بســتوك أو بسكوت

**يـــوسف** · 12-10-2009 21:31

إسمعو لحد يروح توي منزل برنامج ويحمل

شوين بس يحمل وانكس لكم

زين لحد يروح

**عبدالله الجعيثن** · 12-10-2009 21:34

معك نص ساعه

بعده.........

**الحنشل** · 12-10-2009 21:40

ابو غازي

ما تخبر لي مدرب بلياردو

**يـــوسف** · 12-10-2009 21:45

^
^
^
رح خل صعوه تهزمك هههههههههههههههههههههههههههه

**الحنشل** · 12-10-2009 21:48

كل شي الا صعوة << تجيه نفاضه يا سمع اسمه

**عبدالله الجعيثن** · 12-10-2009 21:58

^

^

ابو فارس يدرب ....... كان تبون مدرب

**أبو فهد** · 12-10-2009 21:58

المشاركة الأصلية كتبت بواسطة يـــوسف

السلام عليكم ورحمة الله وبركاته

وعليكم السلام ورحمة الله وبركاته
صبآح الخير يالربع ويالربعات وش اخباركم ياعلكم طيبين

مساء الخير يا أبونا ياعلك طيب
أحلى تحيه للاخوان والاخوات الغايبين

<- إن شاء الله نسدح ابو شداقات هذا لهم عن قريب
الله مار يحييك تسنك داري اني موب بوه

زي ماتعرفون اني ولد مؤدب ولا آحب المشاكل ولا احب اللجه

انشهد

السالفه هذي بسوق النعيرية تقريبا وتحديدا مادري بس مبطي

اعترف وين ؟ يا علك لسوق الخميس

وآكشخ ياأنا بثوب الدفه والرقبه واسعه وتحته سروال رياضه ازرق وطاقية ام جنيه

وآجي أبركب وهو يطردن ولد عمتي

مدزدي

<- ماسويت له شي قسمن بالله بس اني مولعن طرطعانه برجله وهو نيم البارح

وانا ابتسي واتمسك بالسياره وهو يوقف غصب وانقز ورا

لو اني محلوه شبيت طرطعان بطاقيتك

السوبر يالربع اللي بوه اصغرهن عمره 40 وكلهن عجز يجيلهن فوق الـ10

وانا بوسطهن تقل راس طير وابتوسم واطلع من مخباي علك وأوزع عليهن

لو انك موزع حب اصرف لك

يوم وصلنا السوق وانا أنزل واحط ثوبي بسروالي ومعي شوحط حاطه تحت اباطي

يعنني رجال مع الحريم هههههههههههه

انا اقول راعي غنم

بهالكاصورة

وهن يتفرقن وانا ابلش <- اللي جو سوق النعيرية يخبرون الزحمه اللي بوه
مابوه زحمة بس الزحمة والله بمخك

وانا امشي ورا لي عجوز على انه عمتي الكبيره

المهم المهمات

وفي بنت بجنب امه وانا اراعي له وهي تبتسم وانا انزل راسي واراعي بطرف عين مابي احد ينتبه

<<<< يتذكر حركات القصبي في دور عليان

وباللي ماهداني طلعت علك وانا أمده له
براءة ابو طاقية

والضحكه شاقتن وجهي

علها دوم

وهي تاخذه وتغيب ورا امه

اكيد يالدرو اجل تبيها تغيب وراك

وهي تجيني رعده وطنخه غير شكل

الا على مرت شباب من جنبي ويغازلون بنت تمشي
افاا >< يبلغ الشيخ أبو فهيد رئيس الهيئة

وانا امحط حديهم بالشوحط لاشعوريا

<<<< متعاون

يوم محطته وانا اراعي لعشيرتي واتبوسم واحط الشوحط تحت اباطي

ماخذيت الا اذني له صفير

اكيد شلوت

وماامداني التفت الا فقرات العامود الفقري انضغطت على بعض من ضربتن جته

يمكن كف

وانا اتحرول

وتبوني انحشت ولا زبنت بعمري

نكست وانا امسطوه مرتن ثانيه بالظهر وهو يلتفت لي
القرادة

وامسطوه بالوجه هههههههههههههههههههه
اها اجل و انا انشد عن واحدن بالسوق تقل خبيل بوه سطوة بالوجه اثاريها من شوحطك

وهم يتكومون علي وانا يالربع حتى شاربي ماطلع ياويلهم من ربهم اللي مايخافون الله

خل اللي ورزعت عليهم علك ينفعونك

ويا الله يفكوني العالم وتجي حدا عجزنا وتدعي عليهم وانا ماسكن البتسوه

تخبرون العشقه تراعي لي <- امحق من عشقه

ويوم ركبنا السياره وهي تطري علي طاقيتي

الا يا ربييييييييي
طاحت بأرض المعركه وهم يعيون ينكسون له ويشرون لي درزن من كثر البتسا

تستاهل اكثر

ايه صح يالربع

نصيحه لحد يقرد روحه علشان حرمه تره لاشافت الصحيح تنحاش وتخليك وحيد بأرض المعركه

الا لا صاروا حولك حواليك

تستاهلون الزين يالربع بس اندبلت تسبدي ابي اكتب زي هالعالم وكتبت لكم هالسالفة طرت علي مشوين

الزين انت و منك

توسدو إحترامي

ابو يعقوب شف انا ما اقوى اشوف لك موضوع و ما أرد

لازم أرد

ما تطاوعني نفسي

لازم اقول

بيض الله وجهك و رسم البهجة على محياك

----------------
أبو فهد الهمزاني

**فوووز** · 12-10-2009 22:05

وآكشخ ياأنا بثوب الدفه والرقبه واسعه وتحته سروال رياضه ازرق وطاقية ام جنيه

وكني بثوبك يابس عليك خخخخخخ

لا وترشي هالعجز عشان يفزعن لك

بس علشان تدري أن ولد عمتك مقدن بك.. يومه مايبي ياخذك معهم

خابرك وش بتسوي من بلاوي..

وعلى فكرة نصيحتك حلوه

**يـــوسف** · 12-10-2009 22:51

المشاركة الأصلية كتبت بواسطة الأقحوان

الله يقلع بليس عدوك طلعت دموعي من الضحك ياخالي >> ماتقلد الضاري
مايمديتس علامة تجاريه مسجلة

ايو الله الحريم هن راس البلاء هاه انضربت عشان ام علك وبعدها وش صار ولاشي
شفتي شلون طلعت مفلس ههههههههه
بس جلد وتمغيط على بلوشي

عشت وتجيب لنا بسكوت ميزان

ايه يالأقحوان ابشري بكراتين بستوك ميزان

لاهنتي على هالمرور وتسلمين وقصم

**يـــوسف** · 12-10-2009 22:54

المشاركة الأصلية كتبت بواسطة سلطااان السويري

اجل اذنك له صفير

هههههههههههههههههههههههههههههههههه

<<<<<< والله ياضحكت ياما التفتو علي الموظفين قالو خير بك شين<<< وانا انغمت على الجهاز واقهقه بصمت
يحسبونك مدمن

ولذعت

الله يرجك يايوسف رجا مبرحا
لاتدعي على بالرجه ياعلك ماتعرس

ـــــــــــــــــــــــــــــــــ

الحنشل طلعت من ربعنا

ا( من عاصمه الربيع ومدينه الضباب)<<<<<<< حفر البراطم

ايه الحنشل من اهل الحفر وحفراوي اصلي بعد يديه بهن دق ههههههههههههههه

لاهنت يالغالي على هالمرور وتسلم