أنا رديت لعيونك انا رديت
السلام عليكم ورحمة الله وبركاته
بالخير يالربع و المربعات و شلونكم أنشاءالله بخير
أبشركم خلصت محكوميتي و رجعت أنسان جديد و عضو فعال في المجتمع
يا ويطي بس
الوكاد الله فك أسري و نجاني من هالسجن
بس أنا شرهان عليكم محد زارني
ولحد جاب لي دخان و بطاقات سوا
و لا جاب لي حلاوة طحينية ( رهش ) و جبن
أبد تسيف لله محد فقدن
بس الحمد لله أزمة و عدت
صراحة أشتقت أكتب بالفلة لو أني زعلانن على الشبث بس
ولد عمي ما أقوا أطول بزعلتي عليه
أغليه المروح
يالربع على طاري الريحة الخايسة
هذا مرتن كنت طالعن للبر بعز الشتا أقنص حمام و قطا
مشت عليك يالجعيثن ( حمام و قطا بعز الشتا ) ههههههههههههههه
الوكاد و كل ليلة شابين وقدة و نار مانا كبرة
و دخان الحطب يعثور و مسكبر بالخيمة صايرن تقل غيمتن فوقنا
تقل مسعرين بشوشة يوسف
أويطي تذكرت يوسف
يوسف أشتقت لك يا مغذور
حسبي الله على ألي حال بيني و بينك
تنكس يا شنقل
اشتقت لك أنت بعد شنقلوووووووووه
و لا يهون حيل و الضاري و الجثري و واحد شقردي و ليالي و شرهة صعوة و ريتاج و روح حايل ونسمة حايل و رفحاوية نت و فارس الصحرا و شامان و فتى البيداء و الحنشل
و بالمحتصر
و كلكم والله مشتاق
و زكي جمعه ؟؟؟؟؟؟؟؟
مين زكي جمعه ده ؟
هههههههههههههههههههه
الوكاد نرجع لسالفتنا
و زي ما قلت كل ليلة دخان حطب لين صارت ريحتي تقل أرطاة
و أخر يوم بالكشتة و أنا يقضي باتري جوالي يعني طافي شحن كهرب
و اجي و انا احطه بجوال حدا العيال و أكلم هلي
وعقبن خذيت شريحتي و حطيته بمخباي
و هذاك علمي به
و أدوره عقب و لا حصلته منا منا لله مامن شين
و أنا تخرب الطلعة عندي
و أزعل و اشغل سيارتي و قلت يا ولد مابه كلام قطوع للأتصالات
و أطلع شريحة جديدة
تعاجزت أروح لهلي و أخذ لي دش و أتروش ذليت أني ما أطلع بهالبرد
قلت أنجز شغلي أول ثمن أروح للبيت
الوكاد و أنا أمشي من العيال العصير
و اصل الديرة قبل أذان المغرب
بس أنهم قالوا مافيه وقت تعال عقب الصلاة
طبعا كلمني موظف الاتصالات و هو متلطم و عيونه حمر تقل حاشرينه
مع تيس بلهم كرتون ثلاجة
هههههههههههههه
الوكاد قلت ماني رايحن للبيت
أبصلي بأقرب مسجد للاتصالات و أنكس لهم بساع
و انا أروح لمسجد قريبن لهم
و متلهلم بفروتي و متلطم بشماغي
و أتوضا و أدخل المسجد
يمار كل ألي بسط المسجد ناس نظاف و باينن عليهم أنهم حضر
ناس هاي كلاص
ما هم مثل زينين الحلايا جيراني
محماس العتيبي
وتاح القحطاني
ردن المطيري
مزلوه العنزي
عوضة الشهري
سباح شراحيلي
نباتة عسيري
و عمدة الحي عصويد الشمري
هذولا من أسمهم تدري أنهم كل شهرين يتروشون مرة
متى الله يفكني منهم بس
الوكاد يوم دخلت المسجد طبعا خذيت لي زاوية
علشان الريحة طبعا
أنا و ريحتي تقل بس ممطور
و يوم اقام الصلاة و أنا أجي اقدم
و هو يصير بحنبي وغد و ابوه
يوم شفت الوغد مدري ليه ذكرني بطفولتي
ما شاء الله عليه وجهه يلصف من النظافة
و شعره ممشوط و مرتب و لابسن رياضة
تذكرت أول يوم أنا صغير يوم أمي تلحقن بالنعلة علشان أتروش
يوم أخوي يسوي بي سفلكس خلفي و ينزل على كوع
علشان أجي أتروش
يوم أخذ ملابسي و أرش راسي و اغير ملابسي
و اطلع من الحمام و اقول لهلي تروشت
و انا أكذب
و تكشفني أمي الله يرحمها و يعطيني أخوي ش****
تقول أبو شروان شايت فاول برجله اليسار
و يديور بي للحمام
أيام للتاريخ
المهم و أنا ارجع لسالفتي
و يوم صلينا و خلصنا و هي يجي الوغد
و يقول لأبوه
بابا هذا ريحته موب زينة
لا و بصوت طويل و الناس تسمع
أنا صراحة وقع وجهي تفشلت و قلت يا ليتن مصلي بالورشات بالصناعية مع الهنود
تسان محد مفشلن منهم
و هو يجي أبوه و يسكته و يقاصيه
مدري ليه أحس أنه قال لولده
بابا أذا ما تروشت تصير ريحتك كذا
أحس أني صرت مثال حي
مضرب للمثل
و أنا أطلع من المسجد
و ركضة للسيارة
و أنتل السيارة بالثاني و للبيت
و طوالي للحمام و أخذ لي ساعتين ترويشة
ليما راحت ريحة الحطب
و أشوا و منها أخذت درس من هالوغد أني ما أطلع من البينت ألا و انا متزركش
و متمنجه أخر منجه
أحبكم كلكم
ملاحظة :الجعيثن متزركش و متمنجه أخر منجه يعني طاعج و ساكب
رد مع اقتباس
المفضلات