[align=center]
...
..
بعض القصائد تأتي بلا مقدمات ... وهذه المشاركه كتبتها كما هي
،،
،
ما للشعر قيمه وقدر ومكانه
إن ما طلع من قلب صادق وحسـّاس
لا دارت الفكره بعقل ورزانه
ورّدتها لعيون ملهمة الانفاس
دلّوعة ٍ خالط دلعها شطانه
قلبي وطنها والحرس عوج الاقواس
محد ٍ تجرّى قبلها في كيانه
من بعدها ما همّني باقي الناس
شاني انا والناس كل ٍ وشانه
راسي على مبدا وذمّه ونبراس
ان المحبه عهد بالله وامانه
ساس ٍ بذاتي والمحبه على ساس
واقع حقيقي واعتبرها تكانه
ما دامة الدنيا وما دام هالراس
يكفي طروق الشعر اعجاب دانه
لا صفـّقت لي بالزمرّد والالماس
كنـّي ملك ما غير يشّر بنانه
تمشي له الدنيا على اشكال واجناس
وفلـّة حجاجي ضحكها في ميانه
مستانسه ،، متناسيه كل هوجاس
صبح ٍ جهم ليل العنا من حنانه
نفس ٍ شماليه على عود ميّاس
نبع ٍ تفجّر لي بصحّة لسانه
اضيع وارجع وآتجمّع وأحتاس
هذا بلا قلبي وزايد جنانه
اضحك على نفسي وانا آقول لاباس
وهذا اوان الشعر هذا اوانه
والقول في وقته يجي في نوماس
شكري وتقديري يفوق امتنانه
من زود شوقي في شعوري والاحساس
غطـّى على الوجدان في كل خانه
لالهامي الدافي بلا حد وقياس
قلت الحقيقه والجريمه ادانه
فيها اعترافي واضح ٍ بين الاقواس
(( ما للشعر قيمه وقدر ومكانه
إن ما طلع لعيون ملهمة الانفاس ))
اخوكم .. بشير اللويش .. الراسي
[/align]
رد مع اقتباس
المشاركة الأصلية كتبت بواسطة بشير اللويش
المفضلات