منذ زمن بعيد قارب على تجاوز ربع قرن
نشأت في حارتي حارة ( كل من بأيدو الو )
يوم العب مع ولد الجيران ويوم معتكف بالبيت من التكميخ اللي جايني
ربكم هو الرحيم بي اني ما اصبت اصابه مميته ولا تسان من صيد امس
هذا طبعاً في بدايتي قبل ادرس
ماكنت اعرف غير عيال جيراننا
مثلنا بالطبع سيم سيم
كنت اعتقد ان الناس الثانيه غيرنا
ودخلت المدرسه
وكانوا غالبيت الوغدان اللي معنا مثلنا
الا كلهم
كلنا محلقين نفس الحلاقه ( شختك بختك )
طبعاً ما نحلق عند حلاقين لاااا
امهاتنا اللي يحلقننا
تقص اللي تقصوه واذا تعبت تقول رح للمدرسه وليا جيت نكمل
بعضنا محلق من ورا ومن قدام حاطن لوه جذيله
وبعضنا محلق النص والجنوب كما هي
هذا غير الفلاق اللي بروسنا
مافيه ولا واحد على مستوى المدرسه مهو مفلوق
والغريب ان الفاعل واحد
( حدا الوالدين )
واحد اموه ماغطتوه بنعله
والثاني غاثن ابوه وهو يسوي قهوه وعاجنوه بيد النجر
والثالث اطلقة عليه اموه قوطي صلصل بعيد المدى فقع غذايتوه
يعني الواحد بدال ما راسوه يكون مستدير
يطلع متوازي اضلاع من هالرنجفه اللي جاريتن لوه
بالعربي كنا وجيه ودره تجيب الهم
ولا فينا اللي بوه براءة طفوله
مره جانا واحد دلووووع وكيووووت
وكلنا جالسين بجنبوه نراعيلوه ما ندري هو بشر ولا وشو
اللي يقول يوووه يا عيال وشو هذا
واللي يقول سبحان الله كأنه صخل صغييييييير << يعني يبون يمدحونوه
ونص الزقرت من باتسر غايبين
اللي اشتمن الجروح اللي بوه من ريحة العطر اللي مع الوغد
واللي صفقوه ربو من العطر
ما بحياتنا شمينا ريحة عطر
وبيوم من الايام كنت جالس بجنبوه قلت هيه انت
وهو يراعيلي
قلت شلون جيت هنا للمدرسه
<< فيس واحد سبلتوه تقطر وبيدوه سندويشه يفر عليه ذباب
قال مثلكم
قلت اهااا بالباص
قال لااا بابا جابني
قلت اهااا خالك
قال لاااا باااااابااااااا
قلت وش يقرب لك << يحسب كلمة بابا اسم بحياتوه ما سمعه
قال بابا ماتعرف بابا زوج ماما
<< يلعن بليسوه يدري ان بابا زوج ماما مهو مثلي ما دريت الا برابع ابتدائي
يعني لا علمون زينه
ولا اشكالن زينه
ما تشوفون المطر انقطع
ومره من المرات ابوي مسوي فيها يبي يعلمن علوم الرجال
وياخذن معوه للشبه عند واحدن من الربع العصريات
واجلس معوه
من قل الفهامه ابلشتوه
شوي وانجضع على ركبتوه
ومره اراعي لحدا الرجال واطير عيوني عليه
ومره اقاطع سوالفهم واقول يبببببه هذا وش اسموه << يشر على حدا الرجال
وبحدا المرات
قمت ازحف لين وصلت للمعزب وهو جالس عند الدلال
قلت هيه ابي ريال << مسوي دلوع
مافطنت الا ابوي قام من مكانوه
وهو ياخذ السطل اللي بوه الفناجيل والكاسات وهو يخدموه على راسي
ولا منصفر من امس
وهم يكملون سوالفهم وانا متمدد بينهم
ولا بهم اللي قام وفزع لي
الله العالم انهم استانسوا اني انصفرت
وقاموا وراحوا يصلون المغرب وانا على تمددتي
واقوم واروح لامي
والقاه تخبز مطحن
واقعد عنده
وكل رغيف اقطع منوه شوين واكل
اثريه عصبت
وهي تمسك دماغي وترجفن بالصاج
واتنقح عنده منصفر من صيد امس
وتخبز وتخلص خبزه
وتجرن ليما حطتن بفراشي
وعليه ليما قمت على المدرسه
المشكله ما يربوننا اول
لااا
ينتظرون نغلط علشان يصفقوننا ونتعلم انوه غلط
وهالحين خسروا شيين
الاول
ما تعلمنا الصح من الغلط الا عقب ما جبنا العيد
والثاني
تشوهنا وخربت اشكالنا
يعني لا وجه ولا قفى
وتقلدوا تحيتي
رد مع اقتباس
المشاركة الأصلية كتبت بواسطة الشبث
المفضلات