ـــآلثقبة ستـي ورآ مطعم فلفلة
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
<- يتنحنح ويعدل الشماغ
ياهلا ويامرحبا بي وبكم بربوع فلة حجاج
وأعتذر من أخواني الشبث والضاري وأبو غازي وجميع الأخوان اللي قصرت بتواجدي معهم بهالفترة الماضيه ...
تصدقون يالربع اول مره اصير مشغول هلون
احس اني عن قريب بصير مدير إقليمي ولا ابي اصير مراسل مكروف
بس يرسلوني أصور اوراق وأودي مفاتيح من مدير لمدير
وحده منهم مافيه خيار ثالث ابد
يقول الشاعر
انا جيت للثقبه قصدي طرب ياأخوان ..<- كورس صفقه
أبعطيك عنوآنه جنب جابر ابن حيآن//ثانوية الثقبة لثآم اشهب وطاقية
المهم شوفو الصحن بالأستراحة الحين اللي انا شابكن بوه الواير لس<- مقوي ويلقط شبكات بعيده حيل والأتصال على كيف كيوفكم
وش رايكم بسسس بي
الموهيم
بداية تخرجي من الثانوي متعزبن عمي بالجبيل وهو عزوبي وقته
وانا سهر ونوم ماأقدم ولا اروح بس هلون لعانه <- ماعشق وحدتن بحارة عمه
بس يقالي ادور وظايف وعمي شباب صغير يعني مايعلم علي
وباللي ماهداني خذيت السياره واروح أدور بقالة ابي سنكرس مسكت عليه الملعونه
الساعة 3 ونص وين ابي احصل مادري بس لقافه وفضاوه
وتحريت عمي يما ينام لأنه زعلانن علي ... جا العصر من دوامه ومعه اخوياه 3
يوم فتح البايكه الا انا شارن ملابسي على البايكه <- مسوين حبل وشارهن
ولقاني فارشن فرشتي بالحوش ومولعن شيشته وقدامي براد شاهي يقالي مروق الحين
والجو رطوبة مووووتن حمر وأنا جالسن بالحوش واشيش والجمر قدامي
أخوياه الله حق مرو وهم داخلين ولا سلمو علي تقل ماني مالي عيونهم <- تكفى
المهم نرجع لمحور حديثنا وانا اروح وأتمشى بالجبيل وماخليت حاره ماطبيته ومشغلن فيصل علوي <- فيصل يقول أن العشق فن ... تحس إن وراك 40 يماني لابسين وزره ويطقون صبع
نسيت إن السيارة مابه بنزين
وهي تطفي بي بجنب مبنى إدارة سابك وادور الجوال وللاسف ناسيه بالبيت
وانزل واتلفت تقل راس طير بوسط له خبرا مبرد
وآتربع على كبوت السياره من الطفش مادري وش اسوي
شوي الا هذي دورية الهيئه الملكيه وأنا اقمز وأأشر لهم وانا لابسن فانيلة وسروال
وهم يجوني يمشون 200 وهي تملا محياي الأبتسامه
وهو ينزل اللي بطنه ماشاء الله مترين قدام يعني لو تلبسوه جلابيه وتغيب وجهه تقول ماشاء الله بالشهر التاسع
وهو يجيني ويقول وش عندك يابزر
قلت افا ياذا العلم وســع صدرك ياعم
واجي يمه امشي وهو يحط يده على جنب تقل يبي يرميني ويصيح ارجع لاتقرب
وهو يجي وارفع يديني وعقب قالي امتد على الارض ويفتشن
ويفتش السيارة يوم مالقى شي قال وش عندك هنا...!!!!!
قلت بالله ياجمس بوند انا منقطع بنزين وزي ماتشوف العالم مستلحجه وكل ماأشرت سحبو علي
قال خلك هنا ولاتركب السياره ولا تر ابرميك هههههههه
واوقف يما جاني قال طلبت دوريات أمنيه يجون يحلون لك مشكلتك
وهم يجون هكاللحوج اللي مايطري عليك لاشفتهم الا طاش ماطاش
وهم يفتشون السياره مره ثانية وهم يروحون ثلاثتهم ويسولفون بعيد عني <- الــFIB على غفله ماهم سعيد ومقحص ومعتق
وانا اروح واتربع على الكبوت وهو يراعي لي حديهم ويقول انزل
قلت اقول سقها الله يرحم امك لاانت ولا ضباط الاستخبارات العامه اللي جنبك عندكم شي كمل الاجتماع بس
وهو يجيني يمشي ويمسكه خويه ياسعيد تعوذ من الشيطان
وهو يذبحن الضحك وانا متربع قلت الحين وش عنـدك يعني تبي تمد يدك مثلآ ؟؟ ولا تبي تخرعن علشان انزل ههههههه
وهي تجي دورية ثانيه ويطلع شمري <- نعنبا الحميه ياعالم بس ووووووووووهـ
وينزل ويسلم وياخذ استمارة السياره ويسئلن وش عندك وش ماعندك ويطالع للبنزين
قال فتشتو السياره تحققتو منه طيب عليها تعميم الرجال مطلوب ؟؟
قالو لا للحين
قال البلاغ صارله كم ؟؟ كل هذا وش تسوون يعني تطالعون لبعض هههههه
وهو يفزع لي ونروح نجيب بنزين وانا راكبن معه قدام بالدورية <- كاشخ
يوم جيت البيت الا هذا عمي شوشته طايره ويدخن بالشارع ومعه جواله ومعه شي ثاني ماني معلمكم وشو لأنه آله حاده وعليها محكومات
وماآذن الظهــر الا انا وشناطي وحوشتي عند عيال عمتي بالفناتير كرشن عمي ههههههه
وماعليش على الأطالة واي لاف يو أوباما وآي لاف يو كووووووووووووووبا
توسدو إحترامي
رد مع اقتباس
المفضلات