احدى قصائد بصري الوضيحي
ياعلى ماودي لـك الله تشـدون
حبك لجا بالقلب ماهـو بماحـي
شدو هلك ياعلى والقلب مشطون
شطن المعيد اللي ثوت بالمناحـي
كفو ولد فوف الرحايل يمشـون
شوكٍ على دفاتهـن بالبطاحـي
قلبي غدابه ناقل الورع شاطـون
حطوه على عوج الحنايا وراحـي
شالو على ناب النسانيس مضنون
فوق اشقحٍ يتلون ذودٍ ضواحـي
يتلون ربـعٍ بالخطـر مايملـون
حامينهـن بمغلبـات الرماحـي
العصر بالفيضـه بيـوت يبنـون
ومعزلٍ مثـل النعـام المداحـي
لكن وسط القلب قامو يغرسـون
غصونٍ تومي به هبوب الرياحي
ياعلي باح من العزا كل مكنـون
وصيور مكنون الضماير يباحـي
ياعلي ماودي لك الله تشدون (بصري الوضيحي)
رد مع اقتباس
المشاركة الأصلية كتبت بواسطة سلطااان السويري
المفضلات