ياطويلين الاعمار ان شالله
قديمه يوم الجيران يعتبرون اهل بيت واللي ناقصه شي جميعهم يفزعون له وكانهم عايله واحده ولاكثر النفاق ولاكثر الدجل وفيه شي عندهم ممنوع ومحرم واللي يفعله منبوذ من بينهم اللي هو نقل الحكي السئ
فيه اثنين اخوان يتاما وهم من احداء القراء توفى والدهم وابضا والدتهم واحد عمره 16 والثاني14 سنه ويوجد لهم بيت طين وكان مقابل البيت مسجد وكان صغار سن ولايعرفون يصلحون لنفسهم اكل وكان تشرف عليهم خالتلهم باقصاء القريه حتى كبرو العيال وصارو يعرفون كل امور الحياة
صار الكبير مطوع في المسجد يصلي بالناس ويرشدهم ويصليبهم وقت رمضان القيام وصار شيخ مايقولون له اللا ياشيخ فلان
والثاني صار راعي قنص وهواوي وشاعر((( اكيد هالحين تركزون مع راعي القنص ))) وكل يوم يروح يم الصيد ويصيد مقسوم الله ويمر خالته وينزل عندها احد الصيدات وخالته له بنت من سنه وهو يحب بنت الخاله بدون ان يخبرها وهي كذلك بدون ان تخبره فقط بالنظرات وبعد مروره على الخاله يروح يم بيتهم ويسوي عشاء اخوه اللي هو الشيخ ويجى اخوه يتعشا هو وياء اخوه سويا
يوم جاء هاكاليوم وسواء العشاء وجا الشيخ وتعشو قال الشيخ طلبتك ياخوي قال انت اخوي واكبر مني وشيخنا انت تامر امر
قال انا ان شالله ابحج وبيك تصلي بالجماعه قال ابشر يمار هذا شاعر وهواوي وراعي قنص قال ان شالله مانا اللي على خير ابي التزم بالمسجد حتى يرجع الشيخ واللا القنص واللي معه ماقدر اخليها
وصارله حوالي شهر مامر على خالته قالت البنت يمه فلان صارله وقت ماجانا اخاف صارله خلاف روحي اسئلي عنه راحت الخاله وسئلت عنه قالو الرجال امام المسجد ولامعه وقت رجعت الخاله يوم تطمنت عليه وقالت لبنته فلان امام المسجد ومشغول قالت البنت لا ماهو صحيح ابي اروح بنفسي واتكد راحت وقت صلاة العصر
وهي تجي يم المسجد تبي تشوفه هو الامام او لا وتهايقه من عند الباب يمار يقيم الصلاة وهو يشوفه وهي تكشف الغشوة عن وجهه تبيه يعرفها
قال
اناشهدنك من الخلق مالك وصوف===وانا اشهدنك لعاشقك ماتروفي
واللي خلفي كلهم خمسه صفوف===غلاك بقلبي يالهنوف العروفي
وهو يوكبر وصلي يوم سلم قاله واحدن يفلان صلاتك اليوم مامثله وشلون الحديث اللي انت قلت مع الاقامه قال لا لا لا هذا حديث ظعيف واتركه
وسلامتكم
رد مع اقتباس
المفضلات