ياهلا باخوي منصور
وجميع الاخوان
واشكركم على هالاستضافه
فكرة الموضوع ممتازه لو اني سالمن من اول واحد هههههههه
بس ارتحت يوم شفت الغالي سلطان رادن قبلي
نقول بسم الله
درست اول سنه في مدرسة الابناء بالرياض
وكان في نفس هالمدرسه اخوي الكبير وشنقل
طبعاً اول يوم دراسه اذكره زين
جابني ابوي
وكنت خايف
وقفني عند الباب
وخلاني ليما غفلت عنه وهو يطلع ويخليني
انا يوم شفت انوه راح وانا اقوم لي جعير
وانواع الصياح
وهو يجيني واحدن من الربع الله يرحمه وياخذن ويعطيني عشر ريال
ويراضيني
ويجلس معي بالفصل
وابوي الله يجزاه خير سحب علي ولا كأني ولده
بغبت اقول لهذا شرايك تصير ابوي بداله ههههه
رحت لثاني ابتدائي
ودرست في مدرسة محمد ابن القاسم
وثالث ابتدائي في مدرسة اسامه ابن زيد
الى ان انهيت الابتدائي
بعدها درست في مدرسة سعد ابن ابي وقاص المتوسطه
وانتقلت الى ثانوية الملك خالد
انهيت ثالث ثانوي علمي سنة 1417 هـ
وكان معي بنفس هالثانويه اخوي الجثري واخوي واحد شقردي
بعد هالثانويه درست في معهد الاداره العامه بالرياض ( ادارة مواد )
وتخرجت منه
والحين موظف بمصنع الوطنيه للبلاستيك
طبعاً كان فيه دراسات جانبيه مثل لغه انقليزيه وحاجات اخرى ماني قايله
خلال هالسنين مروا على اساتذه لهم مكانه كبيره واثروا علي تأثير كبير
ولله الحمد للحين امرهم بين فتره وفتره واسلم عليهم
ومنهم الاستاذ حاتم العرنوس وهو اللي حببني باللغه الانقليزيه
والدكتور صالح البراك الله يذكره بالخير
وبصراحه يوم درست بمعهد الاداره عرفت الفرق بين المدرس الامريكي والمدرس العربي
اتمنى اكون وضحت المطلوب يا منصور ههههههه
واي تقصير انا حاضر ارجع وازينوه
خصوصا انه مضيف الاخت العزيزه بالمختصر
وتقلدوا تحيتي
تحدث عن حياتك العلميه
المشاركة الأصلية كتبت بواسطة سلطااان السويري
المفضلات