(( الشـ أبو ماجد ـبث ))

**الشبث** · 29-05-2012 15:25

للقلوب الطيبه والطاهر سر كبير في بقاء الامور على ماهي عليه

فكثر الله منها بيننا

وتقلدوا تحيتي

**الشبث** · 29-05-2012 21:48

بالامس

كانت امريكا تدك افغانستان والعراق بحجة محاربة الارهاب والقاعده بالخصوص

واليوم

القاعده تدك اليمن امام الجميع دووون حراك

ماهي الا تناقضات امريكا اللعينه

وتقلدوا تحيتي

**الشبث** · 30-05-2012 12:57

واحد بيحط لي مصيده ولا يدري انه غبي

وتقلدوا تحيتي

**الشبث** · 30-05-2012 15:05

بالامس

كنت انتظر بحديقه لاحد المستشفيات

وكنت جالس بظلال احد الاشجار

لان الوقت الظهر

وكان فيه ملاهي للاطفال

وشوي جاء من عندي شايب يتعكز على عكازه ومعه طفل صغير

ممكن عمره 4 سنوات

وقال لولده روح العب بالملاهي يا ولدي

وقام يتلفت

طبعاً من كثر ما انا نبيه وذكي بسم الله علي

عرفت انه يدور ظلال يبي يجلس فيه << بسم الله عليك من الحسد

المهم

قلت للشايب تعال يا عم هنا

وهو يجي ويجلس بجنبي

وهو يقوم يسولف علي

واسولف عليه

في احد المرات ضحك وفتح افموه ولا مابوه ولا سن << كنايه عن كبر سنه

المهم

بعد حوالي نصف ساعه جاء ولده وجلس عند ابوه

باين ان الولد منتهي من العطش ياحول

وانا اقوم واروح لبقاله داخل المستشفى واشتري ماء لي ولشايب وللولد

واجلس عند الشايب نبي نكمل سوالف

قال الشايب

بالله تركيز لان هذي هي ثمرت السالفه

قال الشايب

ياولدي

<< يقصدني

قلت نعم يا عم

قال تدري كم رصيدي بالبنك ؟

قلت لا والله يا عم ما ادري ولا ابي ادري

وتسان الله معطيك الله يزيدك

وتسان الله ما عطاك الله يعطيك

قال انا ابعلمك

قلت والله بكيفك

بس ترى ماراح تتغير عندي سواء قبل او بعد ما تعلمني

قال يا ولدي انا رصيدي بالبنك 13 مليون

قلت ما شاء الله تبارك الله

الله يزيدك

قال هذا غير البيوت والعماير والشركات

قلت الله يزيدك

قال اللي خلاني اقول كذا يوم تروح وتجيب ماء لي وللولد

قلت ليييش ؟

<< احسبه صارت بخاطروه ويبي يعطيني خمسين الف

قال انا ادري ان ولدي عطشان بس عادي يتحمل لين نوصل البيت

حتى انا عطشان

قلت طيب ليش ما تسقيه

قال ما ابي اتعود على كذا لان مثل ما الريال يجيب الريال

بعد الريال يسحب الريال

قلت ياااعم

ريالين

مهن مليونين

قال حتى ولو

انت تحسب يا ولدي مقدر البس احسن لبس

والله اقدر اشتري اللي ابي

بس ما ابي

قلت ياعم

وش فرقت يعني ثوب تفصله كل شهر بميه وعشرين ريال وتطلع بمنظر زين

قال لاااااا

وش فيه منظري ؟

قلت لا مافيه شي حلو << بلع العافيه

اللهم لا تجعلني من عبدة الدرهم والدينار

وتقلدوا تحيتي

**الشبث** · 30-05-2012 15:38

لا يوجد سواك

وتقلدوا تحيتي

**الشبث** · 30-05-2012 15:49

والله انك بيني وبيني ومني وفيني

يكفي ان ضيقتي ما تبقى في حضرة سموك ..

برايفت صديقي الشفاي

واللي يرحم امك اعتقني لوجه الله

وتقلدوا تحيتي

**الشبث** · 30-05-2012 15:52

بكرى ان شاء الله عندي مقابله مهمه

جداً حداً حداً

يعني من الاخر اجد شي << ابو من علمك اللغه

دعواتكم بالتوفيق

وتقلدوا تحيتي

**الشبث** · 02-06-2012 02:35

ماكنت لاضعف لو لم اكن ضعيف

وماكنت لاقوى لو لم اكن قوي

ينعتني البعض بالخوف من بشر وهو الاولى بذلك

ليس كل من خط الالفاظ الجارحه يصبح شجاع

لم لا يكون قليل ادب ؟

وتقلدوا تحيتي

**الشبث** · 02-06-2012 11:23

ايام طفولتنا

والى الان

عيب اننا نجلس بصدر المجلس وناخذ مكان كبار السن

كذا تعلمنا

والواجب ان نطبق ما تعلمنا على حياتنا الباقيه

واليوم

وبعد ان ظهر تويتر

ما ادري ليش احس تويتر مجلس

وياكثر اللي يترززون بصدر المجلس مع كبار القوم

وتقلدوا تحيتي

**الشبث** · 02-06-2012 11:43

الشفاي

انشدك عن شي مهو مبطين حيل

ولاشفت زوله تقول هذا من القديمين

متسلطن مابين هنا وهناك

الا الرياضه ما يجيها عشيري

خبلتن معك يهالخبيل خخخخخخخخخخخخخخخخخخ

وتقلد تحيتي