بالتحديد في عام 1421 هـ
وبالتحديد اكثر في يوم الاثنين ليلة الاحد << قام يخور من اوله
كان الوقت ربيع
وكنت برفحاء وقته كعادتي السنويه
لاني بصراحه احب الربيع برفحاء والمناطق الشماليه عموماً
وش احلى من الروض الخضر وشبة النار ورجال شرواكم
المهم
كنا جالسين نلعب ورقه ببيت عمامي
والزقرت مجتمعين
يعني عيال عم وعيال خال
وهو يدخل علينا حدى عمامي
قال وشرايكم نروح باتسر مخيم
حنا بهاللحظه حوالي الساعه 12 بالليل
قلنا تكفىىى
قال خلاص
بكرى نبي ناخذ عوايلنا ونروح مخيم على كيفكم
مكان راااايق
بس ضبطوا الوضع ورتبوا الخيام
وانا ابروح انام ومن الصبح نبي نمشي
وحنا نقوم وانواع الاجتهاد
ما جاء الصبح الا وكل شي تماااام
ونشيل القش ونرتسب ونطلع
طبعاً بس حنا الشباب علشان نبني الخيام ونضبط الوضع
قبل يجون العوايل هم ووجيههم << غاثينوه يجون ويلقون كل شي جاهز
بس حلات المخيمات التعب
المهم
نزلنا اغراضنا وبنينا خيمتين
وبهاللحظه وليت انا
مواصل ومنتهي
قلت يالربع ابنام انا
قالوا رح نم
وانا افرش الفراش بوسط الفيضه واطقه نومه
ومن الظهر الى بكرى الصبح وانا نيم
واقوم مع العصافير
مفلل نوم ورااااايق
واقوم اشب النار واعين من الله خير
واجهز دفتري ( يخبرون سالفة الدفتر اللي حضروا مخيم الخفجي )
الوكاد ان العوايل كله محضره والامور جاهزه
ومخيم مجهز من مجاميعوه
وانواع الوناااسه
وهذي دله جايه وهذي رايحه
طبعاً كان للحريم خمس خيام بجنب بعض
وحنا الشباب خيمه وحده وتخب علينا
مع اننا حوالي 15 نفر سيم سيم كفر
بس مستانسين ومعينين من الله خير
وكل يوم انواع التمشيات ونوب طيران وسامري الضحويه
عادي البر بريره والهم بالديره
وكان بوقته فيه فقع وعلى كيفكم
واذا اصبحنا شالوا عوايلهم وراحوا حول الحد يلقطون الفقع
الا حنا اللي مالنا بهالسوالف نجلس بالمخيم
نسوي الغداء ونضبط الوضع لربعنا
وبيوم من الايام جانا واحدن من الربع معوه ذبيحه
وعايلتوه معوه
وكان معوه بنيوات
ويصوت لي عمي يا شبيثااااان تعال
الوقت هالحين العصر
وانزل الذبيحه واربطه
قال عمي وش رايك تذبحه وتصلخه
قلت زين ابشر
وانا اروح للذبيحه
يوم راعيت ولا البنات طلعن يبن يتمشن
ابوووك يالدرج
وهي تجيني جنيتي يالربع
دريت اني وخذت
واللي زود الطين بله انهن قامن يراعن لي وانا ماسكن المسكينه
وانا ازم الذبيحه فوق واضربه وانبطح عليه وانواع البقوس << جتوه الحاله
واذكيه
والله العالم انه ماتت من التطعين
يوم جاني عمي ليمار دمه من كل مكان
مشققه تشقق
ونرفعه انا وياوه ابي اصلخه
ومن اللعانه شادن حيلي واقطع كل قوتي
وبحدا المرات يالربع وانا انتل السكين وهو ينتف صبعي
وانا اصيح
قال عمي وشبلاك
يوم راعيت لصبعي ولا منفتح يالربع
اشوف العظم
وانا ابرطم واقوم ابتسي من الوجع
ويجي عمي ويمسك صبعي ويحط عليه رماد علشان ياقف الدم << عليهم افكار
ليه انا سطل مشقوق ولا ادمي
الوكاد ان دمي يصب تقل بزبوز
ويالله نربط صبعي والدم للحين يصب بس اخف من اول
وقمت ارتجف الظاهر قمت اقطع ماباقي بي دم
يوم تعشينا
قصدي يوم تعشوا الربع وجت حزة النوم
طبعاً حنا بالخيم متلخبطين مافيه اي ترتيب
تلقا هذا على هذا
ورجل هذا على راس هذا وهذا رجلينوه برا
عااادي
وانا انام على طرف علشان امد يدي ومحد يجيه من هالخبول
وانااام
وبنص الليل
واقوم
حسيت وجهي يابس
وحيلي مهدووود
وانا اراعي لصبعي ولا الدم رايح كلوه
هالحين ابي اقوم اصوت لعمي يلحق علي قبل اموت
حسيت نهايتي قربت خلاااص
وما قدرت اقوم
الله العالم الكراعين فضى الدم بهن
والمشكله وجه عمي عند رجلي
يعني لو ابي ارفسوه صعبه
وانا اقوم اون ابي احد يحس فيني
ولا حياة لمن تنادي
بالاخير قلت ياولد ما يبيله انقذ نفسك بأي شكل الوقت مهو بصالحك
وانا ارفع رجلي اليمنى
واراعي لوجه عمي
ولا يشخر
باين عليه حبيب
قلت بقلبي تكفى سامحن يا عمي
والله ماعندي الا هالطريقه
وانا ارفسوه بالفره
وهو يقمز تقل مقروص
الله حق قلت بقلبي يا سلااام مسوي فيها نبيه انت ووجهك وانا من اليوم اصايح
وهو يجي ويغولن
يحوووول يحسبن فاضي لوه
يوم خذالوه شوين
قال شبيثاااااان
قلت لا حنفو الهندي
شرايك يا عمي ماني شبيثان
قال ليه وجهك ازرق
قلت تخبر اشجع الزعيم واليوم مباراتهم
شرايك بالله افزع ترن وخذت ودمي برقبتك
وهو يقعد حدا الزقرت ويشيلوني ويحطوني بالجيب
ويدعسون للمستشفى
ويالله يلحقون علي
اويلي يا غميضتي لو انا قالش
عاد الدكتور سوداني اول ما شافن يقول مالو الزول دا وجهو عامل متل التشبس
قلت تنكت انت ووجهك هاللي تقل بريدز كشته
انقذن لا انتحر بك
وابشركم جت سلامات
ولا تهملون النزيف يا اخوان وانتبهوا لصغائر الامور فقد تصبح كبائر
<< اطلع برا هذا اللي طلع منك
وتقلدوا تحيتي
رد مع اقتباس
المفضلات