[poem=font=",6,white,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياشارع الذكرى عليك استوينا "=" ولاعتدل غير الصبر فالمواعيد
من وين ماجيناك فينا لقينا "=" للحزن بوجيه الليالي تجاعيد
كل الدروب اللي عليها مشينا "=" ترسم ملامحنا على نازح البيد
لوكان في دفتر شقانا قرينا "=" ماكان نصلى فوق حامي المواقيد
وفينا لمخزون الليالي لقينا "=" حبر وورق واحساس عمر وأناشيد
لكن مع سود الليالي قسينا "=" وتعلمت فينا يدين المقاريد
لو للسراب اللي ورانا ضمينا "=" ماكان علقنا القلائد على الجيد
ايامنا لو تحتري احترينا "=" لكنها اسرع من عطيب البواريد
تلقى ليالينا من الوجد فينا "=" من رايح الشكوى لصوت التناهيد
ياناقض جروح الزمن ماشكينا "=" لو طالت السيرة على زيد وعبيد
نست قلوب المغرمين ونسينا "=" نقطف من الذكرى طوال المعاويد
على رصيف احلامنا لو حكينا "=" مالت من غصون الشعور العناقيد
وعرفت من لمست يديك ليدينا "=" وش تعني الحاجه ووش مدت الأيد
لكن روى منا الهوا مارتوينا "=" وملت مناهجها وجيه الأواليد
لو كان لأنفاس العشاشيق ميناء "=" ماكان جبنا في بعضنا كذا العيد
[/poem]
رد مع اقتباس
المشاركة الأصلية كتبت بواسطة سعود بادي
المفضلات