((صدري شمالي))
[poem=font=",6,white,bold,italic" bkcolor="transparent" bkimage="" border="none,4," type=1 line=0 align=center use=ex num="0,black""]
احيان اضيق بضيق الايام وآفيق=اخذ حساب السالفه واستفيدي
صدري شمالي ماخبر فيني الضيق=يجتاح صدري كل همٍ جديدي
البارحه واحكاية الشعر تلفيق=ياخاطري وضح مخازن رصيدي
كانك تمشيني على فكة الريق=الدرب واضح والمسافه تبيدي
غنيت في راس الطويله طواريق=وابحرت في جو الكلام الفريدي
الصبر مفتاح الفرج والتوافيق=والله وحده فوق عرشه اكيدي
الناس له شوفات سلم ومواثيق=ومايفلح الا راع راين سديدي
اجنب وغرب للشمال وتشاريق=تلقا البشر فيها جزيل وزهيدي
دنيا تجمع والنهايه تفاريق=والرابح اللي حاش منها الحميدي
ياقلبي اللي كل ماقلت له ليق=عيا يطيع الشور عيا يحيدي
وين انت ياذيب الهواجيس ماتويق=ماتشوف رجم الذاكره مستهيدي
ذكر الحيا وعلوم الاجواد تشويق=الطيب يبقا والفنى للعبيدي
لاصار ماتحسب حساب المطاليق=تراك ناقص مرجله يالبعيدي
الحر يرقا عاليات الشواهيق=والبوم لو انه رقا مايصيدي
مرات اجامل واحتمل فوق ماطيق=ومرات اواجه صاحبي بالزنيدي
واحيان اضيق بضيق الايام وافيق=واعيد كل السالفه واستفيدي
[/poem]
نهير النمش
رد مع اقتباس
المشاركة الأصلية كتبت بواسطة الحاتميهـ
المفضلات