كثر الحديث عن هذه القصيده لمن ومن قائلها
وقد وصلتني القصيده من قائلها وحبيت انقلها لكم
وباذن الله سوف انقلها بصوته عما قريب
وقائل القصيده هو الشاعر / فالح عبدالله الناهي الشمري يسكن في محافظة الاجفر
في غربتي عيني على مطلع الشمس
لـي لابـةٍ مثلـه علـوّه وضّــــــــيـه
لا غبت عنهم ينحمس خاطري حمس
وأرضى إذا جيت النفوس الرضـيّـه
بعض الخلايق ذكرهم يجلب العمـس
وبعض الخلايـق ذكرهـم شاذلـــــيّـه
وأنا هلي بنٍ مـع أرناقـه الخمـس
من لامنـي لاصـرت كلـي حمـــــــيّـه
لي لابةٍ تاريخها يرفـض الطمـس
بكتب العجم لـو خانـت الأبجديّــــــــه
تِسمع بعال الصوت لو تنّطق همس
صفحة فخر يصعب على الناس طــيّه
أمجادها باليوم .. وأمجادها بأمـس
لها عـروقٍ عبـر الأزمـان حـــــــــــيّـه
ولي ديرةٍ يطرب لها الحكي والرمس
حايـل .. وحايـل تحفـةٍ حاتمــــــــــــــيّـه
حايل لو إنه ينلمـس حبهـا لمـس
أبصـم وتظهـر بصمتـي حايلـــــــــــــيّـه
أنا من اللي عزهم يشبـه الشمـس
أحرار طـي .. وعزوتـي شمريـــــــــــه
بن اليمن يفرقه عن غيره الحمـس
وحنا فرقنا الطيـب وسـط البريـــــــــــــه
والله مالي عقب ما أطبـق الخمـس
إلا الوفـاء للشـمـري والحمــــــــــــــــيـه `
وسلامـــــــــــــــــتكم
رد مع اقتباس
المشاركة الأصلية كتبت بواسطة سلطون ش م ر
المفضلات