موضوع ممتاز يستحق المشاركه
طبعا الشعراء واجد اهل الجزاله والحمد لله على سبيل الذكر
سلطان بن وسام وسعد بن جدلان وعيد بن مربح وعبدالله بن صقيه التميمي ويدر الحويفي وبراهيم الرديعان وبن زويبن والغيداني وبن الذيب ومدغم ابو شيبه وياسر التويجري
وبن بديع ورشيد العمودي وسعيد كذالك ولا انسى فرحان الذرفي وخالد العضاض
وبن حمري وفيصل الطواله وكذالك عدنان البشير وسامي العرفج من شعرائنا الشباب المميزين والكثير من فطاحله الشعر اسماء من ذهب تستحق الاأشاده
القصايد واجد اختار
قصيده الامير سلطان ابن جلعود الله يرحمه راعي سميراء
بديت ذكـر الله علـى كـل مذكـور=الواحـد اللـي بالسمـاء معتلينـا
لاضاق صدري جبت للنـار جثمـور=وشبّيْـت للـي مثلكـم حاضريـنـا
قم سوّ فنجالٍ مـن البـنّ مقصـور=وكثّـر بهـار الهيـل حتـى يبيْنـا
واحرص على ما يقال لا يقال مذمور=إلاَّ وليـش بحمْسـتَـه مخْمْليـنـا
ليا صار صافٍ ماه والتَّـول منثـور=ومنزّهاتٍ عـن دنـس كـل شيْنـا
وليا انطلق من مذْلقَهْ تقـل حيمـور=أو دمْ جوفٍ وانْمـزعْ مـن وتيْنـا
وان صار لك في نيّة الخير مقـدور=وداعَـتـك لاتـتـرك الشّبْتـيْـنـا
شبَّت عَقَاب الظّهْر ومع فجّتَ النّـور=للضيـف ولجيرانـنـا اللازميـنـا
مـرٍّ يبَـدِّلْ ربنـا العسـر بيسـور=ومـرٍّ ندنّـق عـن رفيـقٍ يجينـا
ومرٍّ يمرّ بك الرّجـل تقـل مجـدور=من القلّ ما نقْـوا علـى طبْختيْنـا
ومرٍّ خـروفٍ للمشاكيـل مجـزور=وصنيَّـةٍ تنقـل علـى محْتريـنـا
وصيّةٍ خذْهـا ليـا نفْخَـت الصّـور=الشَّح مـا يـودع ضعيـفٍ سمينـا
والمال ما يدْفن مع النّـاس بقبـور=ولاينفّـد الأمـوال مــدّ اليديـنـا
وما نفّدت يمنـاك قـدّام لـك نـور=واللـي تخلَّـف فـرض للوارثينـا
والضيف ضيف الله ما عنه مذخـور=الله يجمّـل ويسـتـر المستحيـنـا
الضيف لاجانا من السّـوق مجبـور=نضحـك بوجهـه عدّنـا شايشينـا
نشري قراهم والمساعـر هكالـدور=الحَـبّ صـاع والرّطـب وزنتينـا
ليا جاك هتّاش الشتا تقـل مصقـور=من البـرد عـدّه تطـرده سربتينـا
ليا هبّت النكبا على راعـي الكـور=بردَه شطيـر وهـم لهـا ناطحينـا
حطّوا حطب خلّوا سنا النار مذعـور=ليا استانسوا قالوا هذا اللـي هقينـا
بدلالْ ما عنهن سنا النـار مقصـور=ولاتحتمـل مـن دونهـن طقتيـنـا
فنجالهن يا شْـفّ ماقيـل مذمـور=الله يقويـنـا عليـهـن سنـيـنـا
وأرجي ليا منّه نوا الوسـم ببـدور=يعـلّ برقـه فـوق أهلنـا يبيـنـا
ويا جاء الخْيَال أبيت أنا الليل مسرور=وأطلـب ياعـلَّ الله يمطـر علينـا
نجذب قراح مشمْرخة كـل عنقـور=نسقي الغريس ونفرح اللـي يجينـا
تمّ الكلام وان كان أنا قلت بـه زور=ياغـافـر الــزلاّت للمذنبـيـنـا
وايضا قصيده عاضه المرزوقي البقمي رحمه الله
من لاقدح من مخة الرأس شاره = لاتنخطب بنتـه ولاتوخـــــــذ ريـاه
ومن لارفت يمناه زلـة يسـاره = تصبح يمينة قدرها مثل يسـراه
ومن لانفع ماظر في كـل غـاره = ومن لاهـــــدم مالـه بيـوت مبنـاه
ومن لاعرف مقدار نفسه وكاره = سحم السباع إلي تقانب تعشـاه
من لا بنا ساس المسلح عمـاره = يصبح شماتـــه لنفوس المـراواه
يقول من ذاق الحـلا والمـراره = تجـارب الدنيـا كتبهــــــــــا بيمنـاه
أخذت من بعض التجاره عبـاره = يجاهـــــــل الايام بوصيـك بوصـاه
إليا نزلت السـوق دور خيـاره = يابعد فرق الزين والشين بعـــداه
واحفض لسانك زين وقت الزياره = من طاع نفســـــه باع دينه بدنيـاه
وانااعرف ان الحر تكفيه الاشاره = والعلـــم مافـاد القلـــوب الموطـاه
والطيب ماهو من بنوك التجـاره = الطيب طيب بساعة الضيق نلقاه
وليا بغيت القاف ماخذت إعـاره = يلــي ترد اول كلامــــك عـلا اتـلاه
ارفع مقام الشعروبنـي جـداره = ولاهوب متعبني اليا صعـب معناه
يلي تقول الوعل اسـد المغـاره = وتلبس السرحان شعـرمن الشـاه
عباد وجـه ولا بكبــــــدك مـراره = كيف البشر يعبـد بشر كنه إيـاه
من كيد نفسه معمي الله بصـاره = ولايلعن الله غيـــر قوم المضاهـاه
وقصيده لبن جدلان
ون ابن جدلان من لايع لاعه = كن في كبدي دوافير صناعي
العب المنكوس واحب روباعه = ممل في الوقت والوقت خداعي
مادريت ان ضحكة الوقت خداعه = شفت مدخالي ولا شفت مطلاعي
لابغيت اسج والا انبسط ساعه = دق قلبي من وراء حدب الاضلاعي
كن من بين الضلوع اله طباعه = تشتغل لانمت واقوم مرتاعي
هم قلبي ما يفرق تجماعه = غير جر الصوت والناس هجاعي
فاقد لي سلعه واكبر ابضاعه = سلعة تشراء ولا هيب تنباعي
رفقة الطيب ليا غير اطباعه = اشهد انها كية توجع اوجاعي
راكب الي صممه صاحب اصناعه = جمس بيك اب من حديثات الانواعي
الغريب الي جديد من انواعه = حوض رفرف مايبي شد وشراعي
لا انس البنزين عجل تفرقاعه = مخطر من سرعته يقلع اقلاعي
لا تحرك شفت في القاع مشلاعه = والتواير تظهر الماء من القاعي
ينعش القلب الحزين ابتهملاعه = لا مشا قام يتهملع تهملاعي
لاوطى الارض ألتعش كن تهزاعه = بنت شيخ طامح من ولد راعي
في رجاء الغايب تحرا لمرجاعه = تنقد العشاق وتطق الاصباعي
نفسها من جمله الناس منصاعه = ماتبي الا واحد ذكره ايشاعي
ينحر اللي يأخذ الطيب بذراعه =الصديق الصافي الصامل الواعي
الوفاء والطيب ساسه ومنباعه = يوم بعض الطيب تقليد وصناعي
لا وصلتوا فأخبروني عن اوضاعه = واخبروا راعي السمارا عن اوضاعي
انشدو ويش السبايب بمهزاعه = لا علي ناقص ولا ابيه فزاعي
ودنا نرضيه ونحاول اقناعه = كان بن مهمل بعد يسمع الداعي
كان يبغا حق للحق قطاعه = نقنعه والحق ماعنه مجزاعي
وكان مبغض في الرياجيل بتاعه = لا يجي ناقد ويلحقني ارياعي
للصديق نخلي النفس خضاعه = ما نوريه الجفا والتمطاعي
الصداقه عندنا ذخر وطماعه = صحبة ماهيب صحبة تمتاعي
حد جدتها على البرق لماعه = وان خذت يومين مفعولها ضاعي
فإن تليمنا على العز والطاعه = وان تفرقنا فجوج الله أوساعي
ما أطرد المقفي ليا صفط أشراعه = مخبل اللي للمقفين تباعي
من يحط اذنه على كل سماعه = جاه فرقا ما بعدها تجماعي
والزباد اختام هرجي ومطلاعه = يدفعه من ريحة المسك ذعذاعي
وكذالك سلطان الهاجري
وآهني الصخرة اللي مايحرقها سمـوم=الزمان اللـي يهـد الحيل ماهدهـا
الزمان اللـي تحـدى قوييـن العـزوم=ليـن مشاهـا علـى ود ماهـو ودهـا
المجامل بعض الأحيان مايقضي لـزوم=قاضب النفس الضعيفه ولاهـو قدهـا
كل ماكبرت وضاقت على عيال الرخوم=نحتزم لأكبر مصيبـه وناطـا خدهـا
ياعيـال آدم وحـواء تراهـا ماتـدوم=دورة الأيــام لابـدهـا لابـدهــا
أدري إن فالناس معطى وفالناس محروم=هيـه يابيـض النوايـا ويامسـودهـا
جعل قسمي عند ربي من خيار القسـوم=واحـدٍ يعـط العطايـا ولا يرتـدهـا
ياوليد البط وشلـون ماتعـرف تعـوم=وأنت أبوك يعوم جزر البحور ومدهـا
أنت ياحلمٍ حلمته ماهـو مثـل الحلـوم=ياضحية مزح الأحلام مـادري جدهـا
ياضميري لايهمك مـن الدنيـا همـوم=الصعيبـه حلهـا والبسيطـه عـدهـا
جات في شد الشوارب وفي قرب الخشوم=كبر الضيفه وعش الضيـوف وغدهـا
الردي لو درس المرجله في كـل يـوم=المراجل عنـد أهلهـا يذعـذع ندهـا
ماكشفت إلا وضيـع النمايـم والعلـوم=يارسول الحكي هـات العلـوم وودهـا
الصفوف أثنين هـذا دفـاع وذا هجـوم=وأنت أظنك مانت معها ولا أنت بضدها
مير في سوق الأظله تريـح ومخـدوم=وان ذبحك الجوع عان التكاسـي كدهـا
رد مع اقتباس
المشاركة الأصلية كتبت بواسطة صلفيق
المفضلات