كليتي وجامعتي الخنفشاريه ..
السلام عليكم ورحمة الله وبركاته
في مدينتي الخنفوشاريه ...
قبل ندخل الكليه مدري جامعه كانت عندنا احلام بالجامعات خلف الله علينا نحسبها مثل جامعات الي بالتلفزيون..شكل وكوشخا ومظاهر خلابه..اكسفورد وهارفورد والشله الباقيه..
اقلها زي جامعات الرياض وجده.. <<مالت على حظي.
الادها والأمر من كزا.. انهم مطلعين اشاعه ان جامعتنا فيها حصص رياضه والله من قوه الصواريخ الي عندنا..
نرجع للهم اول يوم دوام.. طبعا من الخوف مكلمه كل البشكه اقولهم تكفون داوموا ولاتسحبون.
مدري رايحه جامعه ولا غزوه..!
وغاثه اهلي وش البس شراب احمر ولا تركواز<<ذوق آم العبيد..
وماتركت خلطه ماخبصتها بخشتي عشان يزين..<<لايصلح العطار ما افسد الدهر..
وجاء وقت النوم وانا ماهداء لي بال..<<ازمه قسمن قسمات..
واذن الفجر(الله اكبر الله اكبر) ودقت ساعه الصفر ..*
وكلمت البشكه اتأكد انهم قايمين ومتجهزين**
واقوم واضبط الكشه.. والحاله حاله والعيون حمرا<<تحلفون مركبه زينون احمر..
واركب السياره ومعي خواتي والحلوات مستانسات المريول يطقطق والشنطه لولي كاتي والنفسيه رايقه<<تذكرت حالي اول شنطه عليها النمر المقنع مقلده اخوي حسبالي نداوم انا وهو بمدرسه وحده..
المهم انا لي ساعه ادعي ان الله يستر من اول يوم:'(
وصلت الجامعه اول ماشفت لونها قلت يالله دخيلك من هالدهان الي صابغها..!
لون مدري وش يبي من الحياه..!
برتغاني على احمر شي يزوع التسبد..
قلت هذا اوله ينعاف تاليه..
دخلت برجلي اليمنى وانا اقول يالله سترك..
واول مادخلت وانا اشيل العباه الا في وحده واقفه عند الباب يمه تخوف تحسها معمره بالكليه:'( ووهي يمار تطالع لي وخويتها تطالع ويتبسمن قلت لذا الدرجه انا كشخه واستانس وافق الكشره
وابتسم لها وهي تكشر قلت يمه
طلعت لها ام العبيد قلت خلني ساكته لاتمردغني..
وانا امشي وادور موقع أستراتيجي اعدل فيه الكشخه لاني ماني عارفه موقع الحمام يكرم القاري..
وانا ادخل بزاويه واطلع مرايه<< جايبه كل العده..!
واطالع شكلي الا القذله طايره<< وانا اقول في نفسي وش عندها آم العبيد المعمره تضحك علي<<بسم الله علينا ..
المهم كملت مشواري في جامعتنا الحبيبه الا اشوف في الساحه الخارجيه مدري الفناء الخارجي<< آووم الذرابه..^_^
وانا اشوف في كل زاويه فيه مزهريه كبر جدت جيرانا..بس مافيها ورد فيها حشائش خضراء<< قلت يمكن يبون يحطون نجيل فيها بدل مايحطونه بالارض يعني حركه<< بس اكتشفت انها طحالب من عام كسرى وقيصر..ههههههههههههههااي
ويوم دخلت المبنى بروح للعميده بسئله عن القاعات الا تجي سكرتيره العميده تقول (ايش تبغي وكاله بدون بواب)
وانا احسبها العميده طلعت كل خبالي واقولها جايه اعطيك وصل حق القسط يادكتوره<<اكتشفت ماعندها ثانويه.. ><"
قالت:يلا عطيني وعلى قسمك:% يلا << جرحتي محاسيسي ياطرشي البحر..
قلت: طيب وانا مدري وين هي هابه..
وانا رايحه ادربي راسي.. الا اشوف لك استاذه (قسم قسمات) بعير مو ادميه وانا انخررش من قلب وتشوفني وتضحك شكيت ان فيني غلط لقيت حمامات بوجهي وادخل بعدل قلت يمكن القذله شنفت مره اخرى..
الا مافي مرايا بالحمام <<اكتشفت انه ممنوع بس ليش الله اعلم<<يمكن اكتشفوا انها تسرطن ادخل على الله..!!
طبعن طلعت من الحمام واتمشى بمبنى الجامعه يخرب بيت المهندس الي صممها يا سكران يا محشش متاهات مو جامعه كل مكان فيه باب..!
بعد ساعه من الهم..
ويوصلون البنات وانا ترتاح نفسيتي قلت اشوا مو انا لحالي ادربي راسي..! (thanx god )<<متعوب عليها
وتبداء المحاظره الاولى
واروح احظر الا بدينا بماده مرآآ كسير سخيفه مال امها داعي ..!
وتجي تقول الدكتوره انتي يابت!!
روحي جيبي لي (البروجكتر)انتي والي جنبك<<قلت يمكن لاني احلا وحده<<بس اسلوبها يقهر حسستني اني مرسال ابوها<<بس قلت في نفسي( اذا حاجتك عند... قله...)
ونزلت وبروح اجيبه واشوف مافي الا ثلاثه واحد مكتوب عليه لايعمل <<للمعلوميه بنتخرج من الجامعه وللحين ماصلح هههههههاي ..
ولقيت داتا شو واحد<<الله اكبر كليه كبر جدتي مافيها الا (داتا شو)واحد <ويتهاوشون عليه الدكتورات ههههههاي الله يخلف..!<<وش عنده المفتش..
وزياده الطين بله تذبحني الدكتوره يوم تقول روحوا للقاعه أ
<<لما اسمع قاعه افطس ضحك
4x5 وتقول قاعه لنا الله..
ونروح معمل اللغه عشان الدروس السماعيه كل وحده عندها جهاز ومايشتغل تقول الاستاذه ماوصلنا الكهرباء< ترى بعد بنتخرح وللان ماضبطوها ولا وصلوا كهرب...
وابشركم المكيف يخر مي ياكافي..
والجدار مصدي ملعون خيره..
وخلصنا من المعمل ونطلع معمل الحاسب واناقلت والله وصارلي حاسب خاص الا بعد حاله حاله عشر حواسب صالحه <<والبنات يتهاوشون عليهم..انا اجي اخر وحده عشان ماتغثني واقعد عند دافوره لاجت استاذه اقول ساعدتها بفتح البرنامج<<برنامج الورد خخخخخ
وباقي الحواسب خربانه.. يالله من فضلك اللهم لاشماته..
ومعامل التدريب كبر بقاله الي عند بيت خوالي الي بزاويه الشارع.. ولا اذا طبقت قالت تخيلوا ان فيه آله مدري وشهي<<بحياتي ماشفت هآله بس تخيلتها وتخيلوا تخيلوا..
والدمى مالها يد تقول تخيلي ان لها يد المشكله ان المدربه (حب حر)<<هنديه..
انا بالبدايه قلت عادي متأثره بصواريخ الافلام الهنديه..
بس المشكله العميده تدري انها تعلمنا قوه التخيل وساكته<< دا منت كريم يآرب..
من كثر قوه التخيل كنت بنزل للعميده اقولها تخيلي اني تخرجت وعطيني شهادتي.<<بس رجعت لعالم الواقع بعد ماخلصت التطبيق..<<الحمدلله على السلامه.. كككككككك
وانا والله فر راسي من المبناء<<زي ماقلت متاهه جبت ورقه ارسم خريطه الكنز <<متأثره بسبيستون.خخخ
اقصد خريطه المتاهه^_^
وطلعنا للفسحه<<يوم سمعوني البنات قالوا فضحتينا وش فسحته اسمه بريك<<قلت ياشين الي يطلع عن اصله.
ورحت للكافتريا مدري مقصف..
بضاعه بجد هبال مدري وش تحس فيه؟؟ وهي رازه بخشتي مصاص غندور<<قلت تلوموني يوم اقول فسحه..!!
ومناديل كلينكس<<اتيكيت يعني..
آآآآآم الحاله..
بجد جامعتنا لا عين رآت و لا اذن سمعت ولا تطري على قلب بشر..
رجعت للبيت امي تقول اخبار الجامعه
وانا مكشره اقول ياميمتي اقدر ارجع الثانوي؟؟؟:192r:
الله يرزقنا بالجنه ..
القصه لم تنتهي ولن تنتهي ..
معلومه اخير: واحد مسؤؤل زار الجامعه قال معقوله بنات جامعيات بالمستوى التعليمي هذا ويدرسون فيذا مبنى ممكن ينهد في اي لحظه..<<نهدي حالنا بقوله الاعمار بيد الله
وانا اهز راسي انا البرفسوره ام الهكي هنا ادرس وليش يعني الدكتوره المطريه احسن مني<<انثبري الله يصلحتس خاشه عرض
ههههههههاي بطني ذبحني ضحك.
لان لنا 3 سنوات على ذا الحال وماتغير شي.. ولا راح يتغير ..
.لاآله الا اأنت سبحانك اني كنت من الظالمين..
انتهى..نقل حي من ام الهكي..
قصه حقيقيه 99.99%
رد مع اقتباس
..
المشاركة الأصلية كتبت بواسطة بصري الوضيحي
المفضلات