اول مره اخذ حقي من مديري بالشغل
السلام عليكم
مساء الخير يالربع
عندي لي مدير بالشغل
مشغلن اشغال
ما يشوف احد بالاداره الا منصور
و حتى كاميرات المراقبه ناسيهم
اللحين 24 ساعه عيونه على الكاميرات
و اذا طلعت من المكتب يدق على مدير الشعبه و يقوله ليه منصور طالع
و لعن خير خيري
و كل شي اسويه يكومه فوق راسي
كل معامله فيها اسم منصور تتاخر عنده
حتى الاجازه اخذه بالملاعن و المشاتم
الوكاد اليوم الظهر و انا طالع من الدوام
و معاي بالسياره خويي الحربي ساكن معاي بالاستراحه
و خويي الثاني عنزي سيارته خربانه قل مالي خلق ازينه المغرب ارجع له
و ركب معاي
و انا احرك و اوقف عند اشارة عقده
و تفتح الاشاره و نحرك و ابي امسك ايمن الشارع و ما انتبهت لراعي السياراه الي وراي
و يقولي خويي و زين ما صدمناه
و هو يتعدنا و يسوي حركه غير اخلاقيه
و انا انغث و الحقه و معاي العيال اتركه خله يولي
ما ارد عليهم
و طردي انا وهو من شارع لشارع
و انا لابس عسكري
و خويي كلهم عسكر
و نزل من الدائري و راح حي النقره و وراه
و راح حي الشفاء و وراه و اخر شي وقف
و انزل عليه و ادقه دق و احط حرتي الي بالدوام كله فيه
و ادق على خويي المستلم و اقوله تعال بالمكان الفلاني بحي الشفاء
و جاء
و حولنا للقسم الشرطه
و ندخل القسم و قال وش السالفه
قلت انه مسوي لي حركه غير اخلاقيه
قال عندك شهود قلت ايه
و ساله وش اسمه قال فلان فلان الفلاني
يوم طلع ولد المدير الزفت
و تمسك معاي لعانه
و قلت ماني متنزل
و امسك العيال خويي على جنب قلت ترى الولد ولد مديرنا
و انا ابي اخذ حقي بالمحكمه عند الشيخ
العنزي قال طلعن من السالفه مالي خلق مشاكل
و الحربي قال انا معاك
انا و الحربي مسوي فينا البلاوي المدير
من ثلاث سنوات نبي ننقل يرفض
و قلنا جاء الوقت الي ناخذ حقنا منه
و قلت للشرطي الي بالقسم
ارفع القضيه
و رجعت الاستراحه و انا انام و يوم قمت مكالمات من العيال الي بالدوام يقولون
المدير مولع يبيك
قلت خير ان شاء الله
بكرى نتقابل
رد مع اقتباس
المشاركة الأصلية كتبت بواسطة العمدهـ
المفضلات