيه راحت بعد مع الحوسه << الي يعرفه زين والي ما يعرفه لا يسال

88

لا ماعليك نعرفه زين وخابرينه ..

الحمد لله على السلامه اشوا اللي سلمت من التماس الكهرب..

فكك الله..

وهذي .. 500 حقت القطيه انت بس ارسل رقم حسابك المباشر << ماتتعامل مع الوسيط ..

طالعن من الشر يخي..

تشنكرااااااااااااااي..