الله حيهم واحد واحد
يابعد حييني والله قسم بالله انني مشتاقتن للفله شوقن ما صار
>>خانه التعبير
قدر الله علي يا جماعةالخير وسويت حادث وابي من كل واحدن منكم
يقط لي ع خمسة اريل ابشتري لي جبه عشان البرد
>>اطلعي برااا
والله عندي ظروف عائليه يوم شاورت هريهرا قلت اكتبهم بموضوع
قالت انتي بقره وبتكبين عشانا تري رفحا كبر يدي الحين يعرفونتس
و يوم انه قالتلي هلون وانا أهون
خخخخخخخخخخ
سبب الغياب ظروف عايليه و يا علها ماتجري لمسلم^_^
الوكاد يوم ان الله جابن ماراح اجي الفله وانا ادودل يديني زي بعض الناس >>تراعي لشموخ
^_^
هاكم هالماقسه واعذرونا ع القصور وعلى ما دزيل ان الخوي يستر خويه و ياطاح بمطب يرقع لوه عاد لا اوصيكم الله الله بالترقيع
الواح الويقا ...
لعبة استحضار الارواح>>يتلاوذن عيونه من الخرعه
شفتها بلي فيلم قبل سبعه او ثمان سنوات
و فطنت علي تو
وأنا احدث نفسي
قلت وليه ما اجربه وش وراي
قالت نفسي انلدمي واقضبي ارضتس
كل يومن وانتي جايبتن لتس طامه
يا نفسي تكفين
يا يا
قالت لله لله ما اسمح لتس
يارجاله عدلي بدلي
قالت لا لا
وأنا اقردنه بلي كم كلمه و هي توافق
ملاحظه ...
(دايم اسمع إن النفس اماره بالسوء بس انا حطمت التوقعات
نفسي منا حليله أنا اللي اقوده وانا اللي انكبه و اورطه)
الوكاد
وانا اجيب لي خشبه وأحطه بالمخزن اللي برا
وأجيب معي الجحلط
مراهقيننا اللي ع سبع طعش واللي ع ست طعش واللي حولهن
عددهم كان خمسه
الوكاد ياطويلات الجدايل و يا طويلين الشوارب
وحنا نطفي اللمبه
قلت يا عيال كلن يجود لوه زاويه
وأنا اقوم عنهم >>بلعت العافيه
يوم قمت و هم يراعون لي منخرعين
قلت اناحرمه ضعيفه وانتم رجال ابضايات وزقرتيه
قال واحد منهم و هو الصغير عمتي ماهو حتسي هذا امشي اجلسي معنا والا ابقوم
وانا ابلش
بعدين قلت
بلكن طلعت الروح اللي نبي نستحضره روح فلان و الا فلان >>ناس من جماعتنا ميتين ..
بعدين يشوفون حريمكم يا ئليلين الناموس يا الرخوم انتم رجال انتم ؟..
ياللي ماعندكم غيره
وانا احتسي ومتحمسه
طلع ولداخوي ورجع الا جايبن لي عباه وبرقع قال البسيهن واجلسي
>>لا مفر ..
وانا البسهن وانا اجلس بزاويتي
قلت يا عيال توكلوا على الله واقروا المعوذاي
بعدين قلت لالا تقرونهن أخاف حديكم يحترق ..
وحنا نتبع التعليماي و نرقم المكاناي ونحط الحروف و فيدات اللعبه كلهن
و نحط اوراق بها هالكلمات
( لا و نعم والوداع )و فارس و ولد و بنت ^_^
وانا اغز السهم
وأنا ازهبلي كم سؤال ابسأل هالويقا ياطلعت
وحنا نفرفر السهم ونفرفره و نفرفره و نفرفره
و نردد ويقا ويقا ويقا
ويقا
يوم فطنا الا طلعت لنا روح امي
وانا انقطم يوم شفته
وهو يصوب علي السهم
قال لي اخوي اروجي اسأليه
قلت يالويقا انتي امي والا متصورتن به ؟؟
قالت يا وايدزن بوجهتس عزراييل قولي آمين
وانا انخرش
وحنا نلف السهم
>> بيكملون اللعبه
يوم ناظرنا
الا قربت وحنا ننخرع
و قعدت تخانق وتخانق وتخانق
و تقرب وتقرب وتقرب
وحنا نصيح و ننحاش
و هي تلحقنا
وأنا اركض تذكرت ان امي حيه (الله يطول بعمره )
الا طلعت امي قايمتن من النوم وكانت نيمتن بالحوش و وعت على وقشنا و شافت المخزن مفتوح و دخلت و تهولت منا ^_^
لعبة الواح الويجا اظنها عند الغرب زي البويض عندنا
بس اللي قاهرني ان هناك من يؤمن بحقيقتها
ياربيييييه ودي لو انا منزلتن هالموضوع بالإسلامي احصن لي
>>راحت للإسلامي تركض
ويقاويقا يعني تحياتي ...
رد مع اقتباس
المفضلات