[align=center]
السلام عليكم ورحمة الله وبركاته
اتمنى ان تحوز على رضاكم واعجابكم
ياهاجس اشعاري لك ايام مفقـود
.......... وين انت عني مختفـي يارفيقـي
اول تسلينـي ليـا هبـت النـود
.......... وتطفي ليا شبت بجوفـي حريقـي
يسعد مساك بنفحة المسك والعود
.......... يامبعد(ن) عن خاطري كل ضيقي
تعال واسكب ماتيسر مـن الفـود
.......... من بوح فكري هات حلو الرحيقي
هات الكلام الزين من غير منقـود
.......... احفظ مجالك وانت حر (ن ) طليقي
دايم تسولف لي وش حكاية الجود
.......... واقول لـو تقـدر تغيـر طريقـي
عن ما جرى ياطيش الايام مردود
.......... ويلاه ياجرح(ن) بقلبـي عميقـي
من بعد عشرين السعد جفت عدود
.......... واعتاد جفني للسهـر ياصديقـي
للوجد للحرمان للنقـص للـزود
.......... للطيب يادرب الـردا مـا تليقـي
لولاي احسب للشكـالات والكـود
.......... ماخذ حساب التايهـه والحقيقـي
الناس تفهم وضح الافكار والسود
.......... راع الشبب يشبع جياع الفريقـي
والكلمه اللي تفرق ذياب وفهـود
.......... اصد عنهـا دامهـا مـا تليقـي
يوم الحقايق صارت اليوم بحـدود
.......... موت الحرامي مثل موت الغريقـي
يالادمي دنياك لـو انهـا سهـود
.......... لازم عليك ايـام بقعـاء تويقـي
صل الصلاة بوقتها لخيـر معبـود
.......... ينجيك لا منه نشـف كـل ريقـي
خذ مؤجز النشره بلا قيـد وقيـود
.......... من شاعر(ن) يحسب خويه شقيقي
ولو هاجس اشعاري له ايام ويعود
.......... ما يرجع ايـام السعـد يارفيقـي
شعر /[/align]
نهير النمش ( صفق الهواء)
رد مع اقتباس
المشاركة الأصلية كتبت بواسطة ناصر الخبر.
المفضلات