7‎ x 6 =

**أهداااب** · 26-10-2009 09:40

7‎ x 6 كم تساوي ؟؟

اللي يجاوب عليه نعطية نجمة ..

وش رايك أبله عطر ..

هذا السؤال له ذكرى مؤلمة في طفولتي ..

رغم أنه فيه من مواقف الطفولة اللي تجنن مهما تكلمنا عنها ما ودنا نسكت ..

كل مانتذكرها لا إراديا نضحك على عفويتنا وبراءتنا ..

المدرسة حلم أغلب الأطفال يشتري شنطة ويروح المدرسة ويصير كبير

وإن دخل المدرسة يتمنى يوصل لرابع عشان يكتب بأقلام حبر <~

طموحك ياشيخة ..

جدول الضرب وما أدراك ماجدول الضرب

ياما أكلنا منه كفوف و ضرب ..

وأنا بثالث إبتدائي كانت أختي فناطح بخامس <~ فناطح عيارتها ماهو اسمها !

ولحد يسألني وش معناه لاني مدري ! مع انه انا اللي اطلقته عليها بس

اذكر بمسلسل بدووي زمااااااااااااان الراعي حقهم يحب وحده اسمها

فناطح

المهم المديرة كانت مسوية حركة بعد ماتخلص الإذاعة تجيب سلة كبيرة

مقصقصة فيها أسماء طالبات " رابع - خامس - سادس " تسحب منها

والمقرودة اللي يطلع إسمها تطلع قدام أمة محمد وتنسئل أي سؤال في

جدول الضرب ..

وذات صباح أقشر تردد على مسامعي إسم أختي التسبيرة نادوها

نادوا أول مرة أختنا في الله مابينت ..!!

كرروا الإسم مرة ثانية وأيقنت إنها هي المقصودة لا أحد سواها ..

وأشوفها تتسحب بالغصب كنها شايلة على ظهرها إسطوانة غاز ..

وإلا رجولها مقيدة بسلاسل وبأطراف السلاسل هذيك الدائرة زي كذا ~>

قالوا لها : 7‎ x 6 ؟

وأنا أشوفها ياعوينتي تقلب عويناتها يقالها تفكر ..

وجهها قلب لونه لأحمر مشربآ بالصفرة " دليل الزنقة " وبس تبلع

بريقها وتناظر يازعم تتذكر ..

ولكن طال تفكيرها وطال صمتهااااااااا

ونفذ الوقت وتكلمت المديرة قائلتا ( إسفطي ع جنب يارعاك الله )

عاد السفطة ذي من غير الفشيلة فيها ست عصايات ولعنة خير ..

يوم سفطت مع قائمة الخائبات أشحت بوجهي بعيدا كي أتحاشى تساؤلات البثرات حولي ..

- هذي أختك صح ؟

- أهداااب أختك طلعوها !

- أختها ماهي حافظة الحين بتنضرب قدام الطوابير !

- يالله أختها كسلانة <~ هالكلمة هي التي قصمت ظهر البعير ..

أختها كسلانة

أختها كسلانة

أختها كسلانة

قلت مهي أختي .. من قالكم انها اختي !!

على كيفكم هي !!

بس نروح معها لأن بيتها قريب لنا وإلا مهي أختي ..

" النار ولا العار " <~ !!

فنطوحتي ..

أحمد الله أنك لم تحفظين جدول الضرب ذلك اليوم ..

فأنتِ لاتصدقين مدى سعادتي كلما عايرتك بتلك السالفة " ياكسلانة "

<< ما هو بنا ..

**εïз خزامى εïз** · 26-10-2009 09:45

يآشين عبآرة كسلآن وأحنآ صغآر
والله مثل شئء عيــــــــــــب
واللي تمآشي كسلآنه تحسين مثل الاهآنه
جد أشرر شئءءء

أموت بالريآضيآت وخصوصن التكآملآت
بس اختك مدري شسمهآ هههههه مآتنلآآآآم
لآنو انا وانا الحين ما احفظ الا جدول الضرب اليآ الثلاثه
ولآ بعد عقب 3*7 ما اعرف
لآزم كولكوليتر

بعدين وش هالمدرسه اللي يطقون فيهآ الأبلآت
خير وينّآ فيه ....!؟
ياآرب مدرسة عيآل على غفله ...!؟
شريريين

اهدآب
7*6 كم ؟؟
هههههههههههههههههههههههههههههههههههههههه ههههههههههههههههه

مرآ شكرآ ياروحي عالسآلفه
توونسين فديتك

**صعوة فسفورية** · 26-10-2009 11:27

ههههههههههههههههههههه

ياخت الكسلانه

سالفة ونستني كثير .. وسلمي ع فطاحل

**الشبث** · 26-10-2009 11:29

هههههههههههههههههههههههههه

ايا الخبله

بعتي اختس

بعتي دمتس يالرفلا خخخخخخخخخخخ

عزالله اردا فعايلتس هههههههههههههههههههههه

اهداااب

انتي غريبه

سالفه قالشه

بأسلوب مميز من اختنا اهدااب

انا مت من الضحك يوم قلتي ما اعرفه خخخخخخخخخخخخخخخخخخخخخخخ

حسبي الله على بليستس

وتقلدي تحيتي

**الشمـــ نور ــــري** · 26-10-2009 13:49

هههههههههههههههههههه
افا يالخايه نكرتي اختج

عادي شنو يعني ..هذا انا للحين ماعرف غير جدول واحد شنو يعني فيها شي..؟لا قولي فيها شي...؟

اهدااب وربي فضيعه هههههههههههههههه يا اخت الكسلانه خخخخخ

**أبو فهد** · 26-10-2009 15:39

عادي انقال لنا كلمات اكبر من كسلان و هذانا محد يناطحنا بالذكاء

والدليل لغز البيتزا للحين محل حلوه بالمضايف كله و تحديت بوه الجميع

علما اني معطيهم 3 أرباع الحل

اداااب هي اختتس اللي صفطت جنب ؟

خخخخخخخخخخخ

الله يقطع بليستك اكيد الجواب لا و لا عمري شفتها بس يمكن تشابه بالشوش

جزاتس الله خير على هالسالفة

فناطح قضن الاسماء

-----------------
أبو فهد الهمزاني

**ريتاج** · 26-10-2009 18:22

ههههههههههههههههههههههههههههه

ياما أكلنا منه كفوف و ضرب ..

اشوى مو بس انا يااربي لك الحمد

اخبر بنت عمي يووم سقطة استغليت الوضع وبس اعيره يالسااقطه

وهي تعيرن اول معيااره تووجع التسبد << تبتسي

<< الله اهدااب غرقنا مطر كثيييير

برووح اويتس واترشتس

لاهنتي عالسالوفه الحلووه

شيييييييييييع

**بنت الجبل آخت القصيد** · 26-10-2009 22:28

5×6 بثلاثين يوم .... غآيب عني وغآب النوم
ولما يجيني واشوفه بعيني .. احلف انه مآغاب ولايوم

5×6 مدري كم

.
.

يوووه يااهداب جدول الضرب مسوي ازمات ماليه واقتصاديه ونفسيه

ربك يعين

افاااا تبريتي من اختك

.
.