مع تعلمها ... وضد السماح بها !!!!

[فوووز]

صبحكم/ مساكم.. الله بالخير..



من بعد كم موقف صار .. وأنا أفكر بشكل جدي في تعلمها..
أدري أن فيه معارضين كثيييييييييييير.. وهم أكثر من المؤيدين..
بس تعلمها صرت أحسه ضرورة..


السواقه(القيادة)

لاتقولون لي دعوة للتحرر.. وعلمانية ..

لا والله,, الله لايقوله ...

أناأبي أتعلم بس تحسباً لآي ظرف طارئ لاقدر الله
والا انا اصلا ضد قيادة المرآة.. <<< نفسي أدري وش الفايدة اللي بتصير من ورى سواقة الحريم..

تدرون وش بيصير بتتسكر الشوارع من الزحمه.. ويجي مفاخر بالسيارات .. ويصير الشارع كله ملون كنه علبه شباصات بنيات <<< تشبيه هههههههههه


فكرة تعلم السواقه (القيادة) ماجت ببالي إلا من بعد موقف حصل لأخوي من كم سنة كان رايح هو و أمي لمشوار وتوه متطارح مع واحد الظاهر أنه كسر ضليعاته..
فجأة طاح غشي على أمي وهو يسوق..
بس من حس بعمره وهو مطفي السيارة..
وأمي تنزل من الخرعه تدور لها أحد يساعدها بس صحى وشافها نازله من السيارة وناداها..ووصلها للبيت..
وأنتهى هالموقف على خير..


هذا أول موقف خلاني أفكر في تعلم السواقه .. مع أني حاولت كم مرة بس ماقدرت .. رهبه مسكت الدركسون .. والقير عندي مشكلة..
بس بعد أبي أتعلم..
وهالموضوع لازلت أفكر فيه ومقلقني...



ومن كم يوم حصل لأخوي موقف ثاني..
كان مسافر و تعبان مررررررررررررة.. معه زوجته وبنته..<<طبعاً ماتعرف تسوق..
كانت حرارته 40 .. ومايقدر يمشي ,,يتعكز بعصا..
ولونه أصفر.. ويقط خيط وخيط..<<<باغي يطق الدكتور بعصاه لو ماأخذوها منه
والله هقوتي ماكان يشوف الدرب بالبركه واصل
جاء أمي اتصال منه.. وأخترعت ..قالت لأخوي قم شف أخوك بالشارع ماأدري وش فيه
أنا ماأتحمل هالمواقف ..أسابق اللي يقوم <<< تبي تفزع
طلعنا شفناه بمنظر صعب... تحامل على عمره ألين وصل البيت .. والحمدلله وصل..

بس... تخيلوا معي الموقف .. تطلع بالشارع .. وتلاقي أخوك هلكان من التعب .. و مهوب قادر يشيل عمره..
و طايح تحت سيارته..

أحمد ربي أني ماكنت معه..
لأن ماأدري وش بسوي..؟؟

موقف عساكم ماتمرون به ولا تشوفونه..
والله يشفيي أخيي ويقومه بالسلامة..


أنا دائماً تراودني هالمخاوف .. خصوصاً في الأسفار..
وعشان كذا لازلت أصر على أني أتعلم ..
والله المواقف اللي زي هذي كثير..
وبعد هالموقف وش تبوني أقول .. غير أني أبي أتعلمها..

على الأقل لو تعب الرجال (مرته- أمه -أخته- بنته) تسوق عنه .. أو تنقذ الموقف لو حصل زي ماحصل هالحين...
..


أنتم معي وإلا لا؟؟؟
وش رأيكم في كلامي...

عرضت الموضوع بمواقف من واقعي.. أبي أشوف رأيكم فلا تبخلون علي فيه..

[يـــوسف]

فـووووز





أنا رجال شيـوعـ... يعني ماعندي اي مشأكل



استغفر الله العظيم






والله شـوفي للضرورهـ مافيها نقاش انه يسمح بالقيادة طبعآ وجهة نظري ماتعني اني أجبر العالم





عنـدنا بالشمال فيه حريم يسوقن بس لظـروف معينه وتكـون مجبورة على هالشي






وزي ماتفضلتي لاسمح الله لو صار للزوج شي بالطريق مشكله محـد راح يدري وش يصير من مصايب





وكلامك عقلآني عكــس من يطآلبون بهالشي











تشترين ددسني













لآهنتي يافوز وربك يعين

[عبدالواحد]

اغرب مقاله شفتها طول حياتي النتيه ..


الاخت فوز ..


الجواب

كل انسان يستلهم المشوره والرأي من البيئة والمجتمع و هنا الكل لديه الرأي والحجه
لكن لا اظنها سوف تساعدك باتخاذ القرار الذي ربما يعكس جوك الاجتماعي


لكن احب اقولك شي ..
اي قضيه تمس المرأه في بدايتها راح تلاقي عدة حواجز ومصاعب ..
لانها لا تتوقف فقط علي الرأي الشرعي الذي بسهوله نستطيع ان نسال عنه ونعلم مشروعيته
ولكن قضايا المرأه اذا ما تجاوزت البيت ستنصدم بالقرباء ثم بالفريج واذا تجاوزت الفريج ستنصدم
بالقريه وثم المدينه وووووو ..
لذلك اقول التريث افضل ,,

تحيتي

[لوليتا]

*
*


والله انا نفسى اتعلمها بعد لمثل هالمواقف
مدرى احس لو اسوق انا واودى اولادى مدارسهم افضل ما اخليهم مع سواق
وافضل لى انا شخصيا من الجلوس وراء سواق
وخاصة اذا لم اجد من يقوم بتوصيلى من اهلى
اعتقد تعلمها للضرورة والحالات الطارئة اللى ما يكون فيها احد غيرى افضل

لكن مع الاسف لازلت خائفه من تجربتها



شكرا لكِ فوووز


*
*

[فوووز]

فـووووز





أنا رجال شيـوعـ... يعني ماعندي اي مشأكل



استغفر الله العظيم






والله شـوفي للضرورهـ مافيها نقاش انه يسمح بالقيادة طبعآ وجهة نظري ماتعني اني أجبر العالم





عنـدنا بالشمال فيه حريم يسوقن بس لظـروف معينه وتكـون مجبورة على هالشي






وزي ماتفضلتي لاسمح الله لو صار للزوج شي بالطريق مشكله محـد راح يدري وش يصير من مصايب





وكلامك عقلآني عكــس من يطآلبون بهالشي











تشترين ددسني













لآهنتي يافوز وربك يعين

مرحبا يايوسف

صحيح فيه حريم ينجبرون أنهم يسوقون ..بس طبعا خارج المدينة.. وزحمتها..

أنا عن نفسي أبي بس اعرف كيف أتعامل مع السيارة وقت الأزمات

والددسن صامل تبي تبيع ؟؟؟ بكم

[أهداااب]

هلا خيتوو فووووز

كلام منطقي و معقول ..


هنا تذكرت أول محاولة لي في القيادة

كانت أول ما تخرجت من الثانوي و أحتري قبولي بالكلية

بالصيف كنا في المزرعة ..

التوقيت : عز القايلة ..

أخوي الصغير كان توه متعلم السواقه و يفر و يفر بددسن العمال مديل 83

ناداني قال تعالي معي وش رايك أعلمك السواقه ..>> مسوي فيها متعلم و يعلم ..


بسرعة أوميت براسي بأن لا مانع لدي ..


ركبت و قام يعلمني الأصول عشقي أول و دوسي بانزين شوي شوي

و أنا أمحطهااا و دعست الزرع و ليات المزرعة ذيك الكبار و بغيت أقش عشة العمال بعد ..


و هو ينزلني .. و يردد يالله السلامة ..


من هذه التجربة أيقنت أنه حتى لو سمحوا للحريم بالسواقه أنا مستحيل أسوق

عشان الناس مو عشاني ..

رغم أنا في طلعات البر أبوي يعطينا حنا يا البنات السيارة نلعب فيها و نتعلم القيادة

>> والدي لله درّه متحرر <<


أمي خواتي كلهن فنانات قيادة إلا أنا رفضت حتى التعلم و تكرار التجربة ..



أنا معك يا فوووز بالفعل المفروض الوحده مو بس تعلم السواقه بعد تتعلم الرمي بالسلاح ..


لا قدر الله تهجموا عليها قطاعين طرق و في قصص و مواقف كثيرة لا أحسن ذكرها هنا ..


زبدة القول : لو يفتحوا معاهد لتعليمنا القيادة و الرمي و نطلع بطايق أحوال أبرك ..


لمتى وحنا معلقين في ظهر الأب أو الأخ أو الزوج ..؟!




ليست دعوة لتحرر ..



فقط وجهة نظر




شكراً لك يا بعدي ..

[فوووز]

اغرب مقاله شفتها طول حياتي النتيه ..

ليه ...

أغرب مقال ؟؟؟


الاخت فوز ..


الجواب

كل انسان يستلهم المشوره والرأي من البيئة والمجتمع و هنا الكل لديه الرأي والحجه
لكن لا اظنها سوف تساعدك باتخاذ القرار الذي ربما يعكس جوك الاجتماعي

أنا طرحت الموضوع لمعرفة أراء الأخوة والأخوات.. وليس بالضرورة قراري مترتب على ما سيرد هنا من ردود..
لدي رغبه في شي معين.. لدي القدرة على إتخاذ قراري..

ولتوضيح رأيي في الموضوع..
فأنا أرى ضرورة تعلم القيادة حتى أكون على علم ودراية بها خوفاً من التعرض لأحد المواقف السابقة التي ذكرت..
حتى أكون على أتم الأستعداد متى ماكنت بحاحة إلى ذلك..
وليس لي غناة عن الرجل ... فهو من سيكون درع لي في كل مكان..


لكن احب اقولك شي ..
اي قضيه تمس المرأه في بدايتها راح تلاقي عدة حواجز ومصاعب ..
لانها لا تتوقف فقط علي الرأي الشرعي الذي بسهوله نستطيع ان نسال عنه ونعلم مشروعيته
ولكن قضايا المرأه اذا ما تجاوزت البيت ستنصدم بالقرباء ثم بالفريج واذا تجاوزت الفريج ستنصدم
بالقريه وثم المدينه وووووو ..
لذلك اقول التريث افضل ,,

تحيتي

أخي عبد الواحد

أعلم ذلك..
ولكنني لست بحاجة إلى أن أصطدم بالمجتمع .. من أجل أن أخالف الجميع..
في محاولة مني لعمل ماهو مستغرب ومستنكر فيه..

أشكر لك حضورك ..فلك مني كل الشكر والتقدير

[فوووز]

*
*


والله انا نفسى اتعلمها بعد لمثل هالمواقف
مدرى احس لو اسوق انا واودى اولادى مدارسهم افضل ما اخليهم مع سواق
وافضل لى انا شخصيا من الجلوس وراء سواق
وخاصة اذا لم اجد من يقوم بتوصيلى من اهلى
اعتقد تعلمها للضرورة والحالات الطارئة اللى ما يكون فيها احد غيرى افضل

لكن مع الاسف لازلت خائفه من تجربتها



شكرا لكِ فوووز


*
*

مرحبا أختي لوليتا

فعلا .. تعلمها أصبح ضرورة ولكن ممارستها تقتصر على المواقف الصعبه..

أنا أقصد بذلك ..إنقاذ موقف قد يترتب عليه عواقب وخيمه..كحوادث.. وغيرها

لكن توصيل الأبناء.. من المفترض قيام الأب بذلك.. وإذا تعذر تواجده الأم مع من تثق به حتى لو كان سائقاً..
ولا تترك أبنائها مع سائق لوحدهم مهما كانت مدة إقامته .. ومدى ثقتهم به..

تقبلي تحيتي يالوليتا..

[فوووز]

هلا خيتوو فووووز

كلام منطقي و معقول ..


هنا تذكرت أول محاولة لي في القيادة

كانت أول ما تخرجت من الثانوي و أحتري قبولي بالكلية

بالصيف كنا في المزرعة ..

التوقيت : عز القايلة ..

أخوي الصغير كان توه متعلم السواقه و يفر و يفر بددسن العمال مديل 83

ناداني قال تعالي معي وش رايك أعلمك السواقه ..>> مسوي فيها متعلم و يعلم ..


بسرعة أوميت براسي بأن لا مانع لدي ..


ركبت و قام يعلمني الأصول عشقي أول و دوسي بانزين شوي شوي

و أنا أمحطهااا و دعست الزرع و ليات المزرعة ذيك الكبار و بغيت أقش عشة العمال بعد ..


و هو ينزلني .. و يردد يالله السلامة ..


من هذه التجربة أيقنت أنه حتى لو سمحوا للحريم بالسواقه أنا مستحيل أسوق

عشان الناس مو عشاني ..

رغم أنا في طلعات البر أبوي يعطينا حنا يا البنات السيارة نلعب فيها و نتعلم القيادة

>> والدي لله درّه متحرر <<


أمي خواتي كلهن فنانات قيادة إلا أنا رفضت حتى التعلم و تكرار التجربة ..

حاولت أتعلم .. وماقدرت.. سقت شوي وخفت ..
وهالحين نسيت اللي تعلمت << ماتتعلم إلا في أجواء الأمطار

أنا معك يا فوووز بالفعل المفروض الوحده مو بس تعلم السواقه بعد تتعلم الرمي بالسلاح ..

والسباحة.. وركوب الخيل بعد ..

لا قدر الله تهجموا عليها قطاعين طرق و في قصص و مواقف كثيرة لا أحسن ذكرها هنا ..


زبدة القول : لو يفتحوا معاهد لتعليمنا القيادة و الرمي و نطلع بطايق أحوال أبرك ..

بس معاهد أحسها صعبه شويتين...

زي ماتعلموا أهلنا وأخوانا السياقة من دون معاهد يعلمونا..
وحنا ماحناب ماسكين خطوط..

والبطاقات مايطلعها إلا اللي محتاجها.. دام ربي ماحدك .. مالك حاجة فيها..

هذاني طلعتها وجادعتها بالدرج .. طلعتها بسبب وظيفة مشروطة ببطاقة أحوال .. وبالأخير ماطلبوها ..ولا حصلت الوظيفة ..وتحسفت أني طلعتها..

لمتى وحنا معلقين في ظهر الأب أو الأخ أو الزوج ..؟!

هم سندنا يا أهدااب.. ومن دونهم ماراح نحس بقيمتهم.. الأستقلال والحرية والتفرد بالرأي والقرار بعيد عنهم.. ماراح يترك لهم أثر أو قيمه في حياتنا..
فخليهم زي ماكانوا ..عشان تبقى قيمتهم عندنا مانستغني عنهم..


ليست دعوة لتحرر ..



فقط وجهة نظر




شكراً لك يا بعدي ..

وأنا كانت تلك فقط وجهة نظر..

شكراً لك يا أهداب لحضورك

[صلفيق]

مرحبا فوووز

نقاشات تدور وتنتهي بالفشل.

أرى من أراد ذلك ان تكون قرارت فردية ، وبعيد عن أعين الناس.
ولن أزيد على ماتفضل به الأخوات.


ولي عودة لوجهة نظر خاصة ..!


شكرا لك فوووز،،،