صبحكم / مساكم الله بالخير .................!
قصيده اعجبتني وحبيت أنقلها ...............!
(. القصيده .)
يئست وراحت سنيني معاكِ كلها نسيان
خذلتي قلبي الطيب وعاش بضيم آهاته
حنثتي بوعدكِ وأنتِ حلفتي لي كثير أيمان
بأنك هايمه فيني وقلتي خافقك هاته
انا صدقتها حلوفك على بالي معي أنسان
على بالي ضميرك حي ولكن للأسف فاته
بأنك ناكرة معروف ولا ينفع معك عرفان
أناني وقاسي وعايش سنينه همه بذاته
بذلت الجهد فرضاكِ (سنيني ومالي وأشجان)
وصرتي بعالمي الأولى وقلبي بعت لذاته
حتى اسمكِ أصبح على لساني مثل الحان
ورسمت باسمكِ شعري وأنتِ لُب أنّاته
سهرت الليل أناجيكِ وحيد وضامي وبردان
اصبّر قلبي فبعدك والملم باقي رفاته
أصيل بعشقي و وافي ولا يزعزع وفاي إنسان
أمين وصادق ومخلص وأنتِ من علاماته
أداري حبنا واحرص يصير لحبنا بنيان
قصورٍ قد سكنتيها وعشتي في مسراته
ادلعكِ واهنيكِ ما بين الحب والتحنان
وابدل حزنكِ فرحه واغيّر أشين صفاته
أشارك قلبك بؤسه واشارك قلبكِ فرحان
انا دايم مع قلبك وهذي كل ميزاته
صدمتيني بخيانتكِ ولكن غيري الخسران
انا بصدقي ترى شامخ وحبي اكبر إثباته
كسبت بهجركِ لني أعاف معاشر الخوان
وترى من خان لو مره بتصبح من جبلاته
انا بغفر ذنوبك دوم لأنه طبعي الغفران
واعز النفس من حبك ولا أرضى إهاناته
ابغفر أي شي يصير إلا خيانه ونكران
وأنت الباديه فالبعد وعيشي لحالكِ أوقاته
وفر جهدك ودينك ولا تكثر من الأديان
انا من خانني ماقبل أعيشه لي نهاياته
مواري الشين في حبه وكلامه واضحه وتبان
يبان الزيف في قلبٍ تجلى في خياناته
كذبتي في مشاعركِ ولا شيٍ معك قد زان
خسرتي حبكِ الأول وثاني في بداياته
خسرتي نفسكِ لما طمعتي والطمع خسران
وحرمتي نفسكِ حبٍ وكنتي في ملذاته
عرفتي انكِ تهتي وضعتي بعالم الحرمان
عرفتي انكِ هالحين شربتي من مراراته
أنا ما عود لك ابداً ولا بيرجع زمانٍ كان
ترى هذي خياراتك وقلبي له خياراته
ابطوي صفحة الماضي وابدعي ربي الرحمن
يجازيكِ على غدرك ويزيدك من عذاباته
خلاص انسي من اللحظه خفوق الشاعر الولهان
وانا قلبي له المولى يعينه في معاناته
رد مع اقتباس
المفضلات