مساكم الله بالخير وصبحكم الله بالرضا
ناوي اخش عرض بس مدري شلون
يالربع في ظاهره يعرفونها الزقرت اللي يسافرون عزوبيه براً وليس جواً
ربعنا العزوبيه اذا سافروا حتى لو هم عشره بسياره يختارون خوي بالطريق
هالشي من باب التسليه علشان يضيعون طول المسافات
مثلاً انا وريال الفسحه وعبدالله الجعيثن مسافرين نبي حايل او رفحاء
واذا شفنا سياره فيها عايله ماشين بنفس طريقنا نقول هذولا هم الخويا
اهم شي العوايل
خصوصا اذا وحده عطتنا نظره واستدارة روسنا
نمشي وراهم نتعداهم ويتعدونا ونكحل لين نوصل
بس ما نحاس ان هالشي غلط
لان ممكن ينتبه السواق ويكوفرنا كوفره
اكيد غلط كبير الله يتوب علينا
بسنه من السنين كنت مسافر لحالي
وقفت عند اول محطه وانا طالع من الرياض
واشوف لكم هكا الشوفه ياتسبدي تسبدااه
وحده لابسه نقاب وحاطه راسها على الدريشه وتراعي
انا يوم شفته وانا اتكهرب من الخرعه
احس كأني ابي اركب لمبة الدوانيه وشفطني الكهرب << من كثر ما تصير لوه
وانا اخذ غرضاني من البقاله واطلع
ولا ماشين
وانا الحقهم
وامشي وراهم
واتعداهم ويتعدوني
واذا صرت بجنبهم اقوم اهز من الفسقه
لفت انتباهي سواقهم
تقل مالوه راس
بس اشوف كتوفوه وظهروه
الوكاد وهم يوقفون عند محطه
ويوم الله قردن وانا اوقف معهم عند المحطه
وسيده نزلت للبقاله علشان السواق ما يشك بي
يوم جيت ولا هوشه عند حق البانزين
اثري سواقهم متهاوش مع البنقاله
ومجتمعين عليه
بس يالربع يا كبر الادمي ( سواقهم )
عليه لوه زول يفضخ القلب
وراسوه يااااااربي سترك يا كبروه
حنا اذا سألك احد وين خشمك ؟
تقول هذا هو
واذا سألك وين عينك ؟
تقول هذي هي
بس هو لااااا يختلف
اذا سألوه احد وين خشمك ؟
يقول هذاااااااااااااااااك هو من بعدوه عن يدينوه ياملا البعد
وين عينك ؟
هذييييييتس هي
طبعاً قام يفرمت البنقاله ويكمخهم
وانا قلت ابي استغل الفرصه
اول شي هو مسيطر على الوضع وفايزين فايزين عليهم << مباراة مهي هوشه
وثاني شي نذخه علشان كحيل العين اللي قروش صحتي
وانا امسك اطرف بنقالي واقوم ابقسوه ياحوول
واحط صبعي بعينوه واقول تعرف تراعي لمحارمنا يا هتلي
وامسك خشموه واجروه
واحط يدي بمخباوه << كذا لعانه
وامحطوه بالنعله ( الله يعزكم ) ليما مطقت رقبتوه
يوم خليتوه ولا رفيدزي مكمخن الباقين وهاربين
وانا اطلق اللي معي واشوووتوه شلـوطي كل قوتي بغا يدخل بالبنشري
واراعي لرفيدزي الهرش واقول كفك يالذيب
وهو يغولن
ويشيلن فوووق ويقوم يكمخ راسي بحقت البانزين
وانا لي صياح تكفى واللي يرحم والديك
وهو يجضعن بالقاع ويصب علي بانزين ( 95 علشان اقبس بسرعه )
وانا ماسكن يدوه الثانيه واحبه
تكفى واللي يرحم ابوووك الا الحرق لا تحرقن اخاف ما اموت واتشوه اكثر من كذا
وهو ما يرد علي بس لوه نهيت ياملا بعد عين جدي
ويالله يجتمعون عليه الناس ويفكوني منوه قبل يولع بي
جاب الله ولاعتوه ما تولع ولا تسان منفجر انا والمحطه
حتى مريوشة العين تنفجر معنا ويتحتحتن رموشه بعد رمووش
رجاء خاص //
لا تتلقفون على العوايل بالطريق
<< لااااااا الرجال معقلوه ومتوبوه تمااام
وتقلدوا تحيتي
رد مع اقتباس
المفضلات