[poem=font="Arabic Transparent,6,sandybrown,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بين ترتيب الخواطر والظروف اللي قرنّه = رتل البحار ترنيم الوداعه والرحيل
جاه مثل الشوق لكنّ مالقى للشوق منّه = الجهات الاربع اللي فالمحيط اكبر دليل
ودع المينا وسرسر للهبايب ياصلنّه = كلها كلمة عتاب من الخليل الى الخليل
والنوارس افهمنّه ليتهن ما يفهمنّه = ليت سرّ القلب يبقى في كفوف اعتى بخيل
واختفى مركب غرور الذات فامواجٍ حدنّه=ما بقى للعايبه في ابجدياتي مقيل
في صباح اليوم الاول من رحيله افضحنّه = دمعتينٍ في جفونه كنها جمر المليل
احسرنّه وابتلنّه واجمعنّ وفرقنّه = واتركنّه في قليل اليا قليل اليا قليل
اجهشت عين المعنا من هواجيس فرنّه = لا تذكر مامضى له في زمان المستحيل
آه ياذيك المراتع والسنين اللي علنّه = آه يابعد المسافة بين صبح وبين ليل
آه ياذيك العيون وشفهنّ لا ناظرنّه = كنهنّ شفّ الكريم اليا لقى عابر سبيل
لو لقى قيس الملوح غير ليلى ماكفنّه =لو بثينه حاولت تنسى مخاويها جميل
كل حي وله شعور وداخله ثورت مَحَنّه = للحبيب اللي دخل قلبه ولا غيره بديل
لكن الخيبة ليا صارت جروح القلب مِنّه = قل على الدنيا السلام وقل على الحب الرحيل
[/poem]
رد مع اقتباس
المفضلات