يحتاج لشاعر مع الشعر تركيز.....حتى يتمكن ويتفوق بالانجاز

**ابن مرداس الشمري** · 12-10-2009 02:50

بسم الله الرحمن الرحيــــــم

..اتمنى هذي الابيات تحوز على رضاكم واعجابكم.. والقصد هو الموااصل معااااكم
لكم منـي جزيل الاحترم..

يحتاج لشـاعر مع الشعـر تركيـز

******* حتى يتمكن ويتفوق بالانجاز

وان بان كسـر البيـت عابه ولاجيـز

******* ضعـفن على الشاعـر ومبناه ماجاز

وزن الشعر يعطي زخارف وتميـيز

******* وجـه القصيده لين بالقـاف تمتـاز

والشـاعـر المبدع معانيه تعجيــز

******* دايـم طواريقه جزيلات واعـزاز

على الورق طرّز قوافيــــه تطريـز

******* تلـقى المعانـي تدّرجلـه وتنحـاز

من جرعة المعنى عطاهـن براويــــز

******* حتى المثـايل تنـتصر ضد الاعجـاز

جهدن من الهاجـس و دعمـن وتعزيـــز

******* من لا شتغـل عقله مع الشعـر مافـاز

والقـاف لاقــــوه ولايــنـبـدع تـــيــــز

******* هو بـوح من لب الهواجيـس وافـراز

عـوز المشـاعر حين يثـربه العيــــز

******** واحسـاس نبضٍ ينتـفض تقل هــزاز

**عبدالله الجعيثن** · 12-10-2009 08:00

ابن مرداس

صح لسانك

جزالتك واضحه وماتحتاج لدلايل

ونحن نرحب بكل ماهو جميل ورائع

[poem=font=",6,orange,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
والقـاف لاقــــوه ولايــنـبـدع تـــيــــز= هو بـوح من لب الهواجيـس وافـراز

[/poem]

هذا البيت عن قصيده....صح لسانك

**ابن مرداس الشمري** · 12-10-2009 16:04

حياك اخوي عبدالله .. صح بدنك

وانا انسان لاشك اني اخطي مانقول نزيهين عن الخطاء لكن .. مثل ماطلبت المنتدايات
وجهات النظر وماشابه ذلك نحترم ونقدر كل وجهة نظر حتى لوكانت النظره عمياء

لك كل الاحترام والتقدير يالنشـمي