الله على الفنجال مع سيحت البال
00000000في مجلسن مافيه نفسن ثقيله
هذى ولد عمن وهذى ولد خال
00000000وهذى صديقن ما ندور بديله
اجل فنجال يالسنعوسيه هااااااااه
يقولكم الفناجيل 3
1-فنجال الضيف
2-فنجال الكيف
3-فنجال السيف
سمو الله يحييكم على فنجال الضيف
هالقسم ثاني احب قسم عندي بمضايف شمر
ولا قد كتبت موضوع هنا لان هالقسم اكبر مني ومن كتاباتي
قسم حساس<<احلفي <<احتسي عدل لاتروحين اعدام هالقسم بوه قنابل عنقوديه
بشروني عساكم مبسوطين بشروني عن شيبانكم ايه الشيبان اشوا منكم
ويازين سوالفهم لامن جلست عندهم واخلاقهم رايقه
امس جالسه انا وعمي العود وابوي ونسولف اقولهم ماعاد اشوف زي اول شيبان بشوارع نبي سوالف
نبي جد لنا تكفون قال ابوي اشي حطى هالملقاط على الجمر قلت وش انت ناوي قال ناوي الي انتي ذالتن منوه هههههههه
والله كيفت يالربع وخلص فنجالي
سمو ذا فنجال الكيــف
وطبعا جبنا سيره عن الطنايا <<مافيه مجلس يخلو من ذكرهم
وجالسه اقول يبه ياكثر القابهم واسمائهم شمر
قال ايه كثير اسمائم وكل اسم لوه سالفه
الطنايا وقال سالفتهم,, السناعيس وقال سالفتهم,, الضياغم
قلت يبه على طاري الضياغم من هي لوه ربعنا بالمضايف كل شوي نفرقهم كل شوي واحد منزل عقالوه على الثاني
قال ايه وانا ابوتس حصانين مايشبك عليهن جميع<<مافهمته بس مشيته لوه ابيه يكمل
قال هالحين الخلاف وش عنه؟؟
قلت فيه من يقول الضياغم فقط للجعفر وفيه من يقول لا تضم عبده كله,, حسب بعض القصايد
قال على قولة الشاعر
الناس تدري بالجدايد والاسمال
00000000وعند الولي وصل الرشا وانقطاعه
كلن عارف من هي له
قال لي اضرب لك مثل بســـــــــــيط
الجنايز منهم؟؟ قلت الي اعرفه انه لرشيد. قال لرشيد عامه؟؟!!
قلت اتوقع كذا
قال قومي والله منتي بهالمتسان وش اتوقعهالكلام ما يتحمل توقع او احتمالات شئ واضح
الجنازه عبدالعزيز المتعب الله يرحمه
يعني عياله وما تبعهم هم الي يقالهم الجنايز لانه هالاسم لأبوهم عبد العزيز المتعب بس. الحين كل الرشيد عمهم الاسم لانه منهم
الضياغم هالحين اتوقع تضم عبده كله زي ما شرحت سبق يمكن الي جابه فخذ من عبده لكن هالحين ضمت عبده كافه
الي دعاني الي كتابة هالموضوع اغلب المواضيع تكلم عن الضياغم مغلقه
ومعاه حق الي اغلق لانه فيه تطاول بالردود
ما تسوا عليكم واحد يتطاول على اخوه الثاني والسبب شي كل الناس عارفته
حنا ارقى من بعض النقاشات الي تنتهي بأأغلاق الموضوع
الي يخالف كلامي ترو فيه فنجال نسيناه <<براسه شر
وقفه:كل واحد من خلف جهازه والكل منا يكتب بـ اسم مستعار
الهويه هنا هو القلم وكل ماكُتب هنا بتحاسبون عليه
قبل كم يوم انتو متجمعين ياشمر على واحد كلكم بهالقسم وانواع التهزئ وانوع السب فيه والي يشوفكم يقول ماشاء الله
واجزم انه لو شاف موضوع واحد يتكلم عن مسمى الضياغم بردت حرته بكم
للذلك تكفون ياشمر لاتشمتون بنا الناس
انا طااااااااااااااااالبتكم
لكم مني اجزل التحيا وكل الشكر لكل من مر
عاطر ودي
رد مع اقتباس
المشاركة الأصلية كتبت بواسطة عطرشمر
المفضلات