ومن فوق خشمه تتجه للعزيمة..........

[الداعيه / براك الفريسي الجربا]

أخي الغالي ..


طلبك بإذن الله نفذ ... وأنت لا يمكن أنك تشذ عنا ... فلا تجزع اللي عندنا عندك ..

وياهلا


براك الفريسي

[الداعيه / براك الفريسي الجربا]

في البداية أحب أشكرك عظيم الشكر على تفاعلك الصادق مع القصيدة ... وشهادتك تثلج الصدر ..

ولتعلم أن أختلاف الرأي لا يفسد للود قضية ,,, فلك مني على ملاحظاتك خالص الود والتقدير

لقد أعجبني تعقيبك على بقية الموضوع .. وأنا بصراحة أشكر لك حماسك وغيرتك على شرع الله ...

وياهلا


براك الفريسي

[الداعيه / براك الفريسي الجربا]

الشكر موصول لك أختي الفاضلة ...


ولك مني كل التقدير والاحترام


وياهلا


براك الفريسي

[الداعيه / براك الفريسي الجربا]

والله أخوي إني أتشرف بشوفتك ... ويعلم الله إنكم هلي وعزوةٍ لي ... لكن بعض الأحيان الظروف وضيق الوقت يخليك ما تقدر تشوف حبايبك كلهم ..

لكن بإذن الله مرةٍ ثانية ... وعسى الله يسهل أخوي فلاح .


وأنا شاكر لك تعقيبك ...


وياهلا

براك الفريسي

[الداعيه / براك الفريسي الجربا]

والله ياخوي يافواز إني ما زعلته لكن .. ما أدري وش بلاه علي هالمره .. أخبره حبيب .. لكن أقول .. الله يجيب العواقب سليمة ، وبعدين يارجل وش عاد لو درين به الحبابات , لاهن مغيرات شرع الله . واللي ماتبي ماحد غاصبه ...على روحه .

وتسلم لأخيك المغلي


وياهلا


براك الفريسي

[الداعيه / براك الفريسي الجربا]

الشكر موصول لك ... معطر بأزكى العطور الأخوية ...

شكرا... شكرا ... شكرا ... والف شكر


وياهلا



براك الفريسي

[الداعيه / براك الفريسي الجربا]

[poet font="Simplified Arabic,16,orange,bold ,normal" bkcolor="black" bkimage="" border="double,4,gray" type=0 line=200% align=center use=sp char="" num="0,black"]
مع التحية للعجيّز أم المدرسات

كان ما عنيتي روحك وجيتي .. حنا
نجيك بمضيفك جاية عند الرجال
( ياجوزاء التمياط على غفلة )

تعالي تعالي خليك على المركا
يالله حيه .. أقدعي .. خوذي من
الهيل رايب .. على قولةالشاعر
العروف ( لبيخان الفريسي )
رحمه الله ، يوم يقول :
ياصار مانجرك عوى وش تبي به=
طنيب ذيبٍٍ مرقبٍ بالرقايب
طنيب ذيبٍ شاف قومٍ عديبه=
مع جرة العربان يبي النهايب
وإلا مجالس دورنا بس غيبه=
صارت مجالس دورنا للحبايب
يقول مني قربي يالحبيبه=
خوذيه فنجال من الهيل رايب
تقول قهوةٍ بليا سكرٍ وش ابيبه=
اعمل لنا والا على غير طايب
اعمل لنا والا خمالك دريبه =
والكان ما تدري على الباب نايب


الحين ابي اعرف وش اللي محرق رزك
بالله قولي لي .. الحين ما دام بناتك
مدرسات وذايتن نفعهن .. وش تبين
بالرجال .. خليهم يعرسون عليهن
لأن نفعهن يالله لك وأشكالك ياعجوز
المشاكل والنكد..
أنتي الحين ما تستحين على وجهك
كل سالفة مدخلتن خشمك به ( من زين
هالخشم عاد ) إنتي لو تبين مصلحة
بناتك وبنات الحمايل كان تسعين
باللي يمشي أمورهن مع رجالهن
مهو تدورين المنافع منهن وهن مع
رجالهن .. خافي ربك .. ياعجوز ..

تري الكمال لله .. والله العظيم لو بناتك
مصبوغاتن بماء الذهب .. ما فاحت
ريحك على هالموضوع .. يعني الدين
مقطعكن بهالموضوع .. وغيرها من
الواضيع ما تبنه
وبعدين وش الحاجة اللي مخليتك
تحاكين الرجال بموضوع ماهو لك
ليه ما تقضبين أرضك ومضيفك ..
واللي تبينه ياصلك بدون طولة لسان
ماهو جايتنا تمايلين تقل انتل ،، لكن
تصدقين يوم شفتك تذكرت قولة عبدالله
فضاله يوم يقول :

يالله إني طالبك ربٍ خبير=
تعلم الخردل ولجات البحار
ياسميع وياعليم ويابصير =
يامجلي الليل يغشاه النهار
تجعل العجز يالولي باقصى السعير =
ماللحمايل عندهن يالله وقار
هن ركاب ابليس في وقت الأخير =
يقطعن الليل في جو الغدار
يذبحن الطير و إنه يطير =
يمسكنّه لو جناحينه كبار
من بغى اللي لابسن ثوب الحرير=
كامل الأوصاف ونهوده صغار
من عجز عنّه ولا له به مطير =
ينحر العجز المحاديب الكبار
يقول ياجديدتي جفني سهير =
من فلانه والله ما ليبه قدار
عدّلت ظهره وقالت ما يصير =
لازم أديره وجيبه بالقمار
وحين قفت منك عجله بالمسير =
كنه الشيطان طاليها الغبار
وثوبها من ظهرها يبي يطير =
وكوعها يومي كما ذيل الحمار
لا تهقوى بنت سلطان كبير =
نزلتها من منازلها الكبار
ياسقيم العقل وأفهم ياضرير=
لا تخلي العجزياطنلك بدار
ّ


أقول ...
ياعجوز الفلس .. فعلا الأم قبل تضم .. لكن
الحمد لله اللي سلمنا منك ... أصبري
أصبري ياعجوز .. لا تقومين ..
أشوف انعقد حجاجك .. الظاهر زعلتي
لكن ابي أقول لك كلمة قبل ما تقومين

الحين انتن تقلن انه ما به عدل
عند رجال هالوقت ( زين ) ..
وانه مالمفروض إننا نعرس
على حريمنا إذا ما به عيب
.. ياسلام
يعني أنتن كاملات والكامل وجه الله ..
لكن تدرين هذا عليك انتي وبناتك
المدرسات وغيرهن من الحريم ,و تدرين
ليه ..
أنا أقل لك ..
هذا يعني إن كل واحد عنده مره
لازم الحين يعرس عليه .. لأنه ما به
مرة كاملة كل وحده به عيب .. هذا
غير نقص العقل والدين ..

أما عرسي أللي تبينه .. فانا
يالعجيز عندي وحده عن اربع من
الحريم والحمد لله والشكر ..


وقبل ما تقفين .. تريك أنتي أمٍ
لنا بهالمضايف .. وسوالفك حلوه
وانا والله شرهت عليك ..لأني ما أبيك
تصيرين من اللي قال بهن الشاعر :

ياعجوز أبليس يا حدبا ظهر =
أخبريني يالخبيثه وش تبين
إدرجي درج على راسك كفر =
كنورٍ مشحون وقلوصه إثين
ينقلب من فوقهن وإنتي حدر=
ويشتعل من فوق راسك بانزين

وانتي ما تستاهلين إن ينقالك
هالكلام وعسى الهشهاش ما يجي عظامك
ويوفق الله بناتك بكل شيء ...
وأنا أغليك والله لأنك عجوز لنا كبيرة
ورايك في كثير من الأمور زين
ومواضيعك حلوه .. واللي ماله كبير
يطيح بالبير .. وحقك كبير عندي أنا بالذات
وسامحينن إن زليت عليك بالكلام واخطيت

والموضوع طال وانا ما ودي إنه يطول
لكن عسى الله يوفقنا جميعا


وياهلا







[/poet]

[العذب]

الله يكفينا الشر


والله طاحت بين يدين متعافي ...


عجيز قاضية طاحت بين يدين رجل متعافي ... منين تجيك السلامة


الله يسامحن ... ما كان علي إني أسوي هالسوات



لكن .. خل الخافي يطلع ..


وما قصرت العجوز .. ولا قصر براك


لكن ..



الله يخارجنا من هالسالفه



وعلى المحبة ,,,

[ابن رخيص]

الاخ العزيز براااااااك
شكرا لرد ولسعة صدرك
وبصراحه انا احترت بينك وبين عجيزنا السنعه
بس اشوف انك متحامل عليها واجد ..
وبصفتي جديد على هذا المنتدى الجميل اعتقد ان بينكم موانة كبيرة
وماودي اتدخل بينكم حيث ( لاينوب المخلّص الى تمزيق هدومه) ..
ولكن استهجن تهجمك على عجائزنا الفاضلات
وتناسيك انهن امهاتنا وجداتنا وعماتنا وخالاتنا..
وهنّ وشيباننا بركتنا في هذي الدنيا يا اخي براك ..
الله لايخلينا بس
خفعليهن وانا اخوك وترى ان بغيت تثني مالك الا عجوزنا السنعه
لازم ترضيها يمكن توافق تناسبك وتعطيك احد بناتها .

واحيانا اقول والله انك مجدي يابراك بهالعجوز لان شكلها من حموات مصر ومشتغلة
ممثلة كومبارس باستديوهات شارع الهرم الين شبعت والا ويش عرفها بالكلاكيت واول مره واثالت مره ..
ومن عجايز البال توك الشهيرات الله يعافيها ولا يبلانا ..


ولكما خالص تقديري .



ومهما

[الداعيه / براك الفريسي الجربا]

العذب العزيز


تقتل القتيل وتمشي بجنازته



تسلم اخوي



وانت تدري ان كل هالكلام من اللسان ما هو من القلب ولا العجوز السنعة كلنا نحبها



ويا هلا اخوي