اهل الحلال
دايم يسببون مشاكل على الطريق الله يهديهم
مشكلتهم الظاهره واللي الجميع يعرفه انهم يدشرون حلالهم بهالشوارع
ويتسببن بحوادث يا ستار سترك
والمشكله القضيه تصير ضد مجهول
وهالمجهول موجود بس يتلاوذن عيونوه تقل سروق بيننا
ايضاً << يا هيوان على هالاسلوب يا شيخ
لهم مشكله ثانيه واقل ظهور من الاوله
هالحين لو تلقالك واحدن معوه بعارينوه ويبي يقطع الطريق
وانت جاين بأمان الله بطريقك وتطنب عليهن
حركه لا اراديه بس ما تبيهن يطلعن بوجهك
ما تفطن الا الرمي من فوق راسك
ويجيك ويحط الرشاش براسك ويهدد ليه تطنب على البعارين ياللي فيك ما يخطيك
ثواني بالله يا اخ بعير
يعني وش تبيني اسوي
اخليهن ينطقن بوجهي
وبعدين وش ضريتهن بوه يوم طنبت
ياعمري يا مرفت امين يا حساسه يا ناقه
اشووووف جذلته يلعب به الهواء
واحدن من الربع قبل كم سنه كان ماشي بسيارتوه رايحن يبي رفحاء
وفجأه طلعن عليه غنم وهو يتمشى على بطن كم وحده منهن
مات منهن حوالي 40
والرجال دخلوه بالمستشفى ويالله يحيا
وعقب ما طلعوه من المستشفى وراح للبيت
جاهم واحد وقال ابي اتطمن على المريض
يوم جا عند المريض قال الحمد لله والله انك حصان مافيك الا العافيه
عاد دامك طيب ابي منك حق الغنم اللي ذبحتهن
طلع هو راع الغنم
ومتغيب ذالن هالمسكين يموت ويبلش بوه
وراح رفع قضيه يطالب بحقوه
بس واحد من الربع تكفل بالموضوع مشكور
جاوه بالبر لحالوه وحط الرشاش بمناخيروه وقال علي بالحرام ان ما عقلت لا اخلي
مناخيرك جحور للجراذي يا هيس
وثاني يوم وهو مسجل تنازل عن القضيه جزاه الله خير بطيب خاطر
فالله يهديهم ويتسفينا شرهم
بالمدن يحدنا هالمرور
وبرا يحدوننا اهل الحلال
وخذنا
وتقلدوا تحيتي
رد مع اقتباس
المفضلات