السلام عليكم ورحمة الله وبركاته
اليوم ياجماعة الخير ودي اقتح معكم نقاش عن ماتتناقله وسائل الاعلام الرياضيه هاليومين بخصوص مزاعم هلاليه تقول بان اللاعب حسين عبد الغني قام بتوجيه اهانات وشتائم للاعب احمد الفريدي .
طيب لنفرض جدلاً ان هذا هو ماحصل بالفعل .... ماهو المطلوب في هذه الحاله ... ماذا يريد الهلاليون ؟
سمعت البعض يقول يجب ان يقام عليه الحد الشرعي وهو الجلد ....
طيب ليه على طول حكمنا عليه كذا مهو البينه على من ادعى والحلف على من انكر ....
واذا البينه على احمد الفريدي هل من المعقول ان تستند المحكمة في قضيتها على الصوره اللي تبين ان عبد الغني يضع يده على فمه ؟
واذا حلف عبد الغني ..... وطالب الفريدي باثبات انه لايتصف بصفات المسلمين ....
يقدر الفريدي يثبت او نجلدة ؟
طيب مدام الشيء بالشيء يذكر ......
حادثة الكابتن ياسر القحطاني فيها من المحرمات ماهو اكبر بكثير من حادثة عبد الغني والفريدي ....
ليه ماطلب الهلاليين الشرع وفتها ورجمو ياسر ....
لا وكانو هذاك الوقت يقولون استرو عليه ومن ستر على مسلم .......
مع ان التشهير احد الاحكام الشرعية
طيب
ليه ماحاكمو سامي وهو يصف اشقاء لنا قطريين بانهم حيوانات ...
ليه ماحاكمو الثنيان يوسف على انتشار المقطع واللي يبين ان يوسف بوضع غير طبيعي ..
ليه ماحاكمو الدوخي والجمعان ,,,,,,,,,,,,,,,,,,,,,,,,,, <<< تعرفون ليه هالفواصل .
ليه ماحاكمو خميس العويران مع العلم ان الاتحاد السعودي شطب اللاعب لاكن انا اتكلم عن الحكم الشرعي ...
واخيراً ليه ماحاكمو سامي والدعيع وعزيز بعد حادثة .....................
تدرون ليه هم ساكتين على كل هذولي ونشبو على سالفة عبد الغني
^
^
^
^
المتابعه رجاءً للهلاليين الغير متعصبين وممثلي باقي الاندية فقط
الهلاليين او الاعلامي الهلالي يدري ان الوضع في النادي مايطمن لسبب بسيط وهو ان المتتبع للفريق الهلالي في الاعوام الاربعه او الخمسة الاخيره يعرف ان الهلال يعتمد على عمود فقري قوي جداً ممثل في الدعيع وتفاريس عزيز( كماتشو او التايب) وياسر ...
المتغيرات هي :
1- انخفاض مستوى الدعيع من نهاية الموسم الماضي.
2- في الدفاع تم استبدال تفاريس بالهوساوي وهذه هي الايجابية الوحيدة
3- الاعتماد على رادوي في الوسط وابعاد عزيز عن جو المباريات .
4- استبدال التايب بنيفيز والذي لم يتاقلم مع المعيشه في السعودية حتى الان .
5- انخفاض واضح ومخيف في مستوى الكاسر ,,, والمحياني مهو اللاعب اللي انافس فيه فرق القاره .
الوضع في الهلال مايطمن لانه بوقت اكتمال الصفوف ماقدر يتعدا الدور الاول بالبطولة الآسيوية هالحين وش بيسوي ؟؟
اذاً الاعلامي الهلالي اذا مااشغل الجمهور بمثل هالامور وش يسوي ؟
وفي نهاية الحديث ابارك للفريق الهلالي حصوله على لقب نادي القرن عن طريق موقع الاتحاد الدولي للاحصائيات .
هذا الموقع المعتمد من قبل الفيفا والذي اقر في يوم من الايام ان جمهور الشمس هو الاكثر ..
فالف مبروك للهلاليين هذا اللقب وعقبال الاكثر جماهيرية .
او الف مبروك للعالمي هذه الجماهيرية وعقبال نادي القرن .
وتري مكاسي للجميع
رد مع اقتباس
المشاركة الأصلية كتبت بواسطة منصور الغايب
المفضلات