عندي قصه <<< ياملا البعد ابلشهم كل يوم عندي قصه
كان فيه طائره تبغى تطير
ركبوا الركاب
وكل واحد راح يم مقغده وجلس فيه
وكان فيه سيده كبيره بالعمر شيوووي بس
كانت جنتل شوي
دورت كرسيه
وحصلته
وللاسف ان اللي كان جالس بجنبه رجل ذو بشره سمرا
هي طبعاً بيضا
وبما ان هالطايره لاحد الدول الغربيه
فما كان هالوضع كويس بالنسبه للمدموزيل
لان عندهم تفرقه عنصريه عجيبه
فجلست وصارت كل شوي تراعي للاخ اللي جالس بجنبه بقرررف
وبس تتأفف وتصد وهي مادتن بوزه
شوي وهي تضغط الزر وتطلب المضيفه
يوم جته المضيفه قالت بالله عاجبتس هالوضع ؟
قالت المضيفه اي وضع
قالت اني جالستن بهالكرسي هنا وهذا بجنبي ؟
شلووون كذا ما يصير لازم هالاشكال هذولا تخلونهم اخر شي ولا تحطونهم بجنبنا
قالت المضيفه والله انا مالي شغل ولا اقدر اسوي شي
انا بس اخدم الركاب
بس ابي اروح للكابتن وابلغه مشكلتس
وراحت للكابتن
طبعاً كل هالمشكله وهالهواش والاخ ساااااكت ما تكلم
ورجعت المضيفه
قالت الكابتن يقول
( نحن في طيراننا نحترم الركاب ونعتذر عن هالخطأ الغير مقصود من قبلنا وتصحيحاً لهالخطأ سوف يتم نقل المتضرر الى الدرجه الاولى )
واخذت المضيفه اغراض الاخ وقالت له تفضل معي
قالت السيده هذولي اغراضه هو مو اغراضي
قالت المضيفه
اعرف
الكلام موجه له هو وليس لكي انتي
والاعتذار موجه له هو وليس لكي انتي
فتم نقل الاخ الى الدرجه الاولى اعتذاراً له عما بدر من هالعجوز الشمطاء
التفرقه العنصريه
من بعض ما مميز ديننا انه لا يفرق بين ابيض ولا اسود الا بالتقوى
ولا فرق بين اعجمي ولا عربي الا بالتقوى
فهذا رسول الله صلى الله عليه وسلم يوم الفتح يدخل مكه وعن يمينه بلال بن رباح وعن يساره اسامه ابن زيد
كلهم سمر البشره بيض القلوب
نعوذ بالله من الكبر
قال رسول الله صلى الله عليه وسلم
( لا يدخل الجنه من كان في قلبه مثقال ذرة من كبر )
او كما قال عليه الصلاة والسلام
وتقلدوا تحيتي
رد مع اقتباس
المفضلات