[poet font="Simplified Arabic,14,black,normal,normal" bkcolor="white" bkimage="http://www.shammar.net/vb//backgrounds/3.gif" border="ridge,6,sienna" type=0 line=200% align=center use=ex char="" num="0,black"]
لا ردك الله لا ولا اطلب تردين
ادعي عليك بعثره في صلاتي
عثره تشلك مابعدها تقومين
ياقتلتني يوم صرتي حياتي
خدان لك بالقلب كانت بساتين
وريضان وغصونا بهايانعاتي
كنتي مناة القلب والروح والعين
واليوم عينك يعلها ماتباتي
كنت احسبك للعهد والحب توفين
قلتي الغدر بالحب ماهي بسواتي
وحلفتي يمين الله ممنك اثنتين
وانك ملاك دون كل البناتي
وانك على عهد الموده تسيرين
ولاتسمعين اهل الحسد والوشاتي
وصار اليمين ستار خلفه توارين
ورماح غدرك بالخفا مشرعاتي
وبان الغدر سم جري بين الشريين
الله عسى يسقيكي سم الفعاتي
كلي سقيتك حب واليوم تنسين
تقولين حلم ايام واليوم فاتي
خذتي الهوى لعبه على ماتحبين
لين عصفت بالهوى عاصفاتي
من زينك يابنت بالشعر تزييين
من صورك بابياته الطايلاتي
انا من غرامي قلت كانك تذكرين
قلت الخجل صاب البدر من مناتي
وصرتي في شعري في العذاري تباهين
تقولين انا شمس العصر في حلاتي
زينتك بشعري ولاغربك الزين
مازانتك صبقات حمر الشفاتي
صورتك بالشعر حزام ورياحين
واثرك هضاب وشوك مابه هداتي
رسمتك سحابه خير قطر تنفين
فزت لك الصحراء زهور ونباتي
رسمتك مهاه للجميله تقودين
واثرك قطيعه ضيعتها الرعاتي
واثرك غراب يوم سدل الجناحين
كنت احسب اني شايف لي قطاتي
باشعر غليتك على كل الغالين
واثرك دنيه وتعشقين الدناتي
وبالشعر عاتبتك عتاب المحبين
انا من يسوم الروح لك ياغناتي
توسلت لك خايف على حب عامين
عامين لكن في حسابي مئاتي
ناديت لكن لي ابد ماتسمعين
عمري وروحي فكري في ثباتي
حذراك للشينات عمري تماشين
عديمات اصل اخلاقهن دانياتي
غاب الولي عنهن ولعبن بحبلين
ياخس واليهن وخس الولاتي
ماهمهن في الناس زين ولاشين
وقلوبهن من حقدهن مظلماتي
تحسبين انك بالمهافه ترقين
كيف الصعود يكون للهاوياتي
وخنتي وبعتي كل عهد وايامي
ماعاد يفرق بين ماضي واتي
وصرتي مثل غيرك برخص تبيعين
يامرخصتني مابقى لك غلاتي
صبري نفذ واليوم ثارت براكين
مظلوم نا وباكر تحل دعواتي
سمعي عسى من بعدها ماتسمعين
سمعي دعا من صار قلبه حصاتي
ادعي عسى من ناضرك ماتشوفين
وتطحن بك الايام طحن الرحاتي
وعساك عوق منه ماعاد تبرين
عوق تشافق له قلوب العداتي
ويالله عسى يحتار فيك المداوين
تبين الممات ولا يجيك المماتي
ويالله عسى كف الندامه تعضين
تندمين يوم انه يفوت الفواتي
وتبكين دم يسيل من مقلة العين
وتحتا امك عن عناك وتحاتي
عسى بعمرك ساعه ماتهنين
وتمضي حياتك بين هم وشقاتي
يابنت قلبي وين مثله تلاقين
قلبا عطاك الحب ماقال هاتي
جيتك وروحي شلتها لك بكفين
وفي التاليه رمح الخيانه جزاتي
يالله عساك النار ياام وجهين
كله انكشف لا ماتفيد العباتي
ويالله عسى تلبسك جن وشياطين
وتكونين مدعاة الحكي وشماتي
ياحية رقطا تقود الثعابين
باكر تحين ايامك المعتماتي
وباكر على فعلك بمثله تجازين
ظلم المشاعر ماتحكمه قضاتي
بيني وبينك تحكم ايام وسنين
وانا شاهدي قلبا من الغدر اتي
ويادمعة التماسيح لالا تذرفين
العيون رغم ادموعها كاذباتي
لا ماعرفتي الحب لا ماتحسين
وغدرك تعدى ذيب الفلاتي
الذيب يعوي قبل يغدر بمسكين
وانتي غدرتي خافقي في سباتي
لو كان غدرك في كفوف الموازين
لكان رجح كل غدر البناتي
والله لاكتب وافضحك في دوواين
وارقص واغني يوم خبر الوفاتي
وارسم لاهل العشق قلبا وسهمين
وقصة خيانه واروتها الرواتي
ويمين لانشر فوق اسمك عناوين
واشهرك من قاصي اليمن للفراتي
ومن غرب هالدنيا الى قاصي الصين
ديوان غدر فيه كل اللغاتي
والبادي اظلم سنة العين بالعين
ولا فذي لاعادتي ولا صفاتي
وياشبه انسانه براس ورجلين
اعوذ بالرحمن منك بصلاتي
......................................................
[/poet]
رد مع اقتباس
اهئ اهئ
المفضلات