(( الشـ أبو ماجد ـبث ))

**الشبث** · 22-12-2010 13:43

مو أنـآ اللي أطعن صآحبي بـ/ الظّهر ..أنـآ ظهرِي موجود لـأجل صآحبي ماينطعـن

عجبني

وتقلدوا تحيتي

**الشبث** · 22-12-2010 14:07

سمعت سالفه مره تقول

فيه مره حلمت ان عمود الواسط حق بيتهم طاح

وهي تروح يم واحد يفسر الاحلام

قال ان شاء الله خير ارجعي بس

وترجع لبيته ( طبعاً بيت شعر ايام البدو )

والليله الثانيه حلمت نفس الحلم

وراحت للمفسر

قال له ارجعي لبيتس ان شاء الله خير

واليوم الثالث حلمت نفس الحلم

وراحت للمفسر

وهي بالطريف صادفه واحد ملقوف

قال وش عندتس يا فلانه

قالت والله حلمت لي حلم وابي اروح لفلان غديه يفسروه لي

قال علميني بوه غديني افسروه لتس

قالت حلمت ان عمود الواسط حق بيتي طاح

قال افاااااااااااااا

قالت وش العلم

قال رجلتس يبي يموت

وفعلاً مات رجله

في يوم 26 / 6 1426 هـ

عرفت وش معنى واسط البيت اذا طاح

كان تاريخ وفاة الملك فهد رحمه الله

كنت من اللي يعارضون ابو فيصل ويغضبون منه بعض الاحيان

ويوم تلقيت خبر وفاته

انصدمت

طلعت لحالي بالشارع

اشوف الشوارع

اشوف وجهه على كل بيت وعلى كل جدار

اشوف وجهه بكل مكان

ولا كنت انطق الا بـ ( ابو فيصل وينك )

كنت ادري وينه

الخبر اعلن بشكل رسمي

مافيه احد صدم مثلي بك يابو فيصل عليك رحمة الله

حتى عيالك ما بكوك كثري

ولليوم وانا ابكيك

جعل يومي قبل يوم ابو متعب

وتقلدوا تحيتي

**الشبث** · 28-12-2010 14:18

من المستحيل اجبار الاخرين بمحبتك

ولكن لا تجبرهم على كرهك لانه سهل

وتقلدوا تحيتي

**الشبث** · 28-12-2010 14:38

الذين يشاهدون الموضوع الآن: 2 (2 من الأعضاء و 0 زائر)
الشبث # ايثار #

حياتس اختي ايثار

شرفتيني بهالزياره

وتقلدي تحيتي

**الشبث** · 28-12-2010 16:15

تخيل تقول لشخص اذا لي معزه عندك اعمل كذا ..

وتتفاجأ بأنه يرفض

ابوووتس يا طيحة الوجه

انا صارت لي وطاح وجهي

وهو عزيز عندي للحين

وممكن اكثر من الاول

لانه كان صادق

وانا ما ابيه يعزني ولا اجبره

بس

لحد هووون وبس

وتقلدوا تحيتي

**الشبث** · 28-12-2010 16:49

ابو عثمان

تكفى سامحن

وتقلدوا تحيتي

**الشبث** · 28-12-2010 21:50

خلال الايام الجايه ان شاء الله

راح يكون فيه مفاجاءات في فلة حجاج

راح يكون فيه غربله

لا يوجد احد اكبر من الفله مهما كبر

ولا مجامله في الفله

وتقلدوا تحيتي

**الشبث** · 29-12-2010 10:32

صباح الخير

والله الواحد على هالصبح تقفل معوه بسبة ساهر لابارك الله فيه وفي من جابه

اليوم ماشي بسرعة اقل من 80

وامر من قدام ساهر وهو يلقطن

استغربت

اقل من 80

ولا فيه لوحه بعد ساهر بمسافه مكتوب عليه 70

طيب ياخي ليه ما تصير ورا اللوحه يا لوح

ماقول الا يا لوح ما بعدك لوح

وتقلدوا تحيتي

**الشبث** · 03-01-2011 16:35

اكثر ما يؤلم تذكر الماضي الجميل

رجعت بالذاكره الى اخوان واخوات عزيزين كانوا معنا هنا

ابتعدوا

حاولت الوصول اليهم دون فائده

لا املك الا الدعاء لهم

وتقلدوا تحيتي