اتساقط لعينه شعــــر
[poem=font=",6,white,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
لا احد ٍ يقول لحضرتي : عاد عيدك=لا عاد عيدي والغلا فيه غايب
[/poem]
النـــص
:
[poem=font=",6,white,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يا عيد لا تكشف ستر روح لبست بسمة فقر=عوّد ترى الفرحه معي ازرت تخيط ثيابها
ياكيف اعايدهم وانا اسحب من شفاهي جمر=(عيدك تبارك) ماتبي الا اعز احبابها
يا اقصى طموحاتي غرام واقسى مشاويري صبر=وينك؟ تمثنى سجتّك ضيقة تحد انيابها
تعال عايدني بحر واعايدك فتنة نظر=تفتح على مدّ الغلا يمّك جميع ابوابها
ابزفر الفرقا شهر وابشهق لوصلك دهر=يمكن مسافات الوله تعطف لي بغيّابها
طيفك ليا هز الفكر اتساقط لعينه شعر=وابدع له ابيات إيعجز اطلق شنب ماجابها
ماغيرك اللي لا طرى اسكب له اشواقي حبر=يصعب على جيش الورق انه يصد اسرابها
كتبتك لعيدي سهر ولبسمتي اكبر عذر=ولسجتي فكرة ولا غيرك اظن اولى بها
العيّد روّح والعزا في شوفتك يرجع يمرّ=عيدي وتلبس فرحتي إلعينك احلى ثيابها
وان انشدوا علامها ما عيّدت سجّة فكر=قولوا لهم ما عودّت تفرح بدون احبابها
[/poem]
ارق التحايا
سلمى
رد مع اقتباس
المشاركة الأصلية كتبت بواسطة عبدالله الجعيثن
المفضلات