خبر اسعدني وحبيتكم تنبسطون معي

**واحد شقردي** · 24-10-2009 23:52

السلام عليكم ورحمة الله وبركاته

مساااااااااااء الخير

شلونكم ان شاء الله تكونون بخير

بشروني عنكم طيب وشلون المشرف القدير المتمرس الشرس (( الجثري ))

اخليكم مع قمشتي <<<< اقصد موضوعي

عاجل ( الدوحة ) -

ذكر موقع "استاد الدوحة نت" أن قناة الجزيرة الرياضية نالت حقوق بث مباريات كاس العالم 2010 في جنوب إفريقيا و2014 بالبرازيل إضافة إلى نقل جميع البطولات الإفريقية القادمة وهي دوري الأبطال وكاس الاتحاد ونهائيات كاس الأمم الإفريقية التي تستضيفها انغولا مطلع العام القادم.

وأشار الموقع في خبره الحصري أن هذه الخطوة تمت بالاتفاق بين قناة الجزيرة الرياضية والمسئولين في شبكة راديو وتلفزيون العرب (اي آر تي) حيث جرت مراسم توقيع العقد اليوم في باريس بحضور مدير إدارة التسويق في الاتحاد الإفريقي لكرة القدم (كاف).

يذكر أن قناة "الجزيرة الرياضية" تمتلك حاليا حقوق بث مباريات الدوري الاسباني والايطالي ودوري أبطال أوروبا وكأس أوروبا إضافة إلى عدد من بطولات كرة القدم الأخرى التي تبثها بالاشتراك مع قنوات أخرى.

ومضه كبر راسي

من شاف مباراة ريال الليله

لي شافها

وش رايكم بيوسف سيف
مع الهجمه الاخيره الفريق المنافس (( اسمه لخبطه ))

يوم قال ممكن الحكم يصفر الحين هههههههههههههه

الذله بنيت حلال

ما راح يتسنع ريال مدريد فريق على شكل كدش هاااااااااع

العشير

عقبال ما تكمل الشقه

وبس

دمتم بفرح وسعاده عاااااااااااااااارمه

**عبسي** · 25-10-2009 00:10

الله يبشرك بالخير يالغالي

عزالله أنه يفرح وعقبال ماتفلس العارتي

طيب الإشتراكات الجزيره راح ترتفع ولا لا

مثل أنا مشترك من شهر 9 وينتهي بشهر 9 2010

هل أسوي إشتراك جديد أو والاسئله تطول

المهم خبر مفرح لمشتركي البردغانيه

ههههههههههههههههههههههههههههه

أنت سمعت اللي سمعته والله كلو هوا الريال

ياحلو تشكيلة العام طيب لو يقابلون البرشا وش يصير

الله يعين بس شكلي أبقلب أصير كاتلوني

**واحد شقردي** · 25-10-2009 00:18

^
^
^

العمده فريق ريال وجعان ومريض مثل النصر عليهم دعوه

هههههههههههههههههه

بلاه وش ترجي من فريق طووووووووووووووووووووووط (( شفر الجثري الكلمه ))

,,,,,,,,,,,,,,,,,,,,,,,,,,

بنسبه الكرت الجزيره احس العشير يمكن يكون عنده خبر

اخبره صاحب علاقات ويشوف لنا كرت الجزيره بيرتفع او لا

الغالي شرفني مرورك وتعطيرك الصفيحه

**بسمة العز** · 25-10-2009 00:32

الحين انت مين شقردي والا ابوفهد والا واحدشقردي
ضيعتنا هههههههه

يلا مبرووك هالخبريه^_^

احتراامي لك

**أحمد** · 25-10-2009 15:11

هلا والله بواحد شقردي

ياقدمك

وين الساير على الطاري

صايرتن عليه شنبات هههههههههههههه

وياملا والله العافية على هالخبرية الممتازة ..

وياليت لو الجزيرة تكوش على كل البطولات وكل القنوات حتى سينما المصرية اللي عند art حقت الافلام ودي تاخذة الجزيرة ....

وبعدين انت ليه ماتقتنع ان كل العالم مهو بس يوسف سيف مايبون الريال ينهزم ولا حتى يتعادل وهذا هو الحال لمشجعي الفرق الكبيره ..

بس مانت ملاحظ انك تحاول تعدا على الملكي وانت الى هالحين مالعبت عقب هزيمتكم من فريق والله ياشيخ لو لعب ضد برزان مافاز عليهم خخخخخخ

تري مكاسي يالعزوه

**سلطااان السويري** · 25-10-2009 15:21

يعطيك العافيه على هالخبريه واحد شقردي

ايه زين مابغينا يالجزيره <<<<<<<<< شعندوه قاط مع الجزيره

ــــــــــــــــــــــــــــــــ

الفريق الملكي يبقى ملكي <<<<<<< ارحم يامشمش

وراح يتسنع ماعليكم

**منصور الـ ع ـطآوي** · 25-10-2009 15:24

يعطيك العافيه واحد شقردي

و ان شاء الله يكون الدوري السعودي الجاي مع الجزيره

**واحد شقردي** · 29-10-2009 14:19

الف الف تليون شكر للي مرو وشرفوني بطلتهم

وااااااااسف على التاخير

وش اسوي كل يوم ابني بلكه العشير خخخخخخخخخخخ

يعلني ما اانحرم منكم

ومضه

تقل السالفه اشاعه يمكن الجزيره ما تقدر تسوي شي

والله اعلم

دمتم بود

**ابو فارس** · 29-10-2009 15:32

حياك الله اخوي واحد شقردي

لكن اظن الخبر وراه ماوراه

لما خسر المنتخب السعودي ولم يتأهل
بدا صالح كامل ومجموعته يحسون بالخسارة
لانهم عايشين على السعودية وبيع الاشتراكات لهم
لذلك حاول يعوض خسائره بهذه الصفقة-

هذا لعام 2010
اما 2014
ففي باله ان لكل مشكلة حل
وسيجد له مخرج من عقد الجزيرة

ياكرهي لـ art
عليها قلة بركة من كثر البلاوي اللي تنتجها

دمت بخير