رديه بين المطيري والشمري
[poet font="Simplified Arabic,14,black,normal,normal" bkcolor="" bkimage="http://shammar.net/vb//backgrounds/44.gif" border="double,4,gray" type=0 line=200% align=center use=ex char="" num="0,black"]
هذه القصيده رداً على الشاعر/ هايف بن نعيم المطيري على قصيدته التي قال فيها :
على الويلان ساعدنا الطنايا = وردينا لعظمتهم يقينا
وابن رشيد اخنا جواده = وخذت في ملك فتنان سنتينا
لى ان قال
حربنا كلكم عشر القبايل = وعبرنا نجد منكم منثنينا
واكلنا راس عباس الظفيري = وياما روس من مثله كلينا
وإليكم رد الشاعر / منصور بن سعدي رجاء الرمالي , حيث قال:
بديت في ذكر من فيه استعينا = اله الكون في ذكره بدينا
عظيم الشأن رب الخلق الاوحد = تعالى الله خير الخالقينا
اله(ن) حرم الظلم وتوعد = توعد بالعذاب الظالمينا
ومن بعد ذكر بدينا بالمثايل = تركت النقص واخترت الحسينا
وارد الرد لابن نعيم هايف = واحذر من يذم الغافلينا
احذر مثل هايف كل هافي = يتجنب لا بشره يبتلين
يتجنب كان هو يبغى حياته = وياويله كان هو طالح بدينا
يعيف الاوله هي والتوالي = ويعرف افعالنا ليامن بلينا
ويعرف ان الفعول فعول شمر = وشمر بالفعول المثبتينا
انا ماذم حمران النواظر = ولاانا من يسب الغافلينا
اخاف الله انا وادراء عذابه = وعسى ربي من الظلم يحمينا
ولكن بلاني هايف الي = ذكر لي غلبنا غلب(ن) علينا
بدى في ذمنا والبادي اظلم = فتل حبله وبالنقص ابتدينا
تمادى بالغروروبالمذمه = ظلم نفسه وجعل حظه دفينا
غزانا الهيس بلسانه واخذنا = وذبحنا بالكلام ولادرينا
ردي النفس مادري وش اصبه = ولا ادري وشبلا الخايب علينا
ولاادري وين ربعه عن كلامه = علامه مالقاله ناصحينا
قليل العرف مثل الورع ينصح = ولكن مانصحوه العارفينا
ولا دري وشبلا الجاهل تجاهل = فعايل من لهم فعل(ن) يقينا
جهل فعل القبايل غير شمر = ويقول ان مطير نجم معتلينا
ولكن محد(ن) حسب حسابه = ولا لحساب من مثل خذينا
احده وان بنا بيت(ن) نهده = واذا عاند على خشمه وطينا
اهينه لين ينسى بأمس وينه = ولا يعرف اليسار من اليمينا
وينسى كيف ينظم القوافي = ويتبدل زجره الماضي ونينا
الا يالذيخ وشخلاك تكذب = وتحط نفسك في مام الكاذبينا
تقول بكير ذبحت الطنايا =متى ذا صار ياأبليس اللعينا
على كيفك تذبحنا بزيفك =بزيف وكذب واوهام تغزينا
ترى في كير ماذبحت شمر = خذيتو مثل ماحنا خذينا
ولكن اذكرك بأم الجماجم = بها زدنا عليكم واعتلينا
هزمناكم بها اكبر هزيمه = وترى ماسلمو الا الهاربينا
بها صلنا وجلنا لين نلنا = ورجعتو خاسرين ونادمينا
تندمتو على حرب الطنايا = ورجعنا للغنايم كاسبينا
طنايا نروي الظامي من الدم = على راس المعادي له حنينا
واذا يالهيس تجهل فعل شمر = سل التاريخ يعطيك اليقينا
واذا انك ناسي له ماتذر = ترى التاريخ يذكر مانسينا
وأسئل الاجواد عن تاريخ شمر = كبار السن والي فاهمينا
يعدون الصحيح ويقنعونك = واللي يخفاك منهم لك يبينا
هل الذمه هم التاريخ سلهم = ولو هم من عربك الاقربينا
تركد وانشد العقيل عنا = قبل تنظم وبالقيل تهجينا
تقول مطير صارو عون شمر = على الويلان معنا قايمينا
متى شمر طلبو العون منكم = كذبت ولا لكم فضل(ن) علينا
ولكن قل مع إبن سعود قمتوا = ومع مبارك وقفتو وإلتقينا
وعليكم بالصريف الرعب خيم = ورجعتو مع مبارك خاسرين
اعنتوهم علينا وانهزمتو = عوين(ن) خيب ظن المستينا
فلا نلتو مديح ولاسلمتو = مثل من عايد يم القريتينا
وتقول الضيغمي شلتو جواده = وخذت في ملك فتنان سنيتينا
اقول انت تهبأ كاذ وكاذب = لعنك الله لعنه كل حينا
تقول انه قليل إلي قلبكم = وتقول بكل وقعه فايزينا
ونسيت الغزوه الي كد غزاها = حد إللي باحجاز مسيطرينا
ابن عون الشريف اسمه محمد = غزاكم وين فعلك مايبينا
وشواهدها قصيده من غزاكم = ونفس النص موجود لدينا
وغزانا والتقينا به بموقق = وحنا الي ثبتنا منتحينا
تقابلنا وصار الصبح ظلما = شيب من الفزه راس الجنينا
صمدوا فريسنا تسعين ليه = سناعيس(ن) لضده ماتلينا
وجت زوبع وطير العز غنا = اناشيد النصر للصامدينا
بذاك اليوم سمينا الطنايا = طنيا مانهاب ليا طنينا
طنايا مارضينا بالمهونه = ولا نرضا المهونه ماحيينا
طنايا الالذل ما ننزل جواره = وعلى انفسنا المذله مارضينا
طنايا وان نطحنا كل غازي = يتراعد خوف من يقبل علينا
طنايا من حربنا له ضربنا = نصب الويل فوق إللي يجينا
طنايا نارد حياض المنايا = اسود بالحروب مجربينا
طنايا عندنا تحل القضايا = حرار(ن) بالعلالي معتلينا
طنايا نكرم العاني ونعطي = وعطايانا الجلايل ليا عطينا\nطنايا وان نصانا كل ضايم = يشوف العون من ساعه يجينا
فكم من واحداً ضاق وزبنا = زبنا مستظيم وله حمينا
[/poet]
رد مع اقتباس
المفضلات