[align=center]
يالربع تشوفون هالحوثيين
مثل اللي يقول يشادزي ولا يلادزي
ناكسينن للمرح هم وقايدهم
القايد والله ابو متعب << عليه دوينات ويرغب بسداده بالله وصلوا هالكلمه لابو متعب
هكا اليوم جيت من الدوام هلكان ميت من التعب
حتى عقوبي يوجعني
وانا اجلس اراعي للتلفزون
ولا على الجزيره
واشوف ولا ناس اسمهم الحوثيين هاجمينن علينا يا علهم ما يربحون وضاربين ناس
من سلاح الحدود حقين السعوديه
اندبلت تسبدي وانا انام وانا عاضن لساني من المغثه
وانا احلم هكا الحلم اللي يخرع من زين شين قشروه
حلمت اننا كنا مجتمعين بالاستراحه انا وابو غازي ويوسف والحنشل وشنقل
وحيل حليل وريال فسحه وابو ضاري
وحاطينوه على الاخبار
وهو يجي خبر هالحوثيين
وانا اراعي لخوياي
ولا كلهم عاضينن السنتهم << هنيك يابو متعب بهالشعب المعطاء
قلت وشبلاكم
قالوا ما تشوف عملهم بنا
قال ابو ضاري << وكان اشدهم عضاً للسانه
يا عيال
تبوننا نروح نمردغهم
قالوا يالله
وهم يتقامزون من عندي
قلت عاد انا وش يجلسن هنا
وارتسب معهم
وندعس
ولا يردنا الا جبل دخان << مليان دخان انواع الدخاخين
وينزل ابو غازي معوه قناتوه
وينهم وينهم << ناويهم
ويتطابقون العيال من حوض الددسن يجمعون رضم
شوي
وهو يمر من جنبنا واحدن من هكا الديار حاطن ريحان براسوه
الله يجيركم وحنا نتكوم عليه
اللي يضرب راسوه برضمه
والله ينغت عينوه
واللي يجر اذانوه
وشنقل خذا الريحان ونتفوه
ويوسف جر وزرتوه وفسحل بالرجال
وريال فسحه يكب على وجهوه تراب ويقول يالحوثي يالحوثي يالحوثي
والحنشل يفرق الشبث وحيل حليل متعافسين << ابوك يالحماس
ويالله يدرون ان مالوه اي دخل بالحوثيين لا من قريب ولا من بعيد
بس وش عقبوه
عقب ما عجنوه ورثعوا بوه
وراضوه الزقرت
حطوا على راسوه اثل بدال هالريحان اللي نتفوه
ويروحون يدورون الحوثيين
وفجأه
وهم يحاصروننا الحوثيين
وجيهن تسريهه
ويتطابقون الزقرت من الددسن وركض
وهجيج
ويلحقوننا الحوثيين
ويقومون يحدحدوننا
الزقرت كلهم دعسوا
اخرهم انا وابو غازي
ليا تعداني جريتوه
وليا تعديتوه جرن
وداعسين والحوثيين قربولنا
وهو يدعس ابو غازي << الله العالم انوه بخاخات او مركب تيربو
وانا اقوم اركض
وهم لهم نهيت عند اذني
ولا اقدر التفت ذالن انخمع ولا ودي اتفل بعين هاللي ينهت عند اذني
شوي وهو يعركبلي هكا الواحد
يوم راعيت ولا هذا ابو اثله اللي مشوين دبيناوه
وهم يتكومون علي الحوثيين
وانا اقول لا يا حوثي
حوثي يا رجالي
احوث لا عاد ليلك
وهو يدنق علي قايدهم << الله العالم انوه حوث براسوه
وهو يمسك شوشتي ويجره
قال قم صل يالهتلي دزافيك موت
اثريه ابوي يقعدن على الصلاة
وتقلدوا تحيتي
[/align]
رد مع اقتباس
المشاركة الأصلية كتبت بواسطة الشبث
اللي يبل كبدك ، أبو متعب كعامهـــــــــــم ،،،،،
المفضلات